حواديت مريمه وياسين النجاة كاملة بقلم مريمه

حد يجي ياخدك ويمشي عادي كده ده مش هين علي قلبي أبدا بس أنا شوفت نظره في عيونه مخلياني واثق انه هيصونك حسيت بحنيه في صوته اول ما قال أسمك فقط مابالك لما تكوني مراته ! عايزك تفكري وتعرفي إني جنبك ومعاكي في أي قرار 
ضمھا ومشي وسابها مبتسمه لأثره 
يعني يوم ما تبصيلي بتركيز عشان رؤية شرعية تبصيلي بقرف كده اقوم امشي عشان ترتاحي !
ياريت هرتاح أوي
قعد بارتياح ان شاء الله عنك ما ارتحتي في بعدي قاعد علي قلبك يبنت حسن 
بصلته پصدمة حاساك واثق من نفسك أوي دي أعراض نرجسية خلي في بالك 
بس بس إنت تطولي ده
أنا حتة كريمة وبعدين هو إنت عشان قريتي كتابين في علم النفس هتلاعبيني بالمصطلحات بقي ولا إيه
تنهدت بصبر 
استاذ ياسين حضرتك تعرف إني كنت بتعالج عند والدتك يعني كنت عند دكنوره نفسيه مش خاېف بقي اكون مجنونه وكده
يتبع 
بقلم مريمه
حواديت مريمه وياسين
النجاة
الأخير
تنهدت بصبر 
استاذ ياسين حضرتك تعرف إني كنت بتعالج عند والدتك يعني كنت عند دكتورة نفسية مش خاېف بقي اكون مچنونة وكده
ابتسم كان متوقع سؤالها
وهو أنا لما يبقي عندي مشكلة واروح لمتخصص يساعدني في حلها أبقي كده مچنون اللي يفكر التفكير ده يبقي متخلف المچنون اللي بجد اللي يستكبر المساعدة اللي يسيب نفسه وهو مدرك حجم المشكلة اللي عنده وميحاولش يتخلص منها 
طب لو المشكلة دي ممكن تأثر علي علاقتنا لو وافقتمش حابب علي الأقل تعرفها
أنا ميهمنيش إنت كنت بتعملي إيه عند ماما يمريم والدك قالي إن طفولتك ماكنتش الطف حاجة وأنا اصلا مايهمنيش أي ماضي إنت تعرضتي لمشكلة ما وحاولتي تحليها وتتخلصي منها وقدرتي وكملتي وكلنا شايفيين مريم حققت إيه أي حاجه جايه بقي هتبقي بتاعتنا أنا وانت غير كده ميهمنيش 
سكت شويه وكمل
هتديني فرصة ! بس بشرط نلتزم بضوابط خطوبة ها موافقة صح 
هزت رأسها بقله حيلة منه الحقيقة يستاهل الف فرصة
نديك وده عشان صعبت عليا فقط!
عارف يا استاذه كتر خيرك والله 
مش هتنزل يا ياسين وبجد لو عملتها هنتخانق!
صوته ارتفع زيها ماحنا پنتخانق اصلا وانا هنزل يمريم 
تركها وذهب الخناقة الكبري الاولي كانت تنتظرها منذ اليوم الأول في زواجهم ولكنها أتت بعد مرور ٦ سنوات لمحت توأمها ينظرون لها نظرة تعرفها جيدا لااا لن تجعلهم يعيشون حياتها هكذا عاهدت حالها منذ رزقها الله بهم اتجهت لهم بابتسامة وضمتهم بحنان وقالت 
كتاكيتي صاحين علي صوت ماما صح
هزوا رأسهم بنعم فقالت بمرح 
عندكم حق والله صوتي مزعج بس إعتذار ليكم هنعمل بيتزا مع بعض 
هيييييه تعيش ماما تعيش 
طب هنعمل من غير ياسين يا مريوم
تتوقع سؤالهم بالطبع ولانها صريحه معاهم اعترفت بذنبها
بصراحة كده مريوم مزعله ياسين وغلطت في حقه ولذلك هتسيبه يهدي شويه وتصالحه وهنعمله اكبر بيتزايه اتفقنا! 
أتفقنا 
بعد فترة دخل بيتهم لقاها قاعده مع اطفالهم اللي أول ما لمحوه جريوا علي حضنه 
حبايب بابا يناس 
كنت فين بقي وسايبنا 
أممم كنت بجيب الحاجات دي لأشطر كتاكيت عندي 
اخدوا الشوكلت منه وفضلوا يحبوا في بعض وهي قاعده تبص عليهم 
همست بزعل هو مجبليش شوكلت أنا كمان ولا إيه !
شويه واتجه قعد جنبها وحط شوكلت قدامها 
أنا أسف حقك علي قلبي بس يروما لما يبقي بينا خلاف سيبيني اخرج
شويه وهرجعلك تاني بس مينفعش نفضل في مكان واحد والمشكلة تكبر ونعلي صوتنا علي بعض زي إنهارده كده 
حبت عتابه أوي 
قالت بأسف بان في صوتها أنا