حواديت مريمه وياسين النجاة كاملة بقلم مريمه

عارفة إني غلطت أسفه والله مكنش قصدي أعلي صوتي بس شوف حل غير أنك تمشي وتسيبني ما ممكن تدخل الأوضه وتقفل علي نفسك 
قالت بمرواغه وإنت هتسيبيني في حالي 
لأ هسرح العيال عليك 
ضحك جامد عليها وطبع قبله علي رأسها هكذا تنتهي مشاكلهم عتاب مواجهه تغافل موده ورحمة رجوله منه وحنان منها وتنتهي !
ماما هو حضرتك وبابا إزاي قدرتوا تحافظوا علي علاقتكم طول السنين دي 
نظرت لابنتها ذات الواحد وعشرون عاما ابتسمت بهدوء والذكريات تمر أمام عينيها
عشان بابا راجل فاهم معني القوامة فاهم يعني إيه وعاشرهن بالمعروف قدر يخليني مطمنه بوجوده مرتاحه للقوامه دي وجت المشاكل علمتنا أننا لازم نحارب مع بعض لازم نحاول عشان بعض علمتنا إن العند ملوش مكان بين الزوجين وإن مفيش حاجه أسمها تنافس بينهم
هما روحين بيكملوا بعض ومش هتكمل غير وهما مع بعض وخلتنا نتأكد إننا مكملين عشان بعض مش بس عشانكم أنا مكمله عشانه وعشان قلبه وهو مكمل عشاني وده أجمل ما في القصة 
تفكري يماما هعيش قصه زي قصتكم 
ضحكت علي ابنتها 
لا ! مفيش شخص بيعيش قصة شخص تاني كل واحد وليه حدوته مختلفة حدوته خاصه بيه بطلها غير أي بطل احداثها غير مشاهدها غير هو وبطله بقي اللي قادرين يرسموا المشاهد دي هما فقط بعد ربنا اللي قادرين يكتبوا السيناريو وينهوا المشهد وأنا بدعيلك دايما بقصة مختلفة مليانه أمان وحنيه 
قامت ضمت والدتها بسعادة 
أنا بحبك أوي يا أحلي ماما وأجدع صاحبه ليا في الكون
أتي صوت بطلها
يلا يا أميرات الياسين هنتأخر علي التجمع العائلي 
همست لابنتها يلا يعشق الياسين عشان منكتبش مشهد عركه دلوقتي 
ضحكوا بمرح وذهبوا معا لبيت جدها مكان تجمعهم كل أسبوع العائلة كلها هنا الآن نظرت هي وأخاها لبعض بابتسامة يعرفون تمنها جيدا يعرفون كيف وصلوا لهنا 
النجاه لها تمن بتدفعه من كيانك إنك تنجو من وسط عالم فرض عليك ليس بالسهل إنك تمحو ندوب وأثار جراح ليست بالأمر الهين أنك تتصالح مع ذاتك بكل ما فيها أمتلاك الوعي الكافي بذاتك واحتياجتها ليه تمن بس التمن غالي 
ممكن يكون إنتهاء علاقات بداية علاقات اعتزال ناس تمن النجاة هو خروج من كهوف الظلام اللي ممكن تكون وضعتها لنفسك بنفسك او فرضت عليك !
والنجاه مبتحصلش غير بعد محطات كتير بنمر بيها تتجرح مره وتتكسر مره تحارب مره وتتحارب الف تتوجع كتير وهنا يحصل المواجهة فيجي النور بعد ما تقدم التمن المناسب لنجاتك النجده بتيجي من جواك بس وانت بتنجو متخسرش نفسك متتجاهلش مشاعرك متراكمش احنا هننجو بدون تراكمات هنواجه عشان منراكمش ونيجي بعد معافرة مع النجاة ونكتشف إننا فقط كنا بنخبي ضعفنا ورا صخره تداري وجعنا لاوقات وفاجأه يحصل زلزال نفسي يهد الصخرة ! ووقتها هتبقي النجاة صعبه اوي 
اتصالح مع ذاتك أعرف دواخلها متراكمش جواك ومهما كان تمن النجاة غالي بلاش يبقي شعاع النور اللي جواك هو التمن ده!
هل دفعت ثمن النجاة أم لا 
هل ذاتك تطالب بالنجاة 
هل ستنجو للأبد أم سيغدر
الزمن بك بعد طوق النجاة 
ستنجو ولكن بعد دفع الثمن
ثمن النجاة غالي
بقلم مريمه
حواديت مريمه وياسين 
النجاه
البارت الأخير