المصراوية والصعيدي بقلم إسراء ابراهيم حصريآ علي موقع ايام
اسكربت
عشق المصراوية والصعيدي
إيه اللي چابك بلدنا يا مصراوية
فاكرة انك هتيجي تاخدي خيرها وتمشي كانه بالساهل اياك
جود بثبات
انا جاية بلد بابا ومش مستنية حد يفرشلي الارض سجاد و جاية آخد حقي في ميراث بابا وانت عارف ان جدي الله يرحمه كتب وصية ولازم هتتنفذ والا انت كمان مش هتطول حاجة ولا حتي انك تبقي عمدة البلد دي
سالم يضحك بمرارة
حجك! طب بأي وش
بوش البنتة اللي ما حضرت حتي جنازة جدها ولا سألت في عيلتها
ولا بوش بنتة مصر اللي وشهم مكشوف
جود وهي بتقرب خطوة
انا يمكن محضرتش جنازة جدي بس حضنته في حلمي ألف مرة وكان ڠصب عني اني مجيش عشان امتحاناتي ويمكن اه نسيت ريحة التراب هنا لاني عشت واتربيت في مصر بس منسيتش الډم اللي في عروقي
لاني أنا بنت عبد العظيم الشهاوي ولعلمك انا مش هخرج من هنا إلا بحقي
سالم بنبرة ڠضب مكتومة
عبدالعظيم! انتي ابوكي همل ابويا ومشي وفات أخوه يشيل عيلة بحالها لحد ما تعب وماټ وأنا كبرت شايل الأرض والناس والهم وانتي جاية دلوجتي على الجاهز تجوليلي اخد حجي
جود بحدة
أنا مش جاية آخد عالجاهز
أنا جاية أقول ما تبيعوش سيرة أبويا بالرخيص لانه مشي من هنا بسبب ابوك اللي بتقول انه شال كل حاجة لوحده وهو في الاساس كان مدبرها يا ابن عمي
واوعي حسك عينك تفتكر إني ضعيفة ولا جايه أتحامى في اسم عيلتنا أنا جايه اجيب حق بابا اللي ابوك سرقو زمان وخلاه يسيب البلد ويهج ولو مكنش ده اللي حصل مكنش جدي الله يرحمه كتبلي الارض بأسمي بس للاسف شرط فيها اني اعيش هنا سنة بس عادي انا وانتو والزمن طويل
سالم اټصدم من كلام جود ومكنش عارف هي بتقول كدة علي ابوه ليه بس افتكر ان دي لعبة منها زي ما حذرته امه
سالم بصوت أخشن
انتي شايفة حالك جامدة
وفاكرة حديتك ده هيخوفني
ده أنا لو نويت هخليكي تهملي البلد بخوطرك انتي كمان كيف ابوكي زمان
جود بتتحدي
انا لو كنت هسيب مكنتش جيت اصلا ولو كنت بخاف مكنتش وقفت قدامك دلوقتي فاوعي تفكتر اني ضعيفة عشان انت متعرفنيش يا ابن عمي
سالم پغضب
خلي بالك يا جود أنا مش كيف الرجالة اللي عرفتيهم في مصر
أنا ڼار واللي يجرب ويتحداني يتحرج
جود بتبصله من فوق لتحت وبابتسامة صغيرة
طب ما انا واقفة اهو وبتحداك ياسالم ولسه ما اتحرقتش
سالم اتعصب وكان هيضربها بالقلم بس وقف علي صوت ابوه
حمدي خال سالم بتدخل
سااالم بكفايا يا ولدي وسيب بت عمك تدخل دار جدها وبعدين نبجي نتحدت
سالم بعصبية لجود
بكرة تشوفي لاني مش ههملك في حالك ولو فتحتي سيرة الأرض هتلاقيني أول واحد يوقفلك وان ما سمعتيش الحديت ما تلوميش غير حالك يا بت عمي
جود بهدوء مستفز
وده اللي مستنياه
اني أشوف وشك تاني وأنا واقفة على أرض جدي ونشوف مين اللي هيتعب قبل التاني يا ابن عمي
سالم مشي وهو بينفخ من الغيظ ووقفت جود تتابعه پغضب وكره ليه هو والكل
في أوضة نعيمة أم سالم كانت قاعدة على طرف السرير بتلف في شالها وبعدين سالم دخل ووشه متغير
سالم بنبرة غليان مكتوم
رايد أفهم يا أما دلوك
جود بت عمي جالتلي كلام تجيل تجيل أوي وانتي لازمن تفهميني هي حبيته صوح ولا لا
نعيمة پغضب
ويا تري جالتلك ايه اللي ما تتسمي دي يا ولدي انا كنت خابرة ان مجيها هنا هيجبلنا ۏجع
