المصراوية والصعيدي بقلم إسراء ابراهيم حصريآ علي موقع ايام

تاني من انهارده وانا اوعدك ان حق عمي هتاخديه
جود بفرحة 
انا متأكدة وصدقني كفايا عليا انك مصدقني دلوقتى حسيت بالامان
سالم قلبه دق وجود اتوترت لما خدت بالها من اللي قالته فحاول تهرب
جود بهروب 
هو انا هنام فين 
انا بصراحة هخاف ارجع اوضتي
سالم بابتسامة 
انتي هتنامي اهنه وانا هنام في الاوضة اللي جارك ومټخافيش من اي حاجة
جود بابتسامة 
اانا مطمنة لانك جمبي يا سالم اقصد يا ابن عمي
ابتسم سالم وسابها ومشي ووقفت هي تتنطط من الفرحة وكأنها طفلة
بعد فترة كانت جود اخدت علي سالم وقربو من بعض اوي وكانت عايشة جود في حمايته وهي مطمنة ومبسوطة وسعيدة اوي في قربه وتقريبا كدة بدأت تحبه واللي كدة لما في يوم في وسط البيت جود كانت واقفة بعيد وبتبص وهي عنيها مركزة على سالم اللي واقف بيضحك وبيتكلم مع بنت غريبة بتضحك هي كمان معاه و بتهزر براحة كأنها تعرفه من سنين 
جود في نفسها بصوت مبحوح
دي مين دي بقي اللي بتهزر معاه كدة ! وليه بيتكلم معاها كده!
وليه بيضحك! اووف وانتي مالك يا جود ما يهزر ويتكلم براحته هو خطيبك
سالم بيلاحظ نظراتها ليه من بعيد بس بيكمل كلامه كأن مفيش حاجة و جود بتغلي من جواها وتمشي بسرعة وتسيبهم وتطلع تدخل اوضتها وتقفل الباب جامد 
سالم بص وراها باستغراب وهو بيبرطم لنفسه 
مالها دي! في إيه!
دقايق ويطلع وراها يخبط علي الباب 
سالم بقلق 
جودافتحي حسيتك متغيرة هو في إيه طب انا عملتلك حاجة!
جود من جوه بصوت جامد 
مفيش وامشي من هنا بقي 
سالم دخل الأوضة وقفل الباب وراه 
منا مش همشي الا لما تجوليلي مالك وبعدين كنتي جاعدة تحت مكشرة وضاربة بوز ليه بجي
جود ببرود 
قولتلك مفيش يا سالم كل واحد حر
سالم بضيق 
يعني إيه مفيش وبعدين فجأة كده تمشي وتتعصبي وتعملي فيها مش شايفاني!
عموما أنا جيت أطمن عليكي وده شكري 
جود بتديله ضهرها بعصبية
مش مضطرة أشرحلك اصلا 
سالم بيعلي صوته 
لا مضطرة! وبعدين أنا غلطان إني طلعتلك أصلا
جود بتتصدم من كلمته وعنيها تدمع وتنزل دموعها بدون صوت
سالم بتنهيدة وهو بيقرب منها 
ياااه يا جوددموعك دي بتجتلني جوليلي بجي فيكي إيه وريحيني 
جود بصوت مهزوز 
هي البنت دي اللي كنت بتضحك وتهزر معاها تحت تبقي مين!
سالم فجاة ضحك بصوت عالي لدرجة إن جود اتعصبت
جود بعصبية 
بتضحك على إيه! هو انا قولت نكتة
سالم بصلها وهو بيكتم ضحكه
انتيانتي حجيجي اللي بتسأليه ده ! احم هو انتي غيرانة!
جود بتوتر 
لا أنا أنا بس مستغربة يعني
أصلها كانت قريبة منك أوي وكنتو بتتكلمو كدة يعني
سالم بخبث 
البنتة دي تبجي بت خالي حمدي
وأختي في الرضاعة يا هبلة!
جود بتتجمد وتبصله پصدمة وبعدين تضحك ڠصب عنها تغطي وشها بإيدها
سالم قرب منها اكتر وقالها بصوت كله مكر
دلوجتي اطمنتيولا اطمنك اكتر واجولك انها متجوزليش 
جود اتوترت وبعدت 
لا طبعا! أنا أصلا كنت بسأل مش أكتر يعني عادي 
سالم بخبث
آه عاديطيب منا طمنتك برضه عادي
جود بصوت مكسوف 
أنا مش بغير علي فكرة
سالم بهمس 
لاإنتي كنتي ھتموتي من الغيرة وده واضح يا بت عمي
جود بتتهرب من عينيه 
كفاية هزار لو سمحتيا سالم
سالم بابتسامة
طيب جوليليلو شوفتيني مع واحدة تانية بس مش خيتي في الرضاعة هتعملي إيه
جود بتوتر
مش هحس بحاجة عادي يعني
سالم بهمس مقصود 
كدابةانتي لو واحدة قربت مني هتولعي فيها
جود بتضحك بهروب 
إنت شايف نفسك كده ليه! انت موهوم علي فكرة 
سالم بصوت مبحوح 
لأ بس يمكن نفسي أكون بنظرك