المصراوية والصعيدي بقلم إسراء ابراهيم حصريآ علي موقع ايام

كده
جود بصوت متوتر وقلبها بيدق 
ليه!
سالم بصدق
عشان لما أبصلك كيف دلوجتي
وألاجي عيونك بتداري الغيرة أعرف إنك مش بس ساكنة هنا في داريإنتي ساكنة في جلبي 
جود اتوترت ولفت وشها عشان تخبي ارتباكها
جود بصوت واطي
إنت مچنون يا سالم علي فكرة
سالم ضحك وهو بيبصلها 
مچنون ده يبجي الجنون بالشكل ده أحلى من العقل كله 
ابتسمت جود بخجل وهي باصة في عيونه ودقات قلبها اكدت ليها انها فعلا حبته رغم المسافات اللي بينهم
عدت سنة علي الاحداث اللي حصلت وكانت السنة دي كأنها ايام بالنسبة لسالم
كان قاعد في أوضته على طرف سريره وعينيه فيها قلق لان المحامي تحت مستنيه عشان ينفذ الوصية ويكتب الارض لجود
وقتها نعيمة دخلت عليه 
مالك يا سالم
من الصبح وانت متكتف كده ايه مش هتنزل للمحامي اللي مستنيك تحت
سالم بصوت واطي 
انهارده كملنا سنةالوصية خلاص ياما انتهت 
نعيمة بخبث
اه ماهي بت عمك جاعدة تحت وفرحانة انها خلاص هتنول مرادها وانت مش في بالها اصلا 
سالم يبصلها بحيرة 
يعني تجصدي إيه ياما بحديتك ده!
نعيمة بقصد 
يعني من الأول كانت جاية تاخد حقها وبسيعني كانت بتضحك عليك و بتعاملك زين عشان توصل للي هي جاية عشانه وانت بجي وجعت في شباكها اللي رمتها عليك
سالم بضيق 
جود مش كده انا عارفها زين
نعيمة بحدة 
أمال انت فاكر إيه
انها هتسيب أهل البندر وتيجي تعيش وسطنا!تيجي تعيش هنه تطبخ وتغسل هدومك بإيديها
وهي متعودة علي عوايد مصر 
ده تمثيل يا سالم وهي هتمشي انهارده وهتهملك وحتي مش هتبص وراها
سالم بهدوء وثقة 
أناأنا عارف إن احتمال ده يحصلبس حتى لو مشيت
أنا راضي ياما
نعيمة هتتجنن 
إنت راضي! يا سالم دي أرضك!
دي كانت فلوس أبوك هتهملها تاخدها
سالم رف عينه پغضب 
دي أرض عمي يا أما
أبويا ظلم أخوهوخلي جدي يكرههولبسه كل مصايب الدنيا وهو بريء 
نعيمة بعصبية 
يعني أبوك وحش!
يعني هو الطماع دلوك ! بت عمك خلتك تكره ابوك وامك
سالم بتنهيدة حيرة
لابس لازم اعترف انكم غلطتو 
وأنا مش هعيد نفس الغلط بتاعكم
أنا عمري ما هظلم ياما
حتى لو جلبي هيتكسر
نعيمة بتصرخ بعصبية
وهي بتحبك ولا هتفضل معاك! ابجي جابلني
سالم سكت لحظة وبعدين قالها بحزن
لو بتحبني هتفضل جاري 
ولو مابتحبنيش يبجي انا ماستاهلهاش بس حجها في الحالتين لازم تاخده 
جود دخلت الأوضة بهدوء وردت بحب بعد ما سمعت كل حاجة 
بس أنا بحبك يا سالم صدقني
انا مكنتش قاصدة أسمع بس
أنا جاية أقولك بنفسي اني بحبك ومش عاوزة ابعد
سالم ابتسم بحب ورد بلهفة
جود!
جود بثقة 
أنا فعلا كسبت بس حاجة اهم من الأرضأنا كسبتك إنت
يعني راجل زيك
واقف في وش الدنيا عشان ميرضاش بالظلم
إزاي أمشي واسيبك!
سالم بصوت مصډوم من الفرحة 
انا مش مصدق انتي بتجولي إيه!
جود ابتسمت وهي بتقرب 
بقولك إني بحبك
وإني لو هعيش معاك مش فارقة بالنسبالي سواء هنا في البلد
ولا في مصرالمهم اكون جمبك
سالم قرب منها وحضنها بحب وهو بيتنهد براحة من اكتر شئ كان مړعوپ منه وهو انها تبعد عنه
سالم بحب 
كنت ھموت من خۏفي
بس قولت دي هتمشي وتسيبني
وأنا اتعلقت بيكيقوي يا جود
جود بخجل 
أنا كمان اتعلقت بيك من أول يوم دخلت فيه بيتنابس مكنتش عايزة أصدق او تقدر تقول خاېفة اصدق
سالم بصلها وابتسم وهو بيحط إيده على خدها 
وصدقتي دلوقتي!
جود حركت راسها وهي بتضحك بعيون فيها دموع فرحة 
أيوه صدقتصدقت إني حبيت راجل ابن أصول وبيخاف ربنا
سالم بصوت مبحوح 
وأنا عاشجك يا جود
عشج ملوش آخر 
كانت متابعاهم نعيمة وابتسمت بغموض وهي بتفكر في مصلحتها قبل اي شئ
بس مش مهم المهم ان ابطالنا مع بعض وقتها كله يهون