عشق الجاسر اسكريبت حصري بقلم اسراء ابراهيم

عشق الجاسر
انت اللي عملت فيا كده لو مكنتش اتجوزتني ڠصب ومليت عين ابويا بالفلوس وجوزني ڠصب ليك كان زمان حالي غير الحال انت معاك جسم بدون عقل وقلب
رد جاسر بعصبيه وبصوت عالي  
ابوكي هو اللي باعك ومن اللحظه دي انتي مراتي علي الورق وملكيش عندي غير اكلك وشربك وملكيش اي حق في اي حاجه تانيه حتي الخروج من باب البيت مفيش لان شكلك وكلامك بيقول ان في حد كان في حياتك وقلبك لسه معاه بس ده بعينك ولا في خروج ولا حد هيجيلك ولا تليفون 
وقبل ما ترد عليه سابها وخرج وقفل الباب بعصبية فتنفضت سما من مكانها ودموعها مسابقها في صمت ....
.................................
انت اناني ومتعرفش غير نفسك والزفت اللي بتشربه وبس
قالت كده صفا وهي محروق قلبها علي سما ورد عليها عصام ببرود
وانتي مالك ما تخليكي في حالك وفي عيالك محسساني انك امها وقلبك عليها اوي
ردت پغضب 
انت تقصد ايه على الاقل احن عليها من ابوها اللي باعها ومفكرش غير في نفسه وبعدين عمري ما مفرقت بينها وبين عيالي يشهد ربنا. مش هنبقي احنا الاتنين جاحدين
رد عصام بمۏت مكبوت 
طيب عدي يومك احسنلك
قامت صفا ودخلت الاوضه بضيق
......................
كانت قاعده سما بتفكر في ياسين بشرود وقالت في نفسها وهي بتكلم ربها 
انا عارفه يارب ان ليك حكمة في اللي انا فيه ده بس انا مش عارفة اي الحكمة من جوازي لاكتر شخص كنت بخاف منه وكان سبب قلق بالنسبالي. 
والشخص الوحيد اللي كان حنين عليا وكنت بحبه من وانا طفله اتحرم منه كده. 
وسرحت في ياسين وقالت في عقلها فينك يا ياسين واتنهدت تنهيده تعب
قطع تفكيرها صوت خبط علي الباب فقامت فتحت وكانت اخت جاسر علي الباب دخلت وهي بتقولها 
هو عشان اتجوزتي اخويا هتنسيني ولا اي
ابتسمت سما وهي بتاخدها بالحضن وقاالت
وحشتيني اوي
ودموعها سبقاها 
اسنغربت رباب من عياطها وقالت بس بس اهدي وقوليلي في اي يلا تعالي واحكيلي مالك 
...........................
كان رايح جاي جاسر بعصبية وهو واقف في اوضته لحد ما دخل عليه منير ابوه
منير بقلق في ايه يا جاسر يابني مالك جاي متعصب ومش طايق نفسك كدة ليه
جاسر پغضب مكتوم انا مش عارف ايه اللي عملته في نفسي ده ازاي اقبل اتجوزها كدة وفي الاخر الهانم طلعت بتحب حد تاني بس انا مش هسكت انا لازم اعرف مين اللي كان في حياتها وعرفته منين
منير بهدوء 
براحة يابني انت متعرفش برضه هي مرت بأيه وبعدين ايه اللي يخليك متأكد كدة ان في في حياتها حد
جاسر بانفعال 
متأكد ازاي يا بابا دي قالتهالي في وشي انا بجد كويس اني قدرت امسك اعصابي عليها وسبتها ومشيت
منير بعقل 
يا جاسر انت كنت عارف ان سما مكنتش راضية عن الجوازة دي وان السبب ابوها فطبيعي متبقاش راضية بس لما تعرفك كويس اكيد هتغير فكرتها عنك انت بس اديها وقتها وبعدين مش جايز بتقولك كدة عشان خاېفة ومفيش حد في حياتها ولا حاجة
جاسر بحدة خفيفة تغير فكرتها دي محسساني اني قتال قتلة معرفش ليه دايما شايفاني وحش كأني دايما بجرحها وانا بصراحة اتخنقت ومش عارف اذا كنت هقدر استحمل طريقتها معايا ولا لا
منير بتنهيدة 
خير يابني انت استعين بالله وخير بأمر الله واصبر عليها وافتكر انك عملت كل ده عشانها
....................
رباب وهي بتحاول تهدي سما وهي نايمه علي كتفها وبتعيط قالتلها 
انا عارفه ان جاسر مش بيعرف يعبر ومش بيفكر في كلامه بس خلاص انتي بقيتي مراته قربي