عشق الجاسر اسكريبت حصري بقلم اسراء ابراهيم

منه حاولي تفهمي ادي نفسك فرصه
سما وهي بتخرج من حضنها وقالت ببرود 
انتي محسساني اني معرفوش انا عمري ما شوفت منه حنيه او حتي فكرت ان ده يبقي اخويا مش جوزي كنت دايما بهرب من المكان اللي بيبقي موجود فيه عصبيه واوامر وانا حيالله بنت خالته ما بالك لما اكون مراته انا مش متخيله فكرة اني مراته لحد دلوقتي مش قادرة استوعب يا رباب انتي فهماني
هزت رباب راسها بتفهم وقالت فهماكي ياحبيبتي بس نفسي انتي اللي تفهميني جاسر مش زي مانتي شايفاه والله والعصبيه الزياده بتاعت اخويا دي بيبقي سببها انه مخبي حاجه وراها وبيداريها بالعصبيه وصدقيني جاسر ده مفيش احن منه والله ومش بقولك كده عشان هو اخويا بس انتي هتعرفي ده بعدين
وسكتت رباب شويه وقالت 
انتي لسه بتحبي ياسين يا سما
بصت سما لرباب پصدمه وقالت انتي بتقولي ايه يا رباب ده كان حب طفوله شغل عيال مش اكتر 
بصت رباب لسما وقالت 
كل اللي هقدر اقولهولك ان احنا ماشين في الدنيا دي بنقابل ناس 
وبيتعاملو معانا بوش مزيف متعرفيش الوش الحقيقي الا بالمواقف والازمات ساعتها كل واحد بيظهر علي حقيقة مبيعرفش يغيرها ف ركزي في المواقف يا سما وربنا يهدي سرك وينورلك بصيرتك ياقلبي.....
.................... 
كانت سما قاعدة في الصالون بتفكر في كل حاجة وفي كلام رباب اللي كانت قاصده تقوله لحد ما فجأة سمعت صوت الباب بيتفتح ورفعت راسها لقت جاسر داخل و شايل أكياس مليانة طلبات للبيت.
جاسر بجدية 
جبتلك كل حاجة تحتاجيها عشان تكفيكي فترة
سما بتردد 
يعني ايه فترة وليه جايب الحجات دي مش فاههة
جاسر بضيق 
هاغيب أسبوع عشان شغلي ومش عايزك تبقي محتاجة حاجة تمام
سما بتوتر تمام
جاسر وهو بيمد إيده ويديها تليفون 
وخدي ده كمان عشان لو حابة تكلمي أي حد ورقمي موجود عليه.
سما بتستغرب وبتبص في التليفون 
إنت بتديني التليفون بتاعك ليه
جاسر بعصبية شوية 
مش عايزك تبقي في موقف محرج لو احتاجتي تتكلمي مع حد عشان كدة جبتلك تليفون و الرقم متسجل زي ما قولتلك
سما بعصبية 
بس أنا مش محتاجة حاجة منك لاني عارفة انك بتعمل كدة ڠصب عنك لأنك پتكرهني وانا كمان بكرهك
جاسر اتعصب بس حاول يسيطر علي نفسه 
مفيش داعي للكلام ده انا مش عايزك تخليني أضطر أعمل حاجة اندم عليها
سما ببرود كداب 
إنت مش قادر تفهم حاجة مش كل مرة هتفرض عليا كلامك أو قراراتك دي ومش هخاف منك مثلا
جاسر بانفعال 
وأنا مش مجبر أشرحلك كل حاجة يا سما وتشوفيني زي ما انتي عاوزة تشوفيني
سما پغضب 
طيب كويس اوي كلامك لان نظرتي ليك مش هتتغير
جاسر سابها و مشي پغضب وسما فضلت واقفة مكانها لسه مش مصدقة انها فعلا اتجوزت جاسر
سما بغيظ بقي ده حنين وكويس كدابة يا رباب والله 
..........................
كانن قاعدة سما شكلها مرهق وعينيها مورمة من كتر العياط. وفجأة بتسمع صوت جرس الباب بتقوم بتردد تفتحه تلاقي صفا واقفة
صفا بابتسامة 
إيه يا بت هتفضلي واقفة كده ولا هتدخلي مرات أبوكي تقعد!
سما بفرحة حزينة 
ماما صفا ادخلي انتي جيتي في وقتك انا محتجالك اوي
صفا بقلق 
يا بنتي مالك وشك عامل كده ليه جرالك إيه
سما بتهز راسها وبصوت ضعيف
هو في غيره اكيد جاسر انتي عارفة اني مكنتش عاوزاه ومش قادرة اتقبل فكره اني متجوزاه
صفا بحنية 
سما... إنتي بنتي وإن كنتي مش من بطني بس من قلبي... وانا مش عاوزاكي تضايقي نفسك وبعدين ماله جاسر ما شاب