عشق الجاسر اسكريبت حصري بقلم اسراء ابراهيم

منها 
اولا انا هنا مش ساجنك ثانيا انتي وعدتيني انك مش هتعملي كدة تاني وانا واثق فيكي ثالثا بقي انل واثق في نفسي وعرف ان قريب اوي هسكن قلبك وانتي اللي مش هتبعدي عني بارادتك
سما ابتسمت بتلقائية واتفاجئ جاسر بيها بتترمي في حضنه
انا متشكرة اوي يا جاسر بجد مش عارفة اقولك ايه انت بجد اثبتلي انك بجد كويس اوي وانا اوعدك اني مخلفش وعدي ليك ابدا
جاسر قلبه دق وغمض عنيه وهو بيستوعب انها في حضنه ووقتها انتبهت سما فبعدت بخجل
سما بخجل 
اانا بقول نقعد نفطر بقي الاكل هيبرد ولا ايه
جاسر بتوتر 
عندك حق احم يلا بينا
..............................
عدي فترة من الوقت كان ياسين بيرن علي سما بس هي مش بترد وعملتله بلوك لانها وعدت جاسر ولانها بدأت تقرب منه وتعرف انه فعلا غير ما كانت فاكرة خالص وكانت فعلا بدأت تحب حياتها الجديدة معاه وكانت بتكلم رباب وبتحكيلها علي كل حاجة اول بأول.....
كانت واقفة قدام المراية بتجهز وبتتأكد ان شكلها تمام ودي اول مرة تجهز فيها بالطريقة دي ووقتها سمعت جرس الباب فجريت تفتح ليه بحماس بس اتفاجأت ببنت جميلة مع جاسر فاتحرجت وجاسر وقتها اټصدم من جمالها وكان بيبصلها پصدمة ومش متخيل انها كانت عاملة كدة عشانه 
سما بفضول وعنيها عالبنت 
انا مكنتش اعرف ان معاك حد
جاسر بتوتر 
دي دينا تبقي زميلتي في الشغل وجاية تاخد الاب توب لاني نسيته
سما بتفحص 
تمام اتفضلي يا انسة
دينا بابتسامة
متشكرة واهلا بيكي جاسر بيكلمني عنك كتير
سما برفعة حاجب 
والله واضح ان في وقت عشان تقعدو تتكلمو فيه وتحكو
جاسر بتوتر اكبر 
اقعدي يا دينا وانا هروح اجبلك الاب توب واجي
سما ببرود 
تشربي ايه يا حبيبتي
دينا بقصد 
اسألي جاسر هو عارف انا بشرب ايه كويس اوي
سما بغيظ 
والله احنا مش في كافتريا هنا وانا متأكدة ان جوزي مش بياخد باله من التفاصيل التافهة دي
دينا ببرود 
ااوك هاخد نسكافيه بليز
سما مردتش ومشيت دخلت المطبخ وكان جاسر مستنيها واول ما شافها حضنها بلهفة واتفاجأت سما باللي عمله
سما بخجل 
انت ايه اللي عملته ده
جاسر بغمزة 
اايه مش من حقي احضن مراتي ولا ايه وبعدين انا ليا حق بعد لقيتك عاملة كدة عشاني ولا انا فهمت غلط
سما بغيظ
اه ده الكلام ده قبل ما الاقيك داخل عليا بواحدة في ايدك
جاسر بسرعة 
دي زميلتي في الشغل ومفيش اي حاجة تانية ماشي
سما بعصبية خفيفة 
اه صح والمفروض اصدقك بعد ما قالتلي اسألي جاسر هو عارف كويس انا بشرب ايه 
جاسر ضحك بتلقائية 
علي فكرة هي قاصدة تغيظك لانها عنيها مني ودايما تحاول تقرب بس انا كنت بصدها وبعدين عرفتها اتجوزت عشان تحل عني بس واضح ان مفيش فايدة
سما بغيرة واضحة 
بقي كدة وجايبهالي لحد هنا تمام اتفضل بقي قدامي واياك يا جاسر توجه ليها كلام انت فاهم
جاسر باستمتاع من غيرتها 
لا وعلي ايه انا مصدقت شوفت غيرتك عليا اتفضلي الاب اهو واتعاملي انتي ايه رأيك
سما بثقة وهي بتحط ايديها في ايده  
تمام اتفضل بقي قدامي
خرجو سوا لدينا اللي كانت قاعدة هتطق
سما ببرود 
كان بودي اعملك النسكافيه بس للاسف خلص واتفضلي لاب توب بتاعك اهو
دينا بدلع لجاسر
ايه ده انت مش هتوصلني يا جاسر
جاسر بص لسما اللي حضنت ايديه وردت هي بدلع 
لا سوري جاسر حبيبي مش فاضي عشان عنده عشاء عمل مع مراته تقدري انتي تتكلي علي الله
اتغاظت دينا وسابتهم ومشيت وسما قفلت الباب وراها بضيق ولفت لجاسر اللي اتفاجأت بيه بيشيلها
سما بشهقة 
جاسر انت بتعمل ايه نزلني يا مچنون..
جاسر بغمزة 
لا مش هنزلك الا لما تقولي تاني