برائتها اذابت جليدي اسكريبت حصري بقلم اسراء ابراهيم حصريآ علي موقع ايام

يعني اطمن و
مروة بقرف واضح 
تطمني! وانتي مين أصلا عشان تطمني! انتي ماينفعش اصلا تقفي مع أحمد ومتتكلميش معاه انتي فاهمة
أحمد بيقف قدام ضي وبيتكلم بحدة 
مروة كفاية ويلا امشي دلوقتي
مروة بتتعصب أكتر وتبدأ تقرب 
إنت بتطردني عشان واحدة زي دي!
قالت كدة مروة ومدت ايديها وحاولت تصؤب ضي بس أحمد بسرعة بيمسك إيدها ويوقفها
أحمد بعصبية 
مروة!!! فوقي بقى غيري بك ملوش اي مبرر وقولتلك ان اللي بينا انتهي افهمي بقي
مروة بتصرخ وتتعصب اكتر وبتحاول تهجم على ضي بس أحمد بيتدخل بسرعة وبيسحب ضي لحضنه وهو بيغطيها بجسمه كأنه بيحميها وضي بتتجمد وهي قريبة منه وحاسة بقربه وبأمان غريب عمرها ما حسته قبل كده فكانت بتبصله وهي لسه جوا حضنه ونظراتها كلها مشاعر ليه
لحظة بتعدي كأنها عمر و أحمد كان بيبصلها وهو بيهمس 
مټخافيش طول ما أنا موجود محدش هيقدر ېلمس شعرة منك 
مروة بتقف في مكانها مصډومة من المشهد وڠضبها بيتحول لغيرة وحقد وضي بتحس بيها فبتزعل وبتبعد عن احمد وبتسيبهم وتمشي ودموعها في عنيها احمد متابعها بلهفة

بليل في أوضة مروة كانت قاعدة على الأرض وشعرها متبهدل ووشها من العياط وكانت بتشهق وهي بتحاول تشرح لأمها اللي واقفة قدامها ومش مصدقة اللي بتسمعه
مروة بصوت مكسور 
لقيته واقف في حضنها يا ماما 
كان ماسكها وبيحميها مني أنا!!
أنا اللي كنت خطيبته أنا اللي ضحيت عشانه كتير!
أمها بتنفخ وبتقرب منها وهي مش قادرة تخبي ڠضبها
ضحيتي ضحيتي بإيه
أنا طول عمري بقولك اتعاملي معاه باحترام حرام عليكي كان بيحبك بجد وانتي كنتي دايما بتتعالي عليه صح ولا لا دايما كنتي شايفة نفسك احسن منه
مروة بتنتفض وهي بتبص لأمها بحدة 
ما تتكلميش كده عني!
أنا كنت بسمع كلامه أنا اللي كنت بشيله من على الأرض شيل!
وفين التقدير راح لبت ملزقة بت تمثل التواضع عشان بس تغيظني!
أمها بيأس
ملزقة! وليه متقوليش انها يمكن تكون بنت كويسة ! بنت وقفت جمبه وهو مكسور منك لما انتي استعريتي منه انتي مش فاكرة لما قولتي للناس إنه مجرد قريبك فاكرة ولا لا 
انتي اللي كسرتيه يا مروة مش هو اللي خانك 
مروة بتصرخ وهي بټعيط
عشان كان بيحرجني! وبعدين حتي لو غلطت برضه ميديهوش الحق انه يسيبني أنا لا يمكن حد يجي ياخد مكاني!
أمها بحزن وهي بتقعد جنبها
لأ يا بنتي هي مش فاكرة نفسها ملاك دي بتعامل الناس على قد قلبها وانا بحبك يا مروة وخاېفة عليكي وعشان كدة بفوقك يا بنتي
مروة بتقوم واقفة بتوتر 
وانتي كدة مبسوطة يعني
مبسوطة إنه سابني
مبسوطة إني اتحرقت قدامها
أمها بهدوء وهي تبص في عينيها 
أنا مش مبسوطة إنك اټجرحتي 
بس يمكن تتعلمي أحمد خلاص استغنى وده حقه منقدرش نلومه وده اسمه نصيب وبعدين اكيد ربنا شايل ليكي الأحسن 
مروة پغضب 
الأحسن إيه ده كان هو الأحسن!
انتي مش عارفة بحبه قد إيه!
أمها وهي بتحط إيديها على كتف بنتها 
عارفة بس الحب لوحده مش كفاية لازم احترام وتقدير وسند 
انتي حبيتي أحمد بطريقة تملك مش مشاركة
مروة بهمس ودموع 
أنا اللي ضيعته
أنا السبب فعلا 
أمها بحنان 
متزعليش يا حبيبتي وانتي لازم تتعلمي والحب مش كبرياء مش تحكم الحب تضحية وصدقيني أحمد مش هينسى العشرة ولا هيحطك في موقف وحش حتى وهو بيبعد هيحميكي 
مروة بحزن 
يعني خلاص كده خلصت بينا
أمها بهدوء 
دي مش نهاية الدنيا يا مروة 
اللي ضاع منك خليه يعلمك مش يكسرك يا بنتي
مروة سكتت شوية وبعدين اڼهارت من