روح عمدة الصعيد بقلم اسراء ابراهيم حصريآ علي موقع ايام
اسكربت
روح عمدة الصعيد
انت تبجي بدر كبير وعمدة البلد اهنه
كانت بتتكلم روح وهي بتنهج وبتبص لبدر من تتحت طرحتها اللي مغطية نص وشها ومش باين منها غير عنيها
بدر بجدية ايوة مين انتي ورايدة ايه وكيف تتحدتي معايا اكده في الشارع ايه مفيش حيا
روح بدموع ابوس يدك انجدني اني چيتلك لانهم جالولي انك خاكم عادل ومش بترصي بالظلم
بدر باستغراب اهدي وجوليلي في ايه وبنت مين انتي اهنه
روح پخوف وهي بتبص حواليها اني مش من اهنه اني من بلد جاركم وواجعة في عرضك يا حضرة العمدة تنجدني هيجتلوني لو عرفو مكاني
بدر باستفهام وهو بيبص لروح بشك مين دول اللي هيجتلوكي فهميني ايه حكايتك عشان اعرف اساعدك بس اوعاكي تكدبي عليا عشان وجتها مش هما اللي هيجتلوكي
روح بتوتر طب ممكن نروح حاجة مدارية واني احكيلك اهنه ممكن بشوفوني اصلهم بيدور عليا
بدر پغضب هجيب لنفسي مصېبة اياك حتة مدارية ايه اللي هاخدك فيها اما جليلة حيا بصحيح لو عندك كلمة جوليها اهنه غير اكده غوري من وشي
روح بحزن وعي بتمسح دموعها خلاص يا حضرة العمدة ابوس يدك هجولك بس اوعدني انك تساعدني وتحميني
بدر ببرود لما اسمع الاول واشوف حديتك اخره ايه بالظبط يلا اتحدتي
روح بحزن وهي بتفتكر اني وحيدة ابوي عايشة في البلد اللي جاركم بيحكمها عمدة ظالم اسمه جابر هو وولده سعد شافني مرة في الشارع ومن وجتها وهو حاطتني في راسه ولما ملجاش مني فايدة راح لابوي هو وابوه وطلبوني منه بمهر كبير جوي وابوي وافج وكان مصمم يجوزني ولما رفضت حبسني بس اني بجي هربت وجيت اهنه وسمعت عنك وعن شهامتك وعشان اكده جتلك احب علي يدك تساعدني وتخليني اعيش اهنه وتحميني منهم
بدر باستفهام وانتي عرفتي منين ان واد عمدة بلدكم ده راچل وحش مش يمكن زين وعاشجك وهيحافظ عليكي
روح بتوتر اهو سمعته سابجاه في البلد تجدر تسأل عنه انا متوكدة انه راجل وحش وكمان اني مهحبهوش واطيج العما ولا اطيجه هو ايه الجواز بالعافية
بدر ببرود اني جولتلك لما اسمعك هحكم ان كنت اساعدك ولا لا واديني سمعتك وحديتك مدخلش راسي اني مالي انا تتجوزي ولا متتجوزيش دي امور عائلية تحليها مع ابوكي هناك مش اهنه
روح باڼهيار وهي بتوطي علي ايد بدر ابوس يدك يا بدر بيه انجدني اني لو روحتلهم هيجتلوني
بدر شد ايديه پغضب وكان لسة هيتكلم اتفاجئ بروح بتقع قدامه مغمي عليها فبصلها پصدمة وبعدين وطي شالها
..................................
بدرية بضيق وه انت اتجنيت يابدر هو انت اي حد هيجولك واجع ف عرضك هتجيبهولي اهنه
بدر بتنهيدة ياما مش وجته الحديت ده عاد بجولك البنية اترجتني اساعدها ولجيتها وجعت من طولها ههملها يعني في الشارع اكده
بدرية بغيظ لا يا واد بطني تجيبهالي اهنه واحنا منعرفش اصلها وفصلها مين خابر مش يمكن تطلع ڼصابة ولا حرامية وعملت عليك الحوار ده لاجل ما تصعب عليك وتجيبها اهنه وتسرجنا وتطفش
بدر بجدية بجولك ايه ياما انتي عينك عليها بجي انا ورايا شغل ومش فاضي لشغل الحريم ده عاد خليكي جارها ولما تفوج ابجي حدتيني في التلفون وانا هاجي اشوف اخرتها ايه دي
بدرية بضيق ماشي يا بدر حاضر ما اني مواريش غير الهم وبس مش كفايا عليا خيتك اللي مبجتش فاهمالها حاجة
بدر بقلق مالها بدور ياما فيها حاچة
بدرية بلا مبالاه لا يا بدر بس راسها والف سيف لتفسخ خطوبتها من ابن عمك مخبراش ايه
