روح عمدة الصعيد بقلم اسراء ابراهيم حصريآ علي موقع ايام

عشان تسمعي كلامي وتسبيه اعترفي يا بدور انك محبتيش سالم اصلا لانك لو حبتيه مكنش في اي كلام هيخليكي تهمليه
بدور بحزن وندم يمكن غلطت فعلا لما سمعت لحديتك السم وفارجت سالم بس اللي حصل خلاني اتوكد اني معشجتش غيره واني هفضل اندم عليه باجي عمري
بطة ابتسمت پشماتة وسابت بدور ومشيت وبدور وقتها مسحت دموعها ودخلت البيت بهدوء واحساس الندم ملازمها
.................................
تاني يوم كانت واقفة روح في الفراندا بتاعة اوضتها وبتلعب في شعرها وهي باين عليها الحزن وبتفكر في ليلة امبارح لما بدر سابها ونام في اوضة تانية فكانت حزينة اوي لحد ما فجأة شافت بدر داخل عليها وبيشدها من ايديها پغضب علي الاوضة
بدر پغضب انتي اتجنيتي كيف واجفة بشعرك اكده في الفراندا 
روح بتهتهة انا اسفة مجصدش والله انا جولت مش هيشوفني
بدر بحدة كيف يعني محدش هيشوفك وانتي واجفة فوج اكده اكيد اللي رايح واللي جاي هيشوفك 
روح بحزن حجك عليا يا بدر انا اسفة جوي والله
بدر بهدوء خلاص حصل خير بس متكرريهاش تاني
روح بطاعة حاضر
بدر بصلها شوية لان دي اول مرة يشوفها بشعرها وكانت قمر اوي بس لما انتبه لنفسه سابها وكان هيخرج بس وقفته روح بصوتها
روح بسرعة بدر استني ممكن اتحدت معاك شوية
بدر باستفهام خير في حاجة مضايجاكي اهنه 
روح بتردد لا بالعكس المكان هنا احسن من بيتي الف مرة بس يعني كنت عاوزة اتحدت معاك في حاجة اكده
بدر بهدوء جولي انا سامعك زين
روح بتوتر ممكن اعرف انت ليه هملتني امبارح 
بدر بتفاجئاانا جولت اسيبك علي راحتك يعني و
روح بحزن انا خابرة زين يا بدر انك اتجوزتني لاجل ما تساعدني واني مڠصوبة عليك واكيد مش هترضي تتجوز بنتة زيي وعشان اكده انا بعفيك من اي مسئولية ناحيتي يعني تجدر تنام اهنه في اوضتك وتجدر تعتبرني خدامة مش اكتر
بدر باندفاع وهو بيقرب من روح ايه اللي بتجوليه ده ياروح حديت ايه ده عاد انتي مرت بدر عمدة الكفر يعني ست البلد كلها اوعاكي تجولي علي حالك اكده تاني
روح بابتسامة يعني بعد اكده مش هتنام لحالك 
بدر بابتسامة خلاص هنام اهنه بس المهم انتي متضايجيش
روح بفرحة لا طبعا بالعكس
اتكسفت روح وسكتت فجأة وبصت في الارض بخجل
روح بتهرب انا هروح اساعد اما بدرية بعد اذنك
جريت روح وبدر ومتابعها بعنيه وهو مبتسم وفرحان اوي بطريقة هو نفسه مستغربها
..............................
بعد يومين كانت واقفة بدور بتشتري حجات من السوق لحد ما شافت سالم فابتسمت بتلقائية وقربت منه
بدور بابتسامة كيفك يا سالم 
سالم بهدوء زين يا بت عمي واجفة لحالك ليه في حاجة
بدور بتلقائية اصل كنت بشتري حجات من اهنه لامي انت اللي بتعمل ايه اهنه
سالم بجدية اصل كنت بشتري حاجة لخطيبتي
بدور ببهتان خطيبتك انت خطبت يا سالم 
سالم بجدية ايوة يا بدور عقبالك انا هخطب بطة
بدور پصدمة والدموع في عنيها بطة مبروك يا سالم انت تستاهل كل خير
قالت بدور كلامها وجريت وهي بټعيط بحړقة تحت نظرات سالم الجامدة
...............................
دخلت بدور من باب البيت وهي بټعيط وطلعت علي اوضتها وشافتها روح اللي كانت خارجة من المطبخ بعد ما خلصت الاكل واول ما شافتها قلبها اتقبض فطلعت وراها بسرعة
روح بلهفة وه مالك يا بدور ايه اللي جري حصل ايه برة الدار
بدور بحړقة وهي بتحضن روح سالم خلاص هيتجوز يا روح هيتجوز بطة بطة اللي فرجت بيني وبينه كنت خابرة اني غلطانة لما سمعتلها بس مستاهلش انه يفارجني ويروحلها
روح بحزن