روح عمدة الصعيد بقلم اسراء ابراهيم حصريآ علي موقع ايام

ابن عمي بس انا بكرهه يا بدر سعد دايما كانت نظراته ليا عفشة وياما حاول معايا بس كنت بهرب منه واصده كنت بخاف منه ومش برضي اجول لابويا لانه مش هيصدجني اكمن سعد دراعه اليمين لحد ما لجيت ابوي بيجولي انه سعد رايد يتچوزني وجتها انا جولتله كل حاجة واني مش رايداه ابوي للاسف كدبني وضړبني وراح كلم سعد وجاله بس سعد وجتها كدبني وجاله اني اعرف راچل ومواعداه وبجابله وانه شافني كذا مرة وعشان اكده رايد يتجوزني لاحل ما يستر عليا وابوي صدجه يا بدر صدجه وكدب بنته اللي رباها وجتها قررت اهرب وعشان اكده جتلك لاجل ما تساعدني
بدر كان باصص لروح ووشها المحمر من اثار العياط وعنيها العسلي اللي بقت حمرا وكان تايه في جمالها لحد ما انتبه لنفسه وقام مرة واحدة
بدر بحسم روحي اغسلي وشك عشان ننزل
روح پخوف انت هتسلمني ليهم مش اكده 
بدر بجمود يلا من غير حديت كتير
روح بقلة حيلة حاضر
راحت روح غسلت وشها ورجعت تاني لبدر اللي اخدها ونزلو واول ما روح شافت سعد وجابر ابوها خاڤت ومسكت ايد بدر بتلقائية فبصلها بدر وبص لايديها بتوتر ورجع بص قدامه
بدر بجدية بنتك اهي يا حج جابر
جابر بابتسامة تسلم يا بدر بيه احنا مش عارفين نشكرك ازاي
روح بصت لبدر بحزن ومشيت جمب جابر اللي قبض علي ايديها پغضب لدرجة انها اتوجعت و قبل ما يمشي انتبه لصوت بدر
بدر بجدية اعمل حساب زيارتي ليك بكرة عشية يا حج جابر
جابر باستغراب تنور وتأنس يا بدر بيه طبعا بس خير يعني
بدر بجدية هنيچي نطلب منك يد روح ليا وتبجي مرت بدر عابد الصواف عمدة النجع ايه رأيك عاد 
روح فجأة ابتسمت بفرحة وامل رجعلها من جديد اما جابر فعنيه لمعت بطمع بس اللي رد سعد پغضب واندفاع روح مخطوبة ليا انا ولد عمها وفرحها كمان كام يوم ولا ايه يا عمي
بدر بغموض والله الحديت بين كبار البلد ومعتقدش ان اي حد ينفع يتدخل ولا ايه يا حج جابر 
جابر بسرعة طبعا يا بدر يا ولدي وبعدين بتي مهياش مخطوبة ولا حاجة تنور وتأنس يا بدر بيه هو انا افديك الساعة لما بنتي تبجي مرت عمدة البلد برضك
بدر بسخرية علي معادنا بكرة ان شاء الله بالسلامة
روح كانت عنيها في عيون بدر وهو بيتكلم لحد ما خرجت من البيت ووقتها بدر اتنهد بحيرة وهو بيقعد
بدرية پغضب وهي خارجة من المطبخ لا بجي انت شكلك اتجنيت يا واد بطني وانا خلاص مبجتش فاهماك واصل يعني ايه تتجوز البت دي فهمني بجي
بدر بهدوء عادي ياما وبعدين ما انتي سمعتي برضك انها بت عمده البلد اللي جارنا يعني طلعت بنت اكابر ايه المشكلة بجي
بدرية بشك ايوة مجولناش حاجة بس فجأة اكده ليه سحرتلك يا بدر ولا ايه 
افتكر بدر شكل روح وملامحها البريئة لما كانت بټعيط وبتحكيله حكايتها وبعدين انتبه ورد بجدية بجولك ايه ياما انتي كنتي رايدة تفرحي بيا واهو الوجت جه خلاص بجي اني هطلع استني ابوي في المنضرة عشان نرتب لبكرة سلام يا ام بدر
بدري بقلق يارب يا ولدي يريح بالك وبخيب ظني وتطلع بنتة زينة
...........................
يوم الفرح كانت واقفة روح بتبص لنفسها في المرايا وهي مبتسمة كانت مستغربة فرحتها وبتفكر ليه هي سعيدة كدة رغم انها متعرفش بدر ومتأكدة انه اتجوزها عشان يساعدها مش اكتر بس خاجة جواها مخلياها فرحانة اوي