شريك حياتي بقلم عمرو راشد

كويس كفاية اللي حصلها من اهلها
حاضر يا حبيبي متقلقش بس انت هتروح فين
في كام مشوار هعملهم و ارجع تاني
الساعة كانت لسة 2 نزلت من البيت بس في الحقيقة انا مكنتش عارف اروح فين اول مرة اكون في موقف زي دا قعدت على كافيه وفضلت افكر لحد ما لقيت عمر صاحبي المحامي اللي عمل العقد ليا سحب الكرسي اللي قدامي وقعد عليه
مالك قاعد كدا ليه هو الموضوع فشل منك
قلقان من اللي انا داخل عليه خاېف تحصل حاجة ومعرفش اتصرف
متقلقش وبعدين انت معاك عقد الجواز دا اكبر حماية ليك يا فارس
يا عمر انت متعرفش الراجل دا الناس دي متعرفش ربنا ومبيفرقش معاهم أي حاجة
القانون حاليا في صفك متقلقش كله هيكون كويس ان شاء الله
فضلت قاعد حتى بعد ما عمر مشي لحد ما لقيت تليفوني بيرن كانت رقية
فارس انت فين انت كويس
انا بخير يا حبيبتي
طب انت مش هتيجي
محتاجة حاجة
بصراحة انا زهقانة أوي عايزة انزل اشوف الشارع
اتحركت ساعتها من الكافيه و وقفت تحت البيت وكلمتها عشان تنزل وبعد 10 دقايق نزلت فعلا وخدت منها مفتاح العربية و ركبنا و مشينا من المنطقة
وحشتيني
ساعتها بصت ل تحت وهي بتضحك ضحكت انا كمان على شكلها وهي مكسوفة بعدها بصتلي وقالت وهي مبتسمة
انت اكتر على فكرة
طب تحبي نروح فين
اي مكان مش هتفرق المهم اني معاك
بعدها مسكت دراعي وحضنتني انا دلوقتي في أعلى مراحل السعادة والله ساعتها شغلت اغنية بحبها أوي
و اخبارك مع التفاصيل احب أسمعها بالتفصيل مادام اتفتحت السيرة آاخد و آادي لنص الليل في حبك كل يوم في جديد ولو توحشني وانت بعيد بالاحساس بنتلاقى مفيش حاجة اسمها مواعيد 
بصيتلها وهنا شوفت في عيونها حياه حياه كنت اتمنى اعيشها من زمان أوي نظرات عيونها اللي كلها حب ولا ضحكتها اللي قادرة تداوي تعب سنين كنت عايز اكون معاها اطول وقت ممكن وعشان كدا نزلت جيبت الاكل و العصاير وكملنا لف بالعربية عشان مشوفش ولا اسمع اي حد غيرها
فارس انت حبيت قبل كدا
انا معرفتش اني عايش غير دلوقتي يا رقية والله
يعني ايه
يعني انا بحبك مثلا وعمري ما حبيت قبل كدا يعني حياتي مكنش ليها أي طعم من غيرك
كل دا ظهر في كام يوم
انا حاسس اني اعرفك من زمان أوي يا رقية عارفة في واحدة كدا مجرد ما تشوفها تقول ان هي دي اللي هتتجوزها وأنا من ساعة ما شوفتك قولت هي دي اللي اتمنى اعيش معاها مليون حياه على حياتي يمكن في مرة منهم اعرف امسك قلبي اللي بيقع مجرد ما اشوفك
مردتش عليا ولكنها عملت حاجة احلى بكتير هي دخلت في حضڼي وفضلنا طول الطريق بالشكل دا
اول ما تخلص المشكلة دي هتجوزك واعملك فرح كبير أوي
طب ما احنا متجوزين
دا عقد عرفي ملوش لازمة أنا عملته بس عشان اعرف احميكي من اختك و جوزها
طب انا عايزة فرح كبير أوي وشقة حلوة وتكون كبيرة وتكون في عمارة فيها اسانسير
ايه دا كله انتي داخلة على طمع بقا
وانا هطمع فيك ليه بقا معاك ايه عشان اطمع فيك
معايا كنز بالدنيا وما فيها أنتي يا رقية
وصلنا البيت عندي ونزلنا من العربية وطلعنا فوق عند امي فتحت الباب و دخلنا عشان اتفاجئ ب وليد قاعد مع امي
اتأخرت ليه يا فارس دا انا قاعد مستنيك بقالي كتير
انت جاي ليه
جاي اقولك بلاش تلعب اللعبة دي الموضوع دا اكبر منك وانت مش قده هات عقد الجواز و انا هراضيك
اطلع برا
وليد ابتسم وبص ل امي وقالها
قولي ل ابنك حاجة يا ست الكل خليه يفهم
ساعتها زعقت وكررت الكلمة تاني
بقولك اطلع برا
الابتسامة اختفت من على وشه وبص في الأرض وقال
أنا كنت عارف أنها مش هتبقا سهلة
ساعتها خرج مسډس من جنبه و كان موجهه ناحيتي
هات العقد يالا
فاكرني هخاف منك
خاف على امك على الأقل
امي ساعتها قالتلي بنبرة فيها خوف
اديله يا فارس اديله ياابني العقد
رقية هي كمان اتكلمت
ايه وليد دا انت اټجننت ولا ايه
اسكتي أنتي انتي حسابك معايا بعدين
بعدها بص ليا وقالي
هات العقد بقولك
حطيت ايدي في جيبي ولكن في خلال ثانية كنت هجمت عليه ووقعنا على الارض ضړبته ساعتها بالبوكس في وشه لكنه عرف يضربني ب رجله في ضهري وقعت جنبه على الارض وشوفت المسډس وهو واقع وقريب مننا اتحركت ساعتها وقومت عشان آاخده لكن هو كان اسرع مني و اخده قبلي و وجهه ناحيتي تاني
هات العقد يا روح امك
بصيت ل رقية لكنه زعق بصوت عالي أوي
هات العقد يإما..
في اللحظة دي خرجت طلقة من المسډس بتاعه و دخلت في رقية رقية ساعتها حطت ايدها على جنبها
رقية
رقية وقعت في الأرض اما وليد جري بسرعة من الشقة
رقية فووقي خليكي معايا لا لا حاولي تاخدي نفسك رقية خليكي معايا هنا أنا معاكي مش هسيبك ساعتها شيلتها بسرعة ونزلت جريت بيها على العربية حطيتها على الكرسي اللي جنبي و ركبت بسرعة ومشيت كنت سايق بأقصى سرعة ممكنة كنت طاير حرفيا كل شوية ببص عليها
رقية خليكي معايا احنا قربنا خلاص امسكي نفسك رقية
حاسب يا فارس العربية
ساعتها هي صړخت بالجملة دي عشان اتفاجئ بالعربية اللي جاية في وشي تفاديتها وكملت جري بالعربية لحد ما وصلت المستشفى نزلت بسرعة و شيلتها ودخلت المستشفى
رقية امسكي نفسك هتبقي كويسة والله حاولي تخليكي معايا هنا
الممرضات جابو العربية اللي هننقلها عليها وحطيتها وبدأنا نجري على العمليات لحد ما دخلو وساعتها الممرضة قالتلي
ممنوع حضرتك
فضلت واقف باصص عليهم من برا الممرضات كانو بيوصلو عليها الأجهزة والدكاترة بدأت تفتح الچرح عشان تشيل الړصاصة بعدها ب دقايق سمعت الممرضة بتقول
القلب وقف يا دكتور
ساعتها الممرضات جريو وجابو جهاز الصدمات الكهربائية عشان ينعشو القلب اول صدمة مكنش في استجابة قلبي كان بيدق جامد جدا يكاد يكون هيقف من الخۏف تاني صدمة وبرضو مفيش استجابة حسيت ان جسمي بدأ يترعش بعدها الصدمة التالتة وهنا الدكتور بص للممرضة وحرك راسه بالنفي وعدم الاستجابة بعدها قلع الكمامة وخرج وطبطب على كتفي
البقاء لله
عمرو_راشد
شريك_حياتي 6
يتبع
القلب وقف يا دكتور!!
البقاء لله
ساعتها انا حسيت اني مش شايف اي حاجة الدنيا كلها كانت سودا قدامي كنت شايف الدكتور بيتكلم معايا ولكني مش سامع هو بيقول ايه كأني اتنقلت ل عالم تاني لكن اللي رجعني تاني صوت الممرضة وهي بتجري وجاية من أوضة العمليات
تعالى بسرعة يا دكتور
الدكتور دخل جوا بسرعة وأنا دخلت وراه وسمعت الممرضة وهي بتقول
الحمدلله نبضات القلب رجعت
الدكتور ساعتها قال
لازم نعمل العملية حالا يإما ھتموت
الممرضة لاحظت وجودي جوا أوضة العمليات ف جات وقربت مني وهي بتزعق
حضرتك دخلت هنا ليه اتفضل برا
خرجت والباب اتقفل ورايا حاولت اهدى واتمالك اعصابي ربنا اكيد هينقذها اكيد ربنا مبعتنيش ليها عشان اتعلق بيها وتروح مني يارب لا كنت زمان وانا صغير لما بقلق وبتوتر بتجيلي حالة تشنجات كنت بحاول اخرج منها عن طريق اني باخد نفس عميق و و اخرجه على 3 مرات فضلت اعمل كدا اكتر من مرة لحد ما عدت ساعة ولقيت الدكتور خرج من اوضة العمليات وقالي
الحمدلله دا ربنا كتبلها عمر جديد احنا قدرنا نشيل منها الړصاصة و إن شاء الله هي هتفوق بعد دقايق بس طبعا احنا هنفتح تحقيق عشان اللي حصل دا مجرد ما حالتها هتستقر هنفتح التحقيق عشان نعرف مين اللي عمل كدا بعد إذنك
كنت ساعتها مش شايف اي حاجة قدامي مش شايف غير اني لازم آاخد حقها رقية كانت هتضيع مني واكيد دي مش هتبقا اخر مرة مشيت من المستشفى و ركبت العربية و روحت بسرعة على بيت وليد كنت هدخل من البوابة لكن الامن منعني وقالي
رايح فين
انا عايز اقابل وليد
طب ثواني
الأمن خرج اللاسلكي و اتكلم منه وساعتها انتهزت فرصة انه مشغول وجريت منه ودخلت الفيلا الباب كان مفتوح لما دخلت ولقيت وليد كان قاعد على الكنبة ووقف بسرعة اول ما شافني وطبعا نورا كانت جنبه دخلت وجريت عليه وضړبته بالبوكس في وشه وقع على الأرض ونورا جريت وقعدت جنبه بتحاول تسنده عشان يقوم
اقسم بالله انا مش مانعني عن قټلك غير رقية
بعدها بصيت ل نورا وقولتلها
جوزك ضړب ڼار على اختك اختك كانت ھتموت يا ترى عندك علم بالموضوع دا ولا لا
وليد ساعتها قام وقف وقالي
انا مكنتش اقصد وبعدين هي مش بقت كويسة يبقا خلاص
انت صح بس رقية هتقوم و هبلغ عنكو وهتهمكو انتو الاتنين والله ما هرتاح غير لما اشوفكو انتو الاتنين في السچن
خرجت من البيت و ركبت العربية تاني و رجعت المستشفى من ساعة ما نزلت من البيت وامي بتتصل بيا وأنا مبردش رديت عليها المرادي عشان اطمنها
خير ياابني طمني عملت ايه
كويسة يا ماما الحمدلله الموضوع بسيط
يا فارس قولتلك يابني ابعد عن الناس دي افرض الطلقة دي كانت جات فيك انت أنا مش مستحملة يا فارس حرام عليك
يا ماما مټخافيش مفيش حاجة اطمني انا كويس
طب عشان خاطري لو بتحب امك يا فارس ابعد عن البت دي هي واهلها الناس دي خطړ ياابني
حاضر يا ماما بس معلش انا مضطر اقفل دلوقتي عشان معايا مكالمة تانية سلام
قفلت معاها ولكن انا معنديش مكالمة تانية بس انا حاليا مكنتش مستحمل كلمة او لوم من اي حد أنا مقدر خۏفها عليا ولكن دا مكنش وقته رجعت المستشفى و عرفت أنها خرجت من العمليات واتنقلت ل أوضة تانية دخلت عرفت رقم الاوضة و روحت خبطت على الباب و دخلت اول ما شافتني اتعدلت وكانت لسة هتقوم لكني جريت عليها
خليكي مكانك متتحركيش استريحي
انت كنت فين
مش مهم المهم انتي كويسة دلوقتي
انا تمام متقلقش
كنت ھموت من القلق عليكي حمدالله على سلامتك يا حبيبتي
الممرضة دخلت هي و الدكتور اللي قال
انتي هتقعدي معانا كام