شريك حياتي بقلم عمرو راشد

يوم لحد ما نطمن عليكي عايزك بقا تسمعي الكلام وتاكلي كويس عشان الچرح يخف بسرعة
بعدها شاورلي خرجنا برا الأوضة وقالي ساعتها
انا بلغت البوليس وهو هييجي الصبح عشان يفتح التحقيق
تمام احنا جاهزين
دخلت الأوضة تاني وقعدت جنبها
البوليس هييجي الصبح عايزك تقولي كل اللي حصل يا رقية
ما بلاش يا فارس بلاش عشان الموضوع هيكبر أكتر
وهو كدا الموضوع مش كبير انتي بتقولي ايه
بقول اللي لازم يحصل أنا لو بلغت عن وليد نورا مش هتسيبني
ما تولع نورا هي اللي زي نورا دي تتسمى اخت خاېفة على زعل نورا أوي هي نفسها مخافتش عليكي ولا جاتلك ولعلمك يا رقية لو انتي مبلغتيش عن وليد هبلغ انا عنه
يا فارس أنا خاېفة من المشاكل
مشاكل ايه أكتر من كدا اللي احنا فيه دا مصېبة مش مشكلة بس
بس يا فارس..
مفيش بس البوليس هييجي وهنحكيله كل اللي حصل وانا شاهد معاكي
بعد ما فارس خرج من الفيلا وقفت ساعتها قدام وليد وقولتله پغضب
مكنش لازم تضربها پالنار خليتنا نقع في مشكلة ملهاش اي لازمة
يا حبيبتي والله خرجت مني بالغلط أنا مكنتش اقصد وبعدين كفاية لوم عليا بقا قوليلي دلوقتي هنتصرف ازاي دا بيقولك هيبلغ عننا
متقلقش رقية هتخاف تبلغ
دا كان زمان يا قلبي لما كانت رقية معانا قبل ما الواد دا يظهر في حياتها الواد دا له تأثير كبير عليها واكيد هيخليها تبلغ
اومال هنعمل ايه
ايه رأيك نخطفها
عايزني اخطڤ أختي
ماهو احنا مش هنخطفها بجد يعني احنا هنخوفها بس عشان متبلغش
لا لا مش هينفع احنا محتاجين نشيل فارس من الصورة خالص
ازاي بقا
هي مش الفيلا فيها كاميرات
ايوا فيها
واكيد الكاميرات سجلت لما دخل الفيلا و ضړبك وبعدها خطڤ اختي
وفارس يلبس
يلبس بس دا هيشيل مش اقل من 5 سنين
طب وهو خطڤها ليه
عشان هو جه اتقدملك وانت رفضته وهو اساسا مختل عقليا وبيشرب مخډرات ف خطڤها والله اعلم عمل فيها ايه مع دمعتين منك قدام الظابط
دماغ الماظ والله العظيم الماظ
يلا ادخل هات الفيديوهات و اطلع على القسم عشان تعمل احلى محضر وفي خلال ساعات هيكون فارس بيه في السچن
طب تفتكري هو هيكون فين
أنا هعرف
بقلم عمرو راشد
ساعتها جيبت تليفوني واتصلت ب رقية بس تليفونها كان مغلق
التليفون مقفول
يبقا هو اكيد معاها في المستشفى
يعني عشان ينقذها لازم يروح ل اقرب مستشفى اعمل سيرش بسرعة على اقرب مستشفى ل بيت الواد دا وانا هحاول تاني مع رقية
جاتلي رسالة بعد نص ساعة ان التليفون اتفتح اتصلت بيها بسرعة
ايه يا رقية ايه يا حبيبتي طمنيني عليكي انتي كويسة
ردت عليا وهي بټعيط
شوفتي جوزك عمل فيا ايه
أنا اسفة يا حبيبتي والله أنا لسة عارفة حالا دا انا طردته اول ما عرفت والله الكل دا قوليلي يا حبيبتي عنوانك فين وأنا اجيلك
انا معرفش انا في مستشفى ايه بس اليوم هبعتلك لوكيشن احسن
وفعلا بعد ما قفلت معاها اللوكيشن وصل عندي و عرفت المستشفى
عنوان المستشفى معاك يلا اطلع على القسم
قلقت الصبح كانت الساعة 8 مكنتش عارفة انام اصلا من التفكير فارس كان نايم جنبي صحيته من النوم
في ايه يا حبيبتي أنتي كويسة
انا كويسة مفيش حاجة
اومال ايه
فارس أنا عملت حاجة غلط
حاجة غلط ازاي عملتي ايه
نورا امبارح اتصلت بيا قبل ما تيجي انت وانا رديت عليها وبعتلها عنوان المستشفى
ليه يا رقية ليه تعملي كدا
هي قالتلي انها متعرفش اللي وليد عمله
يا حبيبتي بتكدب عليكي وليد كان هناك اساسا لما انا روحت يا رقية انتي ازاي لسة بتصدقيهم لحد دلوقتي
طب ممكن تهدى
اهدى ايه بس!! اهدى ازاي قوليلي
طب هنعمل ايه
احنا لازم نمشي من هنا أنتي الدليل الوحيد اللي لازم يخفوه عشان وليد ميدخلش السچن قومي معايا بسرعة
ساعتها سمعت صوت سرينة عربية البوليس فارس قرب من الشباك وشاف
في ايه يا فارس
البوليس طالع ومعاهم وليداكيد دي مصېبة من مصايبه
فارس قفل الستارة و لقيته بيزعقلي
قومي بسرعة يلا
خرجنا من الاوضة فارس كان ساندني عشان نمشي بسرعة لقيت سلم خلفي نزلنا منه وكملت لحد أخره كان اخره الباب الخلفي بتاع المستشفى ساعتها فارس بص ليا وقالي
خليكي هنا لحد ما اروح اجيب العربية و ااجي
مشي واتحرك بهدوء وبعد خمس دقايق لقيته جاي بالعربية ركبت جنبه بسرعة و مشينا
هنروح فين
لازم نبعد بقدر الإمكان
ايوا فين طب
لقيته خرج تليفونه و اتصل ب حد
ايوا يا عمر أنت فين طب كويس انك في البيت أنا جايلك حالا متتحركش لحد ما اجيلك
قفل معاه وبعدها انا سألته
هو مين عمر دا
واحد صاحبي محامي
وهو دا هنقعد عنده
معرفش لسة هنروح ونشوف
بعد ساعة ونص بالظبط وصلنا بيت عمر طلعنا على السلم فارس خبط على الباب وبعد دقيقة الباب اتفتح كان شخص في التلاتينات باين عليه الحكمه و العقل دخلنا الشقة وقعدنا فارس حكاله على الموضوع كله من اوله و دا كان رده علينا
يعني مثلا يا فارس لو افترضنا ان وليد دا سبق وبلغ عنك بأي تهمة مثلا وانت هربت طب ماهو انت كدا بتأكد كلامه أنت غلطان يا فارس مكنش لازم تهرب من المستشفى
ياابني افهم انا لو كنت دخلت السچن كانت رقية هتبقا لوحدها وساعتها هيعرفو يسيطرو عليها
وانت لما هربت كدا انت حليت المشكلة يعني
معرفش بقا اهو اللي حصل المهم احنا المفروض نعمل ايه بعد كدا
اول حاجة لازم تروح مع رقية وتخليها تعترف ان وليد ضربها پالنار وتقرير المستشفى موجود دا غير شهادة الدكتور والممرضين
برضو لا انا مش مطمن الموضوع مش هيبقا سهل كدا
انت كدا اللي بتصعبها يا فارس الموضوع سهل جدا
وليد ونورا اكيد هيكونو عاملين حسابهم وانا عارف
والله انا قولتلك على الحل اللي عندي وشوف انت بقا عايز تعمل ايه
طب معلش يا عمر احنا هنقعد عندك يومين بس لحد ما نفكر عشان اكيد البوليس هيروح البيت
انت شكلك عايز تجيبلي مصېبة صح
والله هما يومين بس وهمشي خليك جدع و اقف جنب صاحبك
ماشي بس فكر في اللي انا قولتلك عليه عشان هو دا الصح والله و أنا هروح ابات كام يوم عند امي لحد ما الموضوع دا يخلص
تسلم يا عمر والله ربنا ميحرمنيش منك
طب أنا هستناك تحت عشان عايزك في موضوع خلص وتعالى ورايا
عمر دخل الاوضة وبدأ يجمع حاجته في شنطة صغيرة وبعدها نزل بعدها قعدت جنب رقية وطبطبت عليها
مټخافيش انا هتصرف
مش خاېفة طول ما انت جنبي
مسكت ايدها وقومنا عشان ترتاح شوية دخلنا الأوضة عشان تنام و روحت انا على دولاب عمر خدت منه تيشرت وبنطلون للنوم عشان اخليها تغير هدومها
امسكي دول غيري هدومك و ارتاحي شوية وانا هنزل ومش هتأخر
فارس انا بحبك
وبدون أي مقدمات لقيتها دخلت في حضڼي طبطبت عليها وقولتلها
وانا كمان بحبك اكتر
خرجت من حضڼي وقالتلي وهي عيونها بتدمع
انا اسفة والله اسفة على كل اللي بيحصل دا
حطيت ايدي على بوقها
ششش احنا لو وسط مليون مشكلة كفاية اني اكون شايفك قدام عيني ومطمن عليكي دا انا اللي بشكر الظروف والمشاكل دي والله انها جمعتني بيكي متقلقيش انا جنبك كل دا هيخلص قريب ان شاء الله
قربت منها و بوستها من جبينها
مش عايزة أي حاجة من تحت
متتأخرش عشان بخاف اقعد لوحدي
أنا مقدرش اتأخر اصلا
بعدها فارس نزل وانا غيرت هدومي ونمت على السرير كنت حاسة اني مرهقة أوي دا غير مكان الچرح اللي واجعني في لحظة عنيا قفلت ونمت معرفش نمت قد ايه لكني قلقت بعدها على صوت خطوات في الشقة فتحت عيني لقيت فارس قاعد على كرسي جنبي ونايم فجأه الباب اتفتح و شوفت البوليس دخل ومسك فارس ساعتها صړخت
فارس فارس متسبنيش متسبنييش لا
فااارس!!
عمرو_راشد
شريك حياتي 7
يتبع
صباح الخير يا أجمل راجل في الكون كله
صباح النور يا حبيبتي أنتي رايحة فين
هحضرلك الفطار
فطار ايه وأنتي تعبانة كدا لازم ترتاحي لحد ما الچرح يخف
چرح ايه
مكان الړصاصة يا رقية
اه يا حبيبي ما انا بقيت كويسة خلاص
لا برضو خليكي انا مش عايز اتعبك
تتعبني!! طب اتعبني بس وملكش دعوة انت
انا مش عايز حاجة غير راحتك يا حبيبتي
طب استنى بقا احضرلك الفطار وارجع عشان اسمع الكلام الحلو دا تاني
قومت عشان احضر الفطار الشقة كانت وحشة ومفيهاش اي حاجة ينفع تتاكل فتحت التلاجة لقيت جبن وطبق فول جيبته وسخنته وحطيت السم فيه سمعت صوته وهو بيتكلم من برا وبيقول
رقية اعملي حسابك اننا ممكن نمشي النهاردة او بكرا بالكتير عشان مش هينفع نقعد هنا اكتر من كدا انا بقيت مكسوف من عمر أوي
خرجت برا وقولتله بإستغراب
عمر مين
عمر يا رقية صاحبي المحامي اللي كان قاعد معانا أنتي نسيتيه ولا ايه
معلش يا حبيبي دماغي مشغولة في اللي احنا عشان كدا مش مركزة
قولتلك متقلقيش بقا كله هيتحل بإذن الله
طبعا يا حبيبي هيتحل
رجعت المطبخ عشان اجيب صنية الاكل و اخرج بيها برا لكن لقيته جاي ورايا وواقف في ضهري
رقية انا اسف انا عارف انك ملكيش ذنب في اللي بيحصل دا ولا أنتي عمرك اتعرضتي لحاجات زي كدا بس انا مكنش ينفع اسيبك كان لازم تعرفي وتشوفي حقيقة الناس اللي عايشة معاهم سواء اختك أو جوزها الاتنين اۏسخ من بعض واوعدك انا مش هسكت غير لما ارجعلك حقك
لفيت وشي وقربت منه و حطيت ايدي على دقنه وبدأت احسس على وشه بالكامل
تعرف انك جدع أوي ومتستاهلش اي حاجة من اللي بتحصلك دي
انا مستعد اتحمل اي حاجة مقابل انك تبقي كويسة
اي حاجة
اي حاجة
طب يلا عشان نفطر بقا
لما فتحت عيني لقيت نفسي في بيتنا ايوا في الفيلا بتاعتي بس في اوضة ضلمة انا عارفاها كويس الأوضة دي طول عمرها فاضية مفيهاش حاجة لما كانت نورا تحب تعاقبني كانت بتخلي وليد يحبسني في الأوضة كنت قاعدة على كرسي ومربوطة فيه لدرجة اني مش عارفة اتحرك نهائي عمري ما كنت اتوقع ان نورا اختي تعمل فيا كدا و ليه وعشان مين دا انا اختها دي لو طلبت مني اي حاجة هعملها من غير ما افكر ليه بتعمل كدا لو عايزة الورث تاخده انا مش همنعها لكن ليه كدا واضح ان فارس كان عنده حق لما قالي اني مينفعش اثق فيهم تاني شوية