جواز علي ورق بقلم هند إيهاب

صح!!
لاء أبدا بس كل الحكايه أني مش تعبانه
عقد حواجبه وقال
أمال كدبتي ليه تحت
عشان شكلي المتغير عشان محدش يقعد يسأل
هز راسه وأتكلمت بزهق وقلت
تميم أنا عايزه أتطلق
بس ده مش الأتفاق
أنا متفقتش معاك علي حاجه أنا كنت ضحيتك أستغليتني ولعبت بي جيت عرفتني بعد ما أتجوزنا أنك مڠصوب علي في شرع مين ده!! مين أدالك الحق تعمل معاي كده!!
بضيق قال
ما أنت ليكي حق تقولي كده مشوفتيش الزن اللي كان علي والكلام اللي زي السم
كنت تقولي صدقني مكناش وصلنا للمرحله دي كنت رفضتك وقتها ومكنش في حد هيزن عليك بعد كده أنما اللي أنت عملته في ده أسمه لعب بالمشاعر
أنا ملعبتش بيكي يا هند والدليل أني عرفتك يوميها
بعدت عيوني عنه وقلت
أنا عايزه أتطلق
عايزه تطلقي عشان معاذ صح!!
أيه الكلام الفارغ اللي أنت بتقوله ده بقي أسمعني يا تميم مش هسمحلك أنك تتهمني بحاجه زي دي أنت فاهم أنا يوم ما يكون في راجل في حياتي مستحيل أفكر في راجل غيره ياريت تخلي بالك من كلامك بعد كده فلو سمحت نتطلق بهدوء وكأن اللي حصل ده محصلش
ولو رفضت!!
يبقي بتضطرني أني أعمل حاجات مش هتعجبك
رفع حاجبه وقال
ده ټهديد!!
أعتبره زي ما أنت عايز بس أنا مش هعيش عيشه أنا مش حاسه بيها
ليه!! ما أنا بعملك كل اللي أنت عايزاه وكل أحتياجاتك بعملهالك حياه أيه اللي مش حاسه بيها!!
سكت وبصيت ناحية الشباك لأنه مش هيفهم قصدي وأنا صعب علي أقول ده 
أصل هقول أيه!! محتاجه تحبني زي ما أنا بحبك!! هو في حد بيطلب ده أصلا!! كان نفسي يحس بحبي ليه كان نفسي الأقيه فعلا بيحبني مكنش هيهمني أي حاجه غير ده 
هو أنت مبترديش علي ليه!! هو أنت عايزه أيه بالظبط!!
شدني من أيدي لما لقي مفيش رد وقال
طب خلاص تعالي لو ده اللي أنت عايزاه معنديش مانع
عيوني وسعت لما لقيته بيقلع القميص ضړبته بالقلم وقلت بعصبيه
أنت أزاي تفكيرك يجيبك لكده بقولك طلقني
زقيته بعيد عني وطلعت من الأوضه وطلعت من الڤيلا كنت مڼهاره ومهمنيش كلامهم كنت بجري وأنا بتمني أن الأرض تنشق وتبلعني 
جواز علي ورق الجزء التاني 
جريت علي بيت أهلي فضلت أرن الجرس لحد ما ماما فتحت پصدمه قالت
هند!! مالك!!
بابا طلع من جوه وبصيت له وقلت
أنا عايزه أتطلق لو سمحتوا طلقوني منه
بابا بص لماما وبعدين فتح درعاته وجريت في حضنه 
فضل يحاول يهديني عشان يفهم اللي حصل بس أنا مكنش عندي القدره علي الكلام 
دخلت أوضتي ونمت بهدومي صحيت بعد وقت 
قومت غيرت هدومي ولقيت الباب بيخبط وأتفتح لقيته بابا بص لي بأبتسامه وقال