صدمة حياتي نقلا عن لمياء شاهين

ايه.. حاسه إني خيبة أمل لعيلتي.. جوزي.. كل الناس..
جوزي قرب يجي خلاص.. هيبقى في البيت انهارده..
الصفحة الرابعة كانت بعد شهر كامل من أول مرة تكتب
يا رب.. يا رب أعمل ايه.. باباه جه أوضتي انهارده.. هددني.. قالي إنه هيتهمني إنه أنا اللي اغريته.. قالي إن جوزي عمره ما هيسامحني.. وعشان كده أنا بكتب المذكرات دي.. بس هل ده هيبقى كفاية
والبيبي.. يا ربي.. هعمل ايه لو طلع شبهه.. هعمل ايه لو جوزي شاف وش أبوه كل يوم في وش البيبي.. 
قفلت المذكرات وعيطت وانا حاطط ايدي على وشي.. كل السنين دي كانت ڠضبان.. پصرخ فيها.. بتهمها إنها قا تله ومهملة.. بكسر البيت وبخبط أي حاجة تيجي في وشي.. كل ده ماكنتش تستحقه مني..
بصيت على وشها المسالم وهي نايمة على سرير المستشفى.. وقولت لها بكرهك.. بكرهك عشان كدبتي عليا.. بكرهك عشان شيلتي كل ده لوحدك.. بكرهك.. عشان أسهل لي دلوقتي إني أكرهك
مبقتش عارف أقولها ايه تاني.. مفيش حاجة أقولها.. 
وقفت في مكاني شوية أخد نفسي قبل ما امسك المذكرات تاني أقرا فيها.. وبعدين قعدت ومسكتها عشان أكمل... 
فتحت المذكرات تاني عشان أكمل.. كانت كاتبه
قابلت انهارده الأسرة اللي هتتبنى البنت.. واضح إنهم كويسين.. البنت هتكون معاهم في أمان.. أوراق الطلاق احنا الاتنين وقعناها.. أبوه كان هناك.. كان بيواسيه وبيقوله إنه أفضل من غيري.. 
الصفحة اللي بعدها اتكتبت بعد الطلاق بسنتين
انهارده شوفتها.. اخدت نفس عنين جوزي.. الحمد لله إنها أخدت عنيه هو مش عنين أبوه.. أبوه ماټ.. شوفتها بعد ما رجعت من جنازته.. لما روحت الچنازة وقفت ورا خالص.. كان لازم اتأكد إنه فعلا مبقاش موجود.. السر ده أفضل إنه يتدفن معاه.. 
الصفحة اللي بعدها وكانت اخر حاجه مكتوبة من كام يوم
شوفت البنت انهارده في الحديقة.. عندها 8 سنين.. جميلة وسعيدة.. الحمد لله كانت تستحق الحماية..
رفعت عيني من المذكرات لقيت أمها واقفة ورايا.. بتتفرج عليا وانا بقرا وهي بټعيط بدون صوت...
سألتني قريت
بعدها دخلت وقعدت جنب مراتي ومسكت ايدها وهي بتقول هي خلتني أوعدها إني متكلمش.. اليوم اللي عرفت إن أبوك عمل اللي عمله فيها.. خلتني أحلف إني مقولكش أبدا
رميت المذكرات عند رجليها وشوفتها وهي بترجع لورا.. سألتها ازاي شوفتيني وانا بكرهها وبعاملها كده وسكتتي
ضحكت بمرارة وقالت لي عشان هي اتحايلت عليا مقولش حاجة.. هي قالت إنك محتاج أبوك أكتر ما انت محتاج تعرف الحقيقة.. قالت إنها تقدر تعيش وهي عارفه انك بتكرهها.. لكن انت مش هتقدر تعيش لو عرفت حقيقة أبوك
رديت وقولت لها كل ده غلط.. مش حقيقي
قالت لي بجد!! انا شوفت بعيني.. انت معندكش أدنى فكرة أنت فضلت سنين تعمل ايه!! كل عيد.. كل تجمع عائلي.. وانت بتدافع عنه وبتعاملها على إنها زباله.. كنت حاسه إني بمۏت.. بس هي كانت مصره على رأيها.. حتى لما ماټ من سنتين.. مسابتنيش أقولك أي حاجة.. عشان خلاص كل حاجة خلصت.. بص لها.. ست مظلومة ومقهورة بين الحيا والمۏت في غيبوبة
بعدها هزت راسها
وسابت الأوضة والمستشفى كلها ومشيت..
مشيت وسابتني حاسس بالذنب.. نفس الذنب اللي مراتي شالته لوحدها لسنين.. قعدت جنب سريرها.. مسكت ايدها.. اعتذرت كتير..
قولت لها لو صحيتي.. صدقيني هنصحح كل حاجة كنت حاسس إني بقول أي كلام اضحك بيه على نفسي لحد ما حسيت بيها.. حسيت بأيدها بتضغط على ايدي..
أنا متأكد من اللي بقوله.. حسيت بضغطه خفيفه.. بس الدكتور بيقول إن دي مجرد خيالات.. أمنية بس من جوايا إنها تفوق وتتجاوب معايا..
احاديث_تيكتوكيه
LamiaaShaheen