قصة السيدة صاحبة الكرسي المتحرك

سيدة تقول
النهاردة كنت في الكوافير و دخلت علينا شابة زي القمر قاعدة على كرسي متحرك و فهمت من استقبال العاملات بالمحل لها إنها زبونة قديمة و لقيت كل العاملات راحوا لها بإندهاش يسألوها إيه اللي حصل 
فإتصدمت لما فهمت من سياق كلامهم إن دي أول مرة يشوفوها على كرسي متحرك
يعني هم متعودين عليها زبونة عادية زينا كلنا بتمشي على رجلها عادي
فقالوا لها إحنا بقالنا فترة طويلة مش بنشوفك غايبة عننا إيه اللي حصل لك ليه قاعدة على الكرسي ! 
فقالت لهم إنها من كذا شهر كانت عند مامتها اللي دايما بيخرجوا سوا و نزلت من عند مامتها تجيب الولاد من التمارين و لأول مرة مامتها تقول لها روحي لوحدك و متنزلش معاها 
المهم و هي سايقة على المقطم عربية خبطت عربيتها وقعتها 
كل ده و أنا قاعدة بسمعها و هي بتحكي لهم و عاملة نفسي مش مركزة عشان مسببش لها إحراج و قاعدة بدعي ربنا إن المعجزة تحصل و العلم يتوصل لعلاج أو دكتور بره مصر أو بجلسات العلاج الطبيعي أو بعملية جراحية أو بأي طريقة يارب اجعلها تقدر تقف على رجلها تاني تخدم نفسها و أمها و زوجها و أولادها
و فجأة و هي بتحكي لهم قصتها لقيتها بتقول بس فالدكاترة إضطروا يقطعوا لي رجليا
أنا حسيت إن قلبي هيقف لما قالت كده و لقيت نفسي ببص على مكان رجليها من تحت الجيبة الطويلة اللي لابساها كإني بدور على أمل تكون وداني سمعت غلط و تكون لسه عندها رجلين ندعي لها ربنا إنها تقدر في يوم تقف عليهم تاني لكن ملقيتش رجلين و رغم