قصة السيدة صاحبة الكرسي المتحرك

إني معرفهاش بس حسيت قلبي بيتقطع علشانها و بحاول أتخيل نفسي لو أنا في مكانها بعد ما بنخدم غيرنا و نساعدهم و نشيل عنهم في لحظة تتغير الحياة للأبد للأبد و نبقى محتاجين غيرنا يخدمنا و يساعدنا و يشيل عننا
حسيت بالنعمة اللي كلنا غرقانين فيها و مش حاسين بقيمتها و بنشتكي منها
حسيت يعني إيه وقفة المطبخ نعمة و مشاوير الولاد نعمة و خدمة الغير نعمة و ترويق الشقة نعمة 
الركوع و السجود نعمة و حرية الحركة نعمة و دخول الحمام نعمة و طلوع السلالم نعمة و المشي و الجري و التنطيط نعمة 
و لإن مفيش حاجة بتحصل في الكون من غير حكمة عظيمة من الله الإله الواحد الأحد الحكيم العظيم فالشابة دي دخلت تعطينا كلنا دروس في الصبر و الثبات و الرضا و اليقين و الإيمان بالله
لو تشوفوها و هي بتحمد ربنا كتير مع ابتسامتها الجميلة شكرا لله إن مامتها رفضت تنزل معاها و قعدت تقول سبحان الله من رحمته بيا خلى مامتي متنزلش معايا عشان هي اللي هتشيلني بعد كده أنا و ولادي و لو كانت جت معايا في الحاډثة مكنش هيبقى فيه حد يشيلنا بالحب ده و تكمل كلامها و تقول الحمد لله إن الحاډثة حصلت و أنا رايحة أجيب الولاد مش و أنا راجعة بالولاد الحمد لله ربنا من رحمته حفظ لي ولادي
أنا حاسس إني لو كتبت لكم طول عمري بعد كلامها و قصته مش هوصل لكم احساسي بالزعل
تعالوا كلنا نحمد ربنا علي حالنا واحوالنا و يشفي كل مريض ويديم نعمة الصحة علينا
وهذه مبادرة الخير لمن لم يعرفها من
قبل.