اسكريبت صغيرتي كامل بقلم خلود ناجي صغيرتي

تيجي نسافر !
والله يا بنت عمي انا معجبة بتفكيرك بس انا حتي لو وافقت اخوك ولا اخويا هيوافقوا دا الجامعة بنروحها بالعافية 
لا الصراحة انس موافق المشكلة في زين ودماغه التعبانة 
دماغه التعبانة !! انتوا مټخانقين صح 
هو اللي پيتخانق
علي اساس انك مش بلسان طويل مثلا ومستفزة 
شوف مين بيتكلم ! استاذة العناد والاستفزاز يا بنتي دا لو العناد شخص كنت هتكوني أنت 
براحتي برضوا 
ايوا يعني تيجي نسافر!
فين !
اسكندرية عند بيت خالي 
لا مش بطيق اقرب عند بيتهم مرات خالك وولادها دمهم سم مع احترامي لخطيبة اخوك 
بس علفكرة وليد والله محترم وكويس جدا 
مليش دعوة بيه 
طيب تعالي نسافر ونغير جو ونعمل شوبينج بالمرة 
طيب اهلنا هيوافقوا 
سيبي الموضوع دا عليا 
ربنا يستر
ورد خطيبة اخويا زين وبنت عمي وصحبتي في نفس الوقت شخص نضيف وجميل من جوا شاطرة في كل حاجة ممكن تعملها وجودها نفسه مريح حلوة ومبهجة ويا بخت اخويا زين بيها هي حنينة ودافية ومناسبة لقسۏة وزين وشدته زين رغم شدته بس عمره مابيقسي علي أهل بيته هنا رجالتنا طبعهم صعب وشديد عندنا اراضي ومزارع وورش نجارة عمي وبابا نجارين وسافروا فترة كبيرة برا مصر عملوا فلوس ونزلوا استثمروها هنا والحمد لله يعني مرتاحين ماديا هنا رغم أن عمي ليه بيت كبير لوحده واحنا برضوا بس لسه بنتجمع كلنا في بيت جدي القديم بحسه دافئ ومريح 
عفاف لو خالد عرف هيخرب الدنيا أو اي واحد من رجالة البيت 
هنية وهيعرفوا منين يا عفاف مټخافيش 
يا فوفا هو الموضوع تعارف وليد معجب ببنتك بس هي دماغها ناشفة ومش عايزة حتي تعارف أو تتكلم معاه 
هنية ما دا الصح محدش قليل الادب يا ورد غيرك انت وخطيبك وارتبطتوا ببعض ٧ سنين 
يا ختي عليك ما ابنك انس كان مرتبط ببنت اخوك سنتين اشمعني انا 
هنية وهو انا هقدر عليك يا ام لسان طويل المهم يا ورد خلي بالك من بنت عمك عاليا 
حاضر يا ست الكل
معرفش ازاي ورد أقنعت اهلنا أننا نسافر بس لما لاقيت زين وانس معانا عرفت ازاي وصلنا شقتنا في اسكندرية وطبعا انس راح يشوف أهل خطيبته واحنا نزلنا مطعم تحت كانت كل حاجة حلوة واليوم لطيف بس 
انس مالك يا بني ! انت متخانق مع حد ولا ايه 
مفيش فسخت الخطوبة بس 
ورد پصدمة نعم انت مچنون 
انس دقيقة يا ورد في أي ياانس اهدا كدا وبلاش عصبية هي دي طريقة تنهي بيها خطوبتك مع اكتر واحدة حبيتها 
بقولك ايه يا زين أقفل كلام في الحوار دا اللي يكرمك
كالعادة كنت ساكتة ومنطقتش حرف كملنا اكل بهدوء وطلعت انا ورد في شقتنا والشباب باتوا في شقة اللي قصادنا 
لسه اخوك متعصب 
زين حاول يتكلم معاه بس كالعادة انس ساكت انا مستغربة عصبية انس وهو كان طول عمره هادي انا قولت لماما وهي اتصلت بخالي ومراته والموضوع كبر 
خير متقلقوش الخلافات طبيعي جدا تحصل 
يارب بجد 
طلعت وقفت في البلكونة الحمد لله علي كل النعم اللي في حياتي متعودة من ٣ سنين اخر نص ساعة قبل ما انام بكون قاعدة لوحدي ابص للسما واكون ممتنة لربنا واتكلم مع ربنا في كل حاجة مضايقاني الموضوع مريح جدا ومع الوقت بقي عندي عادة 
ادخلي جوا 
بس انا عايزة اقف هنا شوية 
وانا قولت ادخلي جوا 
وانا مش مضطرة اسمع كلامك
انت ليه بتعاندي
عشان انت متسلط 
وانت لسانك طويل وعايزة تتربي من اول وجديد 
وانت مالك انت 
انا اخوك الكبير
انا عندي اخ واحد بس وهو زين وانت بس ابن عمي وملكش اي حق تتدخل في حياتي
دخلت اوضتي من العصبية انا مش عايزة اعيط ولا اتضايق هو مش اخويا ومش هسمح أنه يتحكم في حياتي زي الاول انا مفتقدة جدا انس القديم الشخص الجميل اللطيف اللي لسانه حلو وأخلاقه الكل يحلف بيها الشخص اللي كنا واخدينه مثال في بر الوالدين وكل حاجة حلوة بس دلوقتي واحد بجح وقليل ذوق وأسلوبه حاد في الكلام والنقاش وقاسې ومستعد ېقتل اي حد ييجي علي كرامته ودا بجد انس اټخانق مع ناس جيران في الشارع وكانوا هيموتوا بعض منكرش الناس دول مش محترمين عشان غلطوا في بابا بس مش لدرجة اني انس يجيب سکينة ومصر ېموت واحد فيهم بقي فعلا عڼيف وهو وعمي علاقتهم مع بعض وحشة خالص لدرجة أنهم قعدوا سنة كاملة مش بيتجمعوا علي الاكل بس الحمدلله دلوقتي كويسين الي حد ما ورغم كدا بابا بيحب انس جدا وعلاقته بيه افضل من علاقته باخويا 
ياماما كدا كل حاجة باظت ومستحيل وليد وعاليا يتقابلوا مع بعض حتي 
هنية ربنا يهديه اخوك 
عفاف برضوا مصر علي فسخ الخطوبة 
هنية هو زين دا ليه كبير مش عارفة اعمل ايه بجد ربنا يهديه 
عفاف انا هقوم اجهز الاكل عشان هييجوا من صلاة الجمعة دلوقتي ورد صحي عاليا
كنت صاحية في اوضتي احنا رجعنا من السفر وكالعادة معرفتش انام طول الطريق وورد وزين ناموا وانس كان بيسوق وساكت كالعادة انا اكتر واحدة انس بيكرهها في العالم والحقيقة دي مشاعر متبادلة 
عمو عثمان وحشتني 
بنتي حبيبتي
انا بحب عمي عثمان جدا عمي زي بابا قاسې برضوا بس معايا حنين اوي وبحبه هو الوحيد اللي بحضنه وبيبوس راسي وكمان ببضفرلي شعري اوقات انا صحبي وصديقي ومعاه سري الوحيد 
يا ماما مش بحب اللحمة انا
عفاف جربيها يا عاليا 
يووه بقي ياماما انا عمري ٢٤ سنة و وطول عمري مش بأكلها هاجي النهاردة احبها مرة واحدة 
زين بهدوء عادي يا عاليا زي ما کرهتي ناس مرة واحدة تعرفي تحبي حاجة مرة واحدة
انس الكل سكت خصوصا اني عارف قصده هو يقصدني انا خصوصا اني علاقتي بيها كانت قوية جدا هي كانت صديقتي وحبيبتي وكل حاجة حلوة في حياتي وكنت هتجوزها لما تكمل ٢٠ سنين بس كل حاجة اتغيرت في يوم وليلة 
ورد عاليا ما تجربي المكرونة كدا هتلاقيها قمر عشان أنا اللي عملتها 
نينييييي
زين ملكيش دعوة بمراتي وطبعا اكلها قمر هاتي الطبق دا كدا
اخد طبق المكرونة من قدامي بس بابا حطلي طبقه قدامي ووقتها زين حط طبق كامل قدام بابا بهدوء بابا حنين جديد عارفة مش بيقول بلسانه بص تصرفاته بتقول كدا انا بقي طول عمري بحب اللي قدامي يأكد حبه بالكلام 
انت لو بتحبي هعرف منين طول ما انت مش بتقول 
هنية بطلي تضايق بنت عمك يا ورد و بعدين يا استاذ زين ورد لسه خطيبتك
انس بهدوء عمي بعد اذنك يابابا الاول انا عايز نحدد الفرح بقي مفيش داعي ننتظر نحدد الفرح بعد اسبوعين
الكل طبعا اعترض علي المدة وبقيت شهر بالعافية وكله دا بيتناقشوا علي الاكل احنا