اسكريبت صغيرتي كامل بقلم خلود ناجي صغيرتي

رايك يا اخويا 
خالد صراحة أهله ناس محترمة ونعرفهم بس الواد دا مش فاكراه تعرفه انت يا أنس 
ايوا يا عمي هو شخص كويس ومحترم وافق عليه هيكون مناسب لعاليا وراجل يحميها ويصونها الف مبروك هقوم انا عشان اكمل شغلي 
سابنا ومشي وحرفيا الاكل وقف في زوري ومقدرتش ابلعه 
عفاف انت موافقة تقعدي معاه يا بنتي 
اه موافقة يا ماما 
الجزء الثالث 
اه موافقة يا ماما
انس وافقت!! هو انا متوقع ايه ! متوقع أنها ترفض وتفضل قاعدة جنبي ربنا يرزقها بزوج صالح ويكون حنين عليها 
قومت من علي الاكل ودخلت اوضتي هو بجد انا كنت بتوهم انه بيحبني هو انا مش فارقة معاه كدا دا لو مۏت قدامه مستحيل يتهز انا زعلانة اوي بجد منه هو مش اللي بيحب حد بيغير عليه طيب انا اعمل ايه انا مش فاهمة حاجة مش فاهمة يعني ايه هو اصلا شايف أنه عادي شخص يخصك يبقي ملك لحد تاني بس انا عمري ما كنت اخصه ولا حتي هو قالي في يومي اني فارقة معاه هو واحد حب كذا واحدة وخطب كمان متوقعة منه ايه معقولة كل دا عايشة ومتمسكة بوهم !!!!!!
عثمان هتفضلي مكشرة كدا كتير 
عمي انا احتمال اتخطب
عثمان لما تقعدي مع مراد الاول شوفيه لو كويس ومرتاحة وافقي غير كدا ارفضيه
انا مش بفهم حاجات كتير اوقات زي مثلا انا بحب الشخص دا ليه منتجوزش بهدوء ليه كل حاجة لازم اعاني عشان تكون معايا انا عانيت زيه من الحاډثة دي بس مش هستسلم لحاډثة واضيع حياتي كلها كل حاجة هتتحل لو هو قرار يواجهني ويواجه خوفه يعرف انه فعلا الشخص الوحيد اللي بحبه ومستحيل اشوف حد غيره بس اعمل ايه مع واحد محاولش عشاني مرة واحدة ! انا اتربيت في بيت اني اكون عزيزة وغالية وكرامتي اهم حاجة ورغم حبي الكبير بس مش هروح أقوله انس انا بحبك ايه رايك تيجي علي نفسك وتاخد خطوة وتتقدملي أو حتي تفكر فيا كشريكة ليك انا تعبت من العياط بجد انا قررت خلاص اصلي صلاة استخارة وربنا هييسرلي الأمر باذن الله
عفاف ام عاليا يلا يا حبيبتي الناس قاعدة برا
طلعت قعدت معاهم الي حد ما أهل مراد ناس كويسين كان هو وباباه واخته ومامته كانوا ناس لطاف الحقيقة ومراد دمه خفيف ومقبول وفي نفس الوقت شكله مناسب سابونا لوحدنا والكل طلع قعدوا في الصالة
ازيك يا استاذة عاليا 
بخير الحمد لله وحضرتك !
حضرتي زي الفل كبرتي بس لسه ملامحك زي ما هي 
هو حضرتك تعرفني !
انا كنت زميل ابن عمك وكنت بشوفك دايما معاه وزين اخوك الحقيقة فكرت انك ممكن تتخطبي لأنس بس لما عرفت أنه خطب وانك شايفاه اخوك قررت اتقدملك لو عندك حاجة عايزة تساليني فيها انا معاك 
حاولت ابتسمت الصراحة انا مش عارفة 
ابتسم عالعموم اي حاجة تحبي تسأليني فيها معنديش مشكلة اقعد معاك تانية 
مكنش عندي طاقة للكلام الصراحة بابا والكل قعدوا معانا تاني وكانوا كلهم بيتكلموا ويهزروا وانا قاعدة ساكتة انا مخڼوقة فعلا وعايزة ادخل اوضتي واخيرا بعد ساعتين قرروا أهل مراد يمشوا ما كانوا يباتوا بالمرة 
هنية أم انس ناس محترمة فعلا وكلهم ذوق والواد نضيف وحلو الصراحة
اتجوزيه يا مرات عمي انت 
عفاف وأهله ناس ذوق وباين عليهم مؤدبين والله
كله بيان كويس في الاول يا ماما
خالد ابو عاليا اسبوع وهنبلغهم الرد انا عن نفسي موافق انت شايف ايه يا عثمان 
عثمان انا شايف الواد كويس واحنا عارفين صاوي وأخوه وناس محترمة بس برضوا الراي رأي عروستنا
سكت انا عايزة ارفض الصراحة
خالد تاخد وقتها ولما تقرر تبلغنا هو فين أنس يا عثمان ينفع يكون غايب كدا يعني 
عثمان هو في الشغل عشان احنا هنا  
خالد طيب هنسافر أمتي عشان نشوف الحج عوض 
عثمان بعد بكرا نسافر وأنس هنا هيهتم بالشغل
الكل انشغل ماما ومرات عمي كالعادة يا في المطبخ أو في الدور الارضي قاعدين مع الجيران وبابا وعمي وانس في الشغل انا مفتقدة ورد اوي وحشتني اوي قعدت عيطت ونكدت علي نفسي شوية بس قررت اني اغير جو انا بأمن اني السعادة قرار داخلي من جوانا يعني انا مثلا اخترت بيجامة جديدة و استخدمت روج جديد وعملت تسريحة شعر برضوا جديدة وقررت اقرا رواية لأسامة مسلم 
عاليا عاليا
دخلت الشقة لقيتها نايمة في الصالة لو مرات عمي شافتها هتولع فيها ماما ومرات عمي تحت قاعدين وقالوا الاكل جاهز عاليا تسخنهولي بس الهانم نايمة هي قصت شعرها ولا ايه!!! اي الرواية دي حلوة الرواية دي بس هتقعد ټعيط علي النهاية كالعادة 
عاليا يا بنت أنت 
يا مامااااااا انت غبي بتغرقني مية
قولتي ايه 
خۏفت ما هو مينفعش حد يصحي حد كدا بتغرقني مية ليه 
عشان تصحي والهانم ايه اللي يخليها تنام في الصالة ادخلي البسي حاجة كويسة وغطي شعرك وتعالي حطيلي الاكل 
و 
اقسم بالله يا عاليا لو ما مشيتي هزعلك
دخلت لبست إسدال وسخنت الاكل 
الاكل جاهز بالسم الهاري
سمعتك يا ام لسان طويل اقعدي معايا مش بعرف اكل لوحدي
كداب هو بيعمل كل حاجة لوحده اصلا
لحد ما ورد هتيجي هتكوني مكانها 
وانا مالي بيك هو انا اختك
اه اختي
سكت وفضلت قاعدة قدامه ساكتة هو انا ممكن اكون موهومة بجد وهو فعلا مش شايفني غير أخته !! طيب لو كدا فعلا اعمل ايه 
انا عملتلك شاي بالنعناع اتفضل
مش بحب النعناع 
بس انا بحبه
أنس مش عايز اخسرها بس هي مش عايزة تكون معايا وهتفضل طول عمرها فاكرة اللي حصل ومستحيل تكون واثقة فيا انا مش عارف اعمل ايه تايه واعترف اني خاېف عاليا اغلي شخص عندي بعد ورد ومتمناش انها تتاذي مشاعرها في يوم مراد شخص فعلا كويس ومحترم وفي حاله معندوش مشاكل نفسية ولا عقد زيي هي هتكون مبسوطة معاه اصلا
أنس هو احنا اخوات 
ايوا
اتنفست بهدوء وبعدها حاولت تبتسم 
طيب ايه رايك في مراد انا مرتاحة وعايزة اوافق انت موافق عليه خصوصا أنه هيكون واحد مننا بعدين ويعتبرك اخوك 
ولما اقوم اكسر دماغها دلوقتي 
هو كويس صراحة وانا عارفاه كمان دكتور وفي حاله وطبعه كويس وملوش في المشاكل عكس أخته الكبير بس حقيقي معرفوش لاني تعامل معاه كان سطحي
بس هو كويس انا حاسة أنه طيب وحنين
اه ممكن
يا بارد انطق طيب اعمل ايه في المصېبة دي بحب واحد مش معبرني اصلا
انت فشكلت خطوبتك ليه 
سكت شوية وكنت واثقة أنه هيحرجني أو مش هيرد اصلا
كانت عايزة شقة عند اهلها كمان اخر فترة تصرفاتها مكنتش عاجبني وخالي مكنش بيغلطها مكنش ليها كبير واللي مالوش كبير متقربيش منه
طيب ما انت ملكش كبير 
سكت وبصلي وانا سكت واتوترت
انا هدخل انام ابقي خلي ماما تصحيني بعد ساعتين