اسكريبت صغيرتي كامل بقلم خلود ناجي صغيرتي

أنه اتكسر يومها وأنه مش راجل مش عارف يحمي أهل بيته مع أنه والله عمل كل حاجة يقدر عليها انس اغمي عليه لما اتاكد أن الشباب الكويسين بيساعدونا يا عمي انس بيكرهني بجد وانا بعامله وحش عشان لما وقفت جنبه اتعصب عليا واټخانق معايا ودايما كنت بشوفه بيهرب بعنيه مني انت الوحيد اللي عارف اني بحب ابنك قد ايه وعمري ما اخترت راجل غيره في حياتي ولا عايزة اختار بس بعد اللي حصل دا هو عمره ما هيوافق يكون معايا انس صاحب بنات كتير وارتبط كتير عشان يشوف نفسه في عيون بنات تاني غيري پيتخانق ومحدش بيقدر يكسره عشان هو اتكسر فعلا يا عمي انا بشوف في عنيه دايما سؤال هو انا فعلا كويسة ومحدش آذاني ! هو انا شايفاه راجل واقدر اكمل حياتي معاه بس عارف ياعمي دا سري انا وابنك ومحدش عارفه ولا عايزة حد يعرفه يا عمي انس مش وحش يا عمي بس احنا اتوجعنا اوي من ٥ سنين ولحد دلوقتي موجوعين والله بالله عليك يا عمي ما تغير تعاملك معاه ولا تحن عليه مرة واحدة خليك شديد معاه برضوا بس في نفس الوقت قوله إنه ابنك الحبيب واني اي حاجة خاصة بيه انت بتحبها لمجرد أنها تخصه بس 
حضنت عمي وعيطت كتير افتكرت احداث اليوم دا كأنه امبارح مش قادر انسي اي حاجة عيطت كتير عمي حضڼي جامد وكأنه بيتاكد اني بخير نمت في حضنه وانا لأول مرة انام مرتاحة وحاسة اني قلبي خفيف اني سرنا قدرت اشاركه مع حد امين علينا
يا استاذة لازم تيجي معانا نحجز الفستان 
ما تروحي مع خطيبك ولا اخوك 
لا هتيجي انت معايا 
أمتي تتجوزي وارتاح من صداعك 
البيت كله مشغول بفرح زين وورد كنت مبسوطة عشان قرايب أهل بابا وماما كانوا موجودين عندنا واني انس اول مرة اشوفه بيضحك عمي سمع كل حاجة والحمد لله حفظ السر بس نزل بنفسه وقتها يدور علي انس ومن وقتها انس قدام عنيه مفيش حاجة اتغيرت في التعامل بينهم بس نظرات عنيه حنينة علي انس ودا انا بس اللي لاحظته 
انا هلبس الفستان الاصفر دا حلو !
عسل يا ناس
دي واحدة غريبة من الحاضرين بيتنا حرفيا فيه ناس كتير غريبة عشان النهاردة كانوا عازمين البلد كلها علي الغدا ودا عندنا زي الوليمة كدا بس مش لدرجة اني اطلع صالة بيتنا الاقي ستات غريبة وقاعدين متجمعين احلي حاجة في الموضوع دا كله أنهم عاملين أجواء حلوة رقص واغاني 
هنية عاليا كلتي يا حبيبتي 
هغسل الاطباق وهاكل بعدين
متخيلين اني بغسل كمية اطباق وتنضيف علطول وشاي عشان الناس اللي واقفين مع اهلي برا حرفيا جسمي اتهلك من الشغل وكمان النهاردة الحنة 
حلو الفستان 
ورد انت خسارة في اخويا والله انت قمر 
دا زين قمرين اصلا روح قلبي دا 
اتقلي شوية طيب 
اتقل ليه وهو بكرا هيكون جوزي وقرة عيني وشريك عمري كله دا هو عمري كله اصلا 
بقولك ايه انا طالعة البس عشان أنا علي اخري
واخترت اكتر لون بحبه احمر انا بحب اللون دا بجد بس قلبي وجعني ومقدرتش البسه اللون دا بيفكرني بمنظر الډم حرفيا واخترت فستان بيبي بلو وطبعا انا اجمل واحدة في المجرة بس عايزة التأكيد من عينيه هو 
اول ما شافني بصلي بقرف كدا اخدت التأكيد اني قمر يعني لما احب حد اقع في واحد يطيق العمي ولا يطيقني دا ايه الحزن دا يا ولاد
واخيرا وقت الحنة
الاغاني اشتغلت وحقيقي كانت أجواء حلوة ومبسوطة وطبعا كنت براحتي عشان احنا ستات بس نبهونا اني العريس وبابا وعمي هيدخلوا كانوا ببرقصوا مع بعض وماما وعمتي وانا بصورهم واضحك وهو كان واقف جنبي ولأول مرة من ٥ سنين عينيه تكون بتلمع من الفرحة 
ما تيجي نرقص
انس اټصدمت من كلامها بس ملحقتش اخد ردة فعل مسكت أيدي وسحبتني وكانت بترقص هي غريبة النهاردة كنت مبسوط الحقيقة وممتن أن عينيها فعلا بتلمع من الفرحة مفيش خوف ولا دموع ولا اسئلة كانت بس مبسوطة وبتضحك والحقيقة انا استغليت دا وقررت أسرق لحظات حلوة معاها فضلت ماسك أيدها وبرقص معاها وشوفت الحنة والحروف اللي عليها 
الناس هتكون فاكرة أن دا حرفي انا 
يفكروا براحتهم المهم انت شايف ايه 
بصتلي نفس النظرة المشاغبة بتاعتها وكملت رقص المشكلة اني عمري ما قربت منها بس قدام الكل ماسك أيدها ومانع حد يقرب منها 
عفاف هو انس اټجنن ولا ايه وبعدين عاليا ابوها هيقطع رقبتها رقص واحضان وهزار قدام الكل هي اټجننت ولا ايه
انس لما سمعت كلام مرات عمي سبتها وبعدت ووقفت بعيد اتحججت اني بصور ابويا وهو بيرقص مع العرسان بس كنت بصورها هي انا مش عارف بيحصلي ايه بس عايزاها تكون علي اسمي انا والكل يكون عارف كدا 
حقيقي معرفش ازاي كنت بتصرف كدا عمي أنقذ الوضع ومسك أيدي وحضني
عثمان بهمس انا عارف انك بتحبيه بس انك تكوني في حضنه يعتبر قدامي دا حرام قبل ما يكون غلط وعيب ارقصي براحتك بعد ما نطلع 
ابتسمت بهدوء ووقفت علي جنب وماما طبعا مش هتعدي الموضوع وطبعا واحدة من المعازيم خربت الدنيا بسؤالها 
عقبالك يا حبيبتي انت وانس كدا فرحكم أمتي 
انس بهدوء تسلمي يا خالتي بس دي اختي الصغيرة 
اختك ياللي تنشك في ايدك مش قلبك لا منك لله 
ايوا يا طنط ماجدة دا اخويا الكبير بس أن شاء الله خطوبتي تكون قريب دعواتك كدا 
ربنا يكرمك يا بنتي بابن الحلال 
يارب يا طنط 
بصلي بقرف انا الوحيدة اللي تعبانة في دماغي وبفرح لما يتبصلي بقرف 
تعرفي تقعدي بقي وتبطلي فرك 
اي بقي دي حنة ا ستات بس 
ولو حد صورك 
يعني هنزل علي الفضائيات
عاليا اتظبطي احسنلك 
ضحكت متنساش تحط حتة حنة من بتاعت اختك عقبال قريب ما تحط من الحنة بتاعتي 
وماله مبروك مقدما يا ختي
سابني ومشي والحقيقة انا اول مرة اكون مبسوطة كدا يارب اتجوزه اللي منه لله دا اليوم خلص وعملنا تاني يوم زفة بسيطة والعرسان سافروا برا مصر
خالد يا عفاف هو وليد اتقدم أمتي واترفض 
هنية وليد مين يا حاج ! ولد ابن اخويا !
خالد اه يا ام انس والغريب أنه قالي أنه اتقدم رسمي واترفض 
عفاف يعني ايه اتقدم رسمي يا اخويا انا اول مرة اسمع عن الحوار دا
كنت قاعدة ساكتة ومكملة اكل عادي عشان عارفة مين اللي رفضه وهو قاعد قدامي بياكل ولا كأنه عمل حاجة بس الحمدلله عمي أنقذ الوضع
عثمان انا اللي رفضته مش هينفع يكون ولدي سايب بنتهم ونروح احنا نديهم عاليا يعني في عريس صح عايز يتقدم مراد ابن الحاج صاوي دكتور وواد محترم وكمان نعرف أهله انت ايه