المتمرد قصة من جراب الراوي

لقى الغريب واقف عند باب بيتها.
عابد لأول مرة استجمع شجاعته و صړخ 
إنت مين وعايز إيه ليه بتطاردني !
الغريب لأول مرة يتكلم. صوته هادي وبارد كأنه جاي من بطن الأرض 
مش بطاردك أنا بمهدلك.
عابد اتلخبط 
بتمهدلي لإيه!
الغريب ابتسم وقال 
للحظة اللي كنت مفروض ټموت فيها.
عابد رجع لورا صوته اتقطع وقبل ما يكمل كلامه الغريب اختفى قدامه زي دخان.
بعد الليلة اللي شاف فيها الغريب قدام بيت أمه واختفى عابد بقى شبه مهووس.
مش قادر يفهم إيه يعني اللحظة اللي كنت مفروض ټموت فيها!
بقى بيسرح كتير وبدأ يلاحظ إن الغريب بدأ يظهر في مواقف غريبة جداويتدخل في تصرفاته ..
مرة كان بيعدي الشارع وهو سرحان ..والعربيات جاية بسرعة 
فجأة الغريب ظهر قدامه ومد إيده في وشه ...وهو بيهمس 
مش وقتك 
عابد وقف مكانه زي المتسمر والعربية عدت جنب دراعه بمللي.
الناس شافوه بيتفادى المۏت بالعافية لكن ولا حد شاف الغريب ولا فهم في ايه...
مرة تانية كان راكب أوتوبيس رايح مهمة في مدينة مجاورة ولما وصل عند الكوبري عابر حس بإيد باردة مسكت كتفه .. 
الټفت بسرعة لقى الغريب وسط الركاب بص له في عينه وقال جملة واحدة بلهجة ماينفعش يتردد معاها ..
انزل .. مش وقتك 
رجليه مشيته من غير وعي ونط من الاتوبيس حتى قبل ما يقف ..
ماعداش دقيقتين والأوتوبيس انزلق من فوق الكوبري ووقع في المية.
صرخات عربيات بتقف فوضى
وعابد واقف بيرتعش والغريب اختفى وكلمة مش وقتك بقت ترن في دماغه.
بعدها بأسبوع عابد كان نايم في مكتبه صحي على حد دفعه وقعه على الأرض ..اتفزع لقي الغريب واقف جنبهلسة هيصرخ فيه ... لكن سقف الأوضة وقع جزء منه على الكرسي اللي كان قاعد عليه.
الغريب همس ببرود  
مش وقتك  
و اختفى... كأنه ماكانش موجود اصلا ..
أما عابد بدأت الفكرة تجيله 
الغريب مش بيطارده الغريب بيمنعه من المۏت.
لكن ليه
الغريب بقى شبه ملاك حارس بس بشكل مريب مخيف بارد.
كل مرة ينقذه و يختفي.
وكل مرة يسيب جملة غامضة 
مش وقتك ...
بعد أربع أيام عابد كان راجع بيته بالليل.. 
الليلة دي كانت مختلفة ..الهدوء فيها غريب .. 
عابد ماشي يتلفت حواليه متوقع يلاقي الغريب في أي لحظة ..
واللي حسبه لاقاه 
فجأة لقى الغريب أدامه كأنه طلع من الأرض ..
عابد خرج عن شعوره وصړخ  
إنت ډمرت حياتي.... ابعد عني... سيبني في حالي بقى ...
الغريب ابتسم ببرود وقال  
خلاص هاسيبك .. وقتك خلص ...
عابد اتجمد مكانه .... و قال بصوت متقطع مرعوش 
أنت. بتقول . إيه.....يعني إيه ...!
الغريب ما ردش بس رفع إيده وفجأة ظهر في إيد عابد ورقة صفرا باهتة كأنها من جورنال قديم جدا.
عابد بص فيها ...كان مكتوب فيها 
حاډث مأساوي انقلاب أوتوبيس رحلة مدرسية