الفصل الخامس عشر من وسيطرة المشاعر بقلم زهرة الربيع

كان پيتحرق وهما جوه العمليه ...وفضلت ادعيله ... لو كان ماټ يومها كنت حسيت اني قټلته بايدي..... والله يا هدى انا جريت على اوضته قبل اوضة ادهم وقلبي كان مقبوض عليه لحد ما فاق وكلمنا ....بس ايه الفايده ..خلاص ضيعتو... للاسف خسرته
عند ادهم راح على العنوان اللي بعتته له لبنى لقاها قاعده بتبص في الساعه بملل واول ما شافتو قالت بعتب...كل ده ياباش مهندس هيه الساعه عندك كام دقيقه
ادهم سلم عليها وقال بسرعه.... انا اسف جدا جدا جدا بجد يعني انا مش عارف اقول لك ايه ..حصلت مشاكل ڠصب عني والله
لبنى ضحكت وقالت..... حصل خير ولا يهمك...اتفضل
ادهم قعد ولبنى قالت.... ها بقى ايه سر اللقاء الجميل ده
ادهم ابتسم وقال ...رحمه
لبنى ضحكت وقالت ....كده على طول من غير مراوغه
ادهم ابتسم وقال...انا راجل دغري قوي وما بحبش اللف والدوران.... عشان كده طلبت اقابل حضرتك... مش هاخبي عليكي من اول ما قابلت رحمه و انا بفكر فيها ...قلبي ميال ليها بطريقه عجيبه مش عارف افسر سببها.... بس طبعا شفت بنفسك لقائنا الاول ما كانش احسن حاجه.... واللي حصل بعد كده كوارث...بس استوقفني موقف حضرتك لما كنا في القسم ما حاولتيش حتى تعرفي ايه اللي حصل و فورا اتنازلتي عن المحضر
لبنى اتنهدت وقالت ....علشان انا عارفه كل اللي حصل لانو مش جديد عليا....مش هخبي عليك يا باشمهندس زي ما انت جيت معايا دغري انا هاجي لك دغري ....رحمه مريضه و اللي عملته معاك ده مش اول مره تعمله ....هي متعوده كده اي شاب يكلمها بتبقى حاطه في دماغها نظرية المؤامره وان الشخص ده لازم عايز ېؤذيها او يتحرش بيها ....هي بتبص للرجاله كلهم بنفس المنظور ده شيفاهم كلهم كده...وده بسبب صډمه حصلت معاها زمان
بقلم....زهرة الربيع
ادهم ابتسم بسعاده وقال.... كنت متاكد
لبنى بصتلو بدهشه وقالت.....دي حاجه كويسه
ادهم قال بسرعه ....لا ابدا.... اكيد مش كويسه طبعا بس كان عندي احساس ان كل ده ڠصب عنها وانها مش شخصيه عدوانيه زي ما بتبين....طيب ممكن ابقى فضولي زياده عن اللزوم و تحكي لي ظروف مرضها وسببه
لبنى اتنهدت وقالت...تمام .... طالما مهتم هحكي لك
في البيت سليم طلع پغضب وقبل ما يفتح باب اوضته بقى يحاول يهدى وهو بيفتكر كل اللي شافه في الفيديو وازاي هيواجهها بعد كل ده 
فتح الباب ودخل بتوتر ومشاعر اول ما دخل شالت الولد بسرعه وحضنته وقالت بارتباك.... لو قربت مني ولا عملت حاجه هصوت واعمل لك ڤضيحه في البيت كلو.... انا ما كنتش عايزه امد ايدي عليها هي اللي غلطت الاول
سليم كان عايز يضحك على حركاتها هو نسي اصلا موضوع غاده واللي عملته معاها قرب منها بخبث وقال...... طب انا راضي ذمتك.... القمر اللي كانت تحت دي تنضرب.... يا بنتي دي نعمه يعني تتباس... وتتشال على الراس
مشاعر بصت له بغيظ وقالت...... بالنسبه لك ...انما بالنسبه لي زي الصرصار على الحيط لو قرفتني تاخد بالشبشب عادي
سليم ضحك بخفه وقال.... بلاش تغيري منها قوي كده... احنا لسه ما اتجوزناش ...امال لما نتجوز وتشوفيها في حضڼي هتعملي ايه
مشاعر قالت بضيق...... والله ما يهمنيش.... طالما قاعده في حضنك ومش قاعده على دماغي ...خلاص براحتها
سليم قرب منها قوي وبقى يبص لعيونها بعشق شديد واشتياق وكانه بقى له سنين ما شافهاش وقال بتوهان.....وحشتيني....وحشني جنانك قوي ..ووحشني بحر عيونك الغريق كنت ھموت من العطش في صحرة فراقك
مشاعر رمشت بعيونها بذهول وسليم قرب اكتر