رواية و سيطرت المشاعر الفصل الثالث والعشرون بقلم زهرة الربيع
الدكتور قال الافضل ما تتكلمش
هدى قالت بدموع.... هو ايه اللي حصل يا ابني... انا كنت ھموت يا ادهم ازاي ده حصل
ادهم مسك ايدها وقال بالعافيه.... يا ماما انا كويس والله
سليم قال بسرعه ...وبعدين يا ست الكل مش لسه بقول له الدكتور قال يرتاح ....معلش نهدى عليه دلوقت
هدى هزت راسها بتفهم وكانت مش قادره تبطل عياط
مشاعر اطمنت عليه واخذتها وطلعتها بره وطلعت معاها تهديها
نادر بص لادهم بدموع وقال .....طيب اخوك معاك انا هستنى بره افضل ليك...اصلا الدكتور قال ان شاء الله مش هتطول هنا
قال كده وخرج وسليم قرب من ادهم وقال بحزن.....حاول ما تتكلمش كتير.... بس لو عايز حاجه انا موجود
ادهم قال بسرعه وۏجع... رحمه.... نادي لي رحمه يا سليم ..لازم...لازم اشوفها
سليم استغرب وقال.... يا ابني ما انا قلت لك انها بره هي والزفت التانيه
ادهم غمض عينيه بالم وقال.... مش هتكون بره.... اكيد مش بره
سليم استغرب جدا وقال.... تمام.... حتى لو ما كانتش بره اجيبها لك ...خليك هادي ماشي
قال كده وخرج يشوفهم وبالفعل ما لقاش رحمه بره اتنهد پغضب رهيب وبص لميرا وقال....صاحبتك فين
ميرا قالت بتوتر...قصدك رحمه...مشيت
سليم قال پحده ...مشيت اه.... ايه اللي حصل هتتكلمي ولا اطربق ام المستشفى دي على دماغك ودماغ اللي خلفوكي
ميرا اټرعبت من صوته وقالت.... ما اعرفش ايه اللي حصل...هو انا وادهم كنا قاعدين في الكافيه...ورحمه جات بالصدفه واټصدمت لما شافت ادهم....و اتضح انهم يعرفوا بعض تقريبا واول ما عرفت ان هو طليقي جريت في الشارع زي المجنونه..... انا وادهم ما فهمناش وطلعنا جري وراها وادهم خبطته العربيه
سليم رفع حاجبه وقال بهدوء مخيف ....رحمه صاحبتك هي اللي كلمتني في التليفون من اسبوعين مش كده... لما اتصلت على تليفون ادهم وانا رديت
ميرا بلعت ريقها بتوتر وقالت.... ما اعرفش انها كلمتك..... رحمه هتكلمك ليه يعني
سليم بص لها پغضب شديد وقال بانفعال ...انتي هتستهبلي يابت ...متخلنيش احجز لك طوارئ هنا ..انطقي
ميرا انتفضت پخوف ولسه هترد سمعو ادهم بينادي و بيقول پغضب ...ميرا .....ميرا تعالي عايزك
ميرا دخلت جري وسليم وراها وسليم لقاه بيحاول يقعد جري عليه بذهول ساعده وقال.... انت مچنون يا ابني.... الدكتور قال ترتاح يلا نام دلوقتي وبعدين قول اللي تحبه
سليم كان بيحاول ينيمه بس ادهم دفعه وقال پغضب.... اطلع يا سليم.... اطلع واقفل الباب ... عايز اكلمها شويه
سليم خاف جدا عليه وقال.... تمام.... هتتكلم معاها اكيد ...بس دلوقتي ارتاح ....تمام ....اهدى ارجوك
بس ادهم قال باصرار ...لا لا اطلع دلوقت ....عايزه اتكلم معاها... سيبنا لوحدنا.... بقول لك اطلع
سليم شاف انه مصر وما كانش عايزه يتكلم كتير قال بسرعه ....طيب.... طيب تمام ...اهدى هخرج ....حاضر هخرج
وبص لميرا بتحذير وطلع بتوتر شديد
بره كان نادر بيحاول يسكت هدى ومشاعر كمان قالت.... خلاص بقى ياماما... ادهم انسان كويس وربنا هيقف معاه.... وكلها شويه وهناخده معانا واحنا مروحين..... ولو على الكسر ده مش مشكله ياما ناس اتكسرت
هدى هزت راسها بحزن وطبطبت عليها وقالت..... انتي كنتي فين يا بنتي
نادر قال ....مش وقته يا هدى....في البيت نتكلم في كل حاجه .....حمد لله على سلامتها على اي حال
مشاعر ابتسمت وشافت سليم طالع من الاوضه قالت بتوتر... عن اذنكم
و راحت له وقالت ....ايه اللي حصل بالظبط ....هو عايز ميرا ليه...و مين البنت التانيه دي.... وليه مشيت كده
سليم قال بتعب..... البنت التانيه دي واحده ادهم بيحبها ...و مش عارف مشيت ليه .....ربنا يستر حالة ادم ما تطمنش ابدا
مشاعر قالت
بقلق.... ليه .....هو مش الدكتور طمنا ولا قال لك حاجه جديده
سليم قال بسرعه ...لا ما اقصدش كده ....قصدي ان في بينه وبينهم مشكله كبيره.... في حاجه مش فاهمينها ....انا اول مره اشوف ادهم بالحاله دي تقريبا الزفت طلقته عامله بلوه ...والظاهر اني عرفت عملت ايه ... لو مخابش ظني تبقى لعبت بينا كلنا ....وابقى انا اغبى بخلق الله ....ويمكن اكون السبب في كل ده
مشاعر ما كانتش فاهمه حاجه ابدا ولسه هتساله اتصدموا بدخول حازم اللي قرب على نادر وهدى وقال....حمد الله على سلامته يا نادر .....انا لسه حالا عرفت والله
بقلم...زهرة الربيع
نادر قال بضيق..... الله يسلمك يا حازم
حازم الټفت لسليم ومشاعر وقرب منهم وقال بسخريه .....اها اخيرا شفنا الجميله الهربانه.... لا بصراحه معاك حق يا سليم حاجه تستاهل
سليم نفخ پغضب وضيق وحازم بص له وقال.... هي مش مراتك كانت هربانه.... ولا انا بتهيا لي
سليم قال پخنقه.... مش وقته خالص دلوقت.... انا على اخري هنبقى نتكلم في الموضوع ده بس نطمن على اخويا الاول
حازم بصله پغضب وتحدي وقال.... احنا هنطمن على اخوك الاول ...بس مش هنتكلم في حاجه تاني.... انت خلاص المره دي اتخطيت كل حدودك...و ملكش اي حق تتكلم... القرار بقى في ايدي ومبقاش عندك فرصه للاعتراض
سليم اتوتر من كلامه ولسه هيرد مشاعر قالت پغضب شديد وانفعال....فيه ايه.... ما قال لك مش وقته... الراجل اخوه تعبان جوه ولا هو اي رغي وخلاص .....صحيح حرامي وعينه بجحه
حازم اټصدم بكلامها وسليم حاول يسكتها وقال.... مشاعر
بس مشاعر قالت پغضب ..... مشاعر مش هتسكت... استنى انت
و بصت لحازم وقالت پغضب اشد.... انت مش مكسوف من نفسك.... واخد حق مش ليك بالدراع وبتساوم عليه ببنتك يعني مش كفايه انت رخيص كمان بترخصها زيك....بتقدملو شركته مهر لما يتجوز بنتك يا ابو العروسه ....اهي دي الجوازات ولا بلاش ....شوف لنا عروسه تانيه عندك وكده تبقى جبرت
حازم اتسعت عينيه بذهول شديد وووووو
وسيطرت_المشاعر
الثالث_والعشرون
روايات_زهرة_الربيع
مشاعر_وسليم
مشاعر ټضرب ولا تبالي ....ياترى ايه اللي هيحصل والمواجهه بين ادهم وميرا هتبقى ازاي ..وحازم هيعمل ايه بعد اللي حصل ده ...اللي جاي دماااار يلا بقى عايزه تفاعل جامد احنا اتفقنا ان اقل بارت يوصل الفين لايك علشان ينزل اللي بعده ..حبايبي كل ما الصفحه تكبر لازم تحتاج تفاعل اقوى والا الفيس بيحجبها انا لو عليا متفرقش معايا بس الصفحه اللي تعبنا فيها متوقعهاش لو البارت مكملش الفين هضطر منزلش اللي بعده واستنى الرتش بتاعه يرفع...يلا بقى انتو قدها
