اسكرييت كوني انتي بقلم منة سلطان

وقت ما صحيت وقبل ما اطلع على الشارع الرئيسي قابلتني هالة صاحبتي اللي أول ما شافتني ابتسمتلي بإشراقة وقالت
_صباح الخير يا حلو!
حاولت أغصب إبتسامة أبادلها بيها وأنا برد بهدوء
_صباح النور يا هالة إزيك عاملة إيه!
ردت وهي بتتعمق في ملامحي بنظراتها
_من ناحيتي يا ستي فأنا تمام الحمد لله وعال العال من ناحيتك أنت بقى فمش واضح انك كويسة خالص.
وبصعوبة تمالكت نفسي ورديت بإختصار
_بس أنا كويسة. !
_عايزة تقنعيني إن ده شكل واحدة كويسة لا وكمان رايحة تعمل انترفيو في الشركة اللي بتحلم تشتغل فيها
_ايوة عادي شيلي بس أنت الأفكار دي من دماغك.
خلصت وكنت على استعداد إني أمشي تماما من قصادها بسبب إني حرفيا مش حمل أي كلام تاني مع حد حاليا بس هي وقفتني بسرعة وهي بتبصلي بعصبية وبتقول
_طب اضحكي يا ستي كده خلي الشمس تطلع والدنيا تنور بإبتسامتك الحلوة.
خلصت كلامها بإبتسامة لطيفة مصحوبة بطريقتها العفوية في الكلام وده خلاني إبتسم بسخرية قبل ما أرد اجاوبها
_مبقتش أصدق كلامك ده دلوقتي يا هالة إحنا دلوقتي كبرنا فحاولي تشيلي كل الشفقة من كلامك بقى.
هالة رجعت لورا پصدمة وهي بتبصلي بذهول
_شفقة!! أنا بشفق عليكي يا تبارك!
رديت بهدوء وبإبتسامة بسيطة أحسد عليها
_ايوة يا هالة بشفقي عليا! أومال بتسمي كل اللي بتعمليه معايا ده ايه! بتسمي عطفك وحبك ده ليا ايه أن مكنش شفقة يا هالة!.
ردت هالة عليا پألم واضح في نبرة صوتها وعلى ملامحها
_أنت قولتيها يا تبارك...حب وشتان بين الحاجتين يا صاحبتي .
واجهتها پألم أكبر وأنا حاسة بنسبة كره فظيعة من عيون الناس كلها متوجهة ناحيتي
_ده بيتهيألك أنت شخص جميل عشان كده بتشفقي عليا هالة أنت تعرفي أنك الشخص الوحيد اللي أنا بصعب عليه في حياتي كلها يعني بعيدا عن أهلي اللي مبيحبونيش كمان الناس اللي حوالينا دول حتى مبيحسوش بالحب ولا بأي شفقة ناحيتي عشان كده أنا بقولك اللي أنت بتعمليه معايا ده لا يمكن يكون حب...ده اسمه شفقة.
هزت هالة رأسها بحزن قبل ما تجاوبني بكسرة
_والله شكرا يا تبارك على نظرتك دي مش عارفة أقولك إيه !.
حسيت بالندم بسبب تسرعي واني سبت كل الناس اللي بټجرح فيا وملاقتش غيرها هي أجر حها بالكلام..
_هالة...أنا مقصدش حاجة أنا بس...
سكتت وأنا مش عارفة المفروض أبرر ايه بالظبط وده لأني عارفة إن مفيش حاجة تبرر غلطي فلما يئست قولت
_أنا آسفة.
ولأول مرة هالة تتجنب تكلمني فبعدت عني وهي بتقول
_مش وقته دلوقتي يا تبارك خلينا فيكي أنت يدوب تلحقي عشان متأخرة فمش محتاجين تأخير أكتر من كده يلا بينا.
مشيت وراها لحد ما وصلت لعربيتها وركبتها بصمت ساد الأجواء وده عكس العادي تماما وعكس هالة اللي پتكره الصمت والوحدة وده عكسي طبعا بس الظاهر كده إن كلامي تأثيره أشد مما كنت أتخيل!!.
_دي