قصة حقيقية بقلم جمال الحفني

على الحمل عشان ميكملش 
كمان من الحاجات التانية اللي لا يمكن أنساها لما كنت حامل بابني في الشهر الرابع وقتها جوزي رجع البيت وحصلت خناقة كبيرة بينا كانت هتوصل للضړب فقولتله طب ابني اللي في بطني هيتإذي قالي مش عايزك لا انتي ولا ابنك وفي نفس اللحظة حسيتي بسخونية رهيبة في جسمي وتكسير مش طبيعي وفجأة صوتي اتغير بقى صوت راجل كلم جوزي وقاله لو حصلها حاجه كلكوا هتموتوا هنا ورميته بإيدي مسافة أكتر من متر وقع على الأرض ورحت المطبخ جري وأنا مش متحكمة في جسمي ولا في قوتي اللي اتغيرت مسكت أنبوبة البوتاجاز التقيلة بإيد واحدة رفعتها وهددت جوزي إنه لو عمل حاجه تاني مصيره هيكون المۏت وفي خلال الحالة الهستيرية دي اللي أنا فيها وقعت وأغمى عليا 
صحيت من النوم بعد تلات أيام لقيت نفسي في بيت أبويا وأنا مش عارفة جيت هنا إزاي
لكن اللي فاكراه خلال نومي إني كنت بمشي في القرية بملابس البيت بتاعتي وفجأة ظهر قدامي جيش كبير من الجيوش القديمة اللي بشوفها في التليفزيون الجيش كان عبارة عن تلات فرق وكل فرقة ليها قائد 
قائد منهم وكان أبشعهم منظر وهيئة سمعته بيقول للفرقة بتاعته لازم تترمي في الترعة وټموت فيها زي ما هو مطلوب مننا 
لكن قائد تاني عارض رأيه وكان وسيم شويه سمعته بيقول لا لازم نرجعهاله زي ما احنا مأمورين 
أما القائد الأخير قال احنا نرجعها بيت أبوها 
لما فوقت أبويا قالي إنه لقاني قدام البيت من تلات أيام وجابلي شيوخ وعرفت إن الناس اللي أنا عايشه وسطيهم عاملين لي أعمال كتير وحياتي داخلة في بعضها بين أعمال وجن عاشق وكوابيس وتعب نفسي وجسدي ناس كتير اټأذت بسببي لإنهم أذوني الجن اللي معايا كان بيإذيهم أذى غير طبيعي أحيانا كنت بحس بالذنب وأحيانا لا لكن إحساسي بالذنب كان هو المسيطر عليا حصلت حاجات كتير كمان بعدها مش عارفة إذا كان ينفع أقولها ولالا
الجزء الثاني 
قصة حقيقية
لو حصلت معاك حاجه مشابهة أو قصة حابب تشاركها معانا ابعتهالي في رسالة
شير للدعم 
لو خلصت قراءة اكتب تم واضغط متابعة عشان توصلك التكملة وكل جديد
جمال الحفني