جوازة اعز أصحابي
أنا كمان بقلق عليهم جداً وشايف إنهم يستاهلوا طفولة سعيدة ومستقرة وأمان.
أنا زعلان جداً إن البنت مش بنتي. كان نفسي تكون بنتي أكتر من أي حاجة في الدنيا. بس لسبب ما، حاسس إن صعب عليا أزعل من مراتي. أنا خونت مراتي الأولى معاها، فدي تعتبر كارما وتخليص حق بشكل ما. وبسأل نفسي أنت كنت متوقع إيه يعني وعلاقتنا أصلاً بادئة بالشكل ده!
زائد كمان إن في جزء جوايا فاهم إنها إنسانة متدمرة نفسياً زيي بالظبط.
مش عايز أدخل في تفاصيل كتير، بس إحنا الاتنين عشنا مآسي شبه بعض وإحنا صغيرين وده اللي قربنا من بعض.
محدش فينا عالج المشاكل دي، بس أنا كنت فاكر إني كويس لأني اتربيت في مستوى أحسن منها، فدايماً كان عندي فرص أكتر. وكنت فاكر إني طالما مش بفكر في الموضوع كتير يبقى أنا كده تمام. بس هي كانت بتفكر في اللي حصلها طول الوقت ومكانتش كويسة.
طليقتي دي ست عظيمة وتستاهل إنها تكون مبسوطة.
أنا بعتلها إيميل وطلعت كل اللي في قلبي وقولتلها قد إيه أنا ندمان وآسف إني جرحتها. وإن أنا مستعد أخلع قلبي وأديهولها لو ده هيساعدها تخفف من ۏجع القلب اللي سببتهولها. قولت في الإيميل إني مش مستني منها رد وإني عمري ما هحاول أتواصل معاها تاني بعد كده.
هي تواصلت مع أخويا كذا مرة عشان تطمن عليا، وكلمتني مرتين واتكلمنا لساعات عن كل حاجة. وهي مبسوطة جداً وحياتها كويسة. وأنا فخور بيها وهي تستاهل السعادة.
أنا محظوظ جداً بالسنين اللي عشتها معاها، بس دلوقتي جه الوقت إني أتقبل إني عكيت الدنيا وأحاول أعمل اللي أقدر عليه عشان أبقى أحسن في اللي جاي. مظنش إني هكلمها تاني أبداً، بس هكون مبسوط جداً لو هي اللي حاولت تتواصل معايا في أي وقت. الموضوع لسه بيوجع شوية، بس أنا فاهم دلوقتي إن الباب ده اتقفل تماماً.
الباب مع صاحبي اتقفل هو كمان. متكلمناش وغالباً عمرنا ما هنتكلم، بس عادي مفيش مشكلة.
عرفت من صحاب تانيين إنه كان طول عمره بيحب طليقتي، وإنه هو اللي أقنعها تعزل وتروح تعيش في المكان اللي هما فيه دلوقتي بعد طلاقنا. أظن إن معرفتي للموضوع ده ريحتني، لأن السيناريوهات اللي كنت راسمها في دماغي كانت أسوأ بكتير. ودلوقتي فهمت كمان ليه محدش كان عايز يقولي.
أنا وأخويا رجعنا قريبين جداً من بعض تاني، وده مضايق مراته شوية. مش عارف كنت هبقى فين دلوقتي من غيره. عزمناهم عندنا في الويك إند، وفي لحظة أنا ومراته كنا لوحدنا في الأوضة لدقايق اعتذرتلها، ابتسمت وطبطبت عليا وقالتلي إني غبي، بس هي عارفة إني بحاول أصلح من نفسي.
عندي كمان اتنين صحاب جدعان جداً وقفوا جنبي في كل حاجة، رغم إنهم كانوا واضحين من البداية إنهم مش موافقين على تصرفاتي. وكل دول ناس كويسة كتير عليا ومستاهلهمش.
علاقتي بأبويا وأمي مش في أحسن حالاتها دلوقتي. هما الاتنين زعلانين مني جداً لأن أخويا واجههم بالكلام اللي حكيتهوله عن اللي حصلي وأنا صغير.
هما حاسين إنه بيلومهم وإنهم عملوا أقصى حاجة يقدروا عليها عشاني. وأظن إنهم محرجين جداً كمان. أنا متفهم ده ومش بلومهم أوي، مظنش إنهم كانوا عارفين المفروض يعملوا إيه. بس أنا كمان مش هعتذرلهم، ولحد ما أعمل كده، هما مش حابين يتواجدوا معايا.
مش متأكد إن ده التحديث اللي الناس كانت مستنية تقراه، بس ده كل اللي عندي.
حياتي لسه متشعلقة في الهوا، ويمكن كمان متكعبلة على الآخر. بس أنا بعمل أقصى ما عندي عشان أصلحها وأصلح بعض الچروح اللي سببتها لغيري.
أنا بنصح أي حد بالعلاج النفسي زي ما كل الناس نصحتني بيه، بس أحب أحذر وأقول إنه محتاج صراحة شديدة عشان ينجح، وساعات الصراحة دي بتفتح چروح قديمة. بس دي زي الچروح اللي لازم تنضفها وتعالجها عشان تخف، وده هيوجعك بس مظنش إن في أي طريقة تانية تساعد.
