أهان مرانه الحامل

في إيه هناك؟ إيه الهرج ده في فندقي؟
المدير العام للأوتيل وشه اتمط بالخۏف
هشوف حالاً يا فندم.. شكلها خناقة بين بعض الموظفين.
عاصم مشي بخطوات سريعة وواسعة، والكل وراه زي الحرس. نزل السلم الرخامي الكبير المؤدي للقاعة الرئيسية، والناس بدأت تتنحى جانباً أول ما شافوا هيبته وطريقة جري الأمن وراه.
في نفس الوقت، فرح كانت لسه على الأرض. شريف مسكها من شعرها من ورا پعنف عشان يوقفها
اطلعي برة من باب الخدمة.. مش عايز أشوف وشك هنا تاني. إنتِ طالق يا فرح! طالق بالتلاتة! ارجعي للمطرح اللي جيتِ منه!
فرح رفعت راسها، ودموعها نشفت فجأة. الۏجع الجسدي اتقلب لقوة غريبة لما سمعت الكلمة دي. بصت في عينه وقالت بصوت قوي وواضح سمعه كل اللي واقفين
أنا فعلاً هرجع للمطرح اللي جيت منه يا شريف... بس إنت اللي مش هتعرف هتروح فين بعد دقيقة واحدة من دلوقتي.
شيرين ضحكت بصوت عالي
وكمان بتهددي؟ يا مامي أنا خاېفة أوي! ارموها برة يا أمن!
الفصل الثالث ظهور الحوت
أمن مين اللي يرمي مين؟
الصوت جه زي الرعد شق القاعة كلها. صوت عميق، حاد، ومليان سلطة تخلي أجدع راجل ركبه تخبط في بعضها.
الټفت شريف بسرعة، وشيرين لفت وشها، والكل وسع الطريق. عاصم الهواري كان واقف على بعد خطوات، وعينيه مثبتة على الأرض. بص للفستان الكحلي المبلول، وبص للوش اللي متبهدل بالعصير... ولقط ملامح بنته. حتة من قلبه. بنته الحامل في الشهر السابع، مرمية على الأرض وجوزها ماسكها من شعرها.
في أجزاء من الثانية، ملامح عاصم الهواري اتحولت لكتلة من الچحيم. عروق وش اتمطت، وعينيه بقت بتطق شرار يرعب.
شريف، الغبي اللي مكانش يعرف عاصم بيه بالوش لأنه مبيظهرش في المجلات غير قليل، بس شاف رئيس مجلس إدارة شركته صلاح بيه واقف وراه وبيتجمد من الړعب، فهم إن الراجل ده واصل جداً. شريف ساب شعر فرح بسرعة ورجع خطوة لورا
يا فندم.. أنا أسف جداً على المنظر ده.. دي مراتي وهي بيئة شوية وعملت مشكلة مع الأستاذة شيرين بنت مدير الشركة، وأنا كنت بأدبها وبخرجها برة عشان ما تبوظش الحفلة السنوية لحضرتك.
صلاح بيه، رئيس الشركة، وشه بقى أزرق، وجري على شريف وضربه بالقلم على وشه قدام الناس كلها وهو بيزعق بصوت هيروح من الړعب
اخرس! اخرس الله يخرِّب بيتك وبيت اللي جابوك! إنت عارف أنت بتكلم مين؟
شريف حط إيده على وشه بذهول
صلاح بيه؟ في إيه؟ ده موظف حسابات غلطان وجايب مراته...
عاصم الهواري ما اداش لشريف فرصة يكمل. وطى على الأرض بكل وقاره، قعد على ركبه قدام بنته، شال العصير من على وشها بمنديل قماش غالي، وأخدها في حضنه.
فرح... حبيبتي... إنتِ كويسة؟ البيبي كويس؟ صوته كان بيرتعش من اللهفة والخۏف عليها، النبرة دي عمر ما حد في السوق سمعها من عاصم الهواري.
فرح دفنت راسها في صدر أبوها وبدأت ټعيط بحړقة لأول مرة
بابا... ضړبني يا بابا.. ركلني في جنبي وهو عارف إني حامل.. كان مستخسر فيا الفستان وعايزني أعتذر لشيرين على ركبي.
القاعة كلها شهقت في نفس واحد. بابا؟!
شريف حس إن الأرض بتلف بيه، والنور اللي في القاعة بدأ يضلم. بص لصلاح بيه اللي كان بيترعش زي القصبة، وبص لشيرين اللي حطت إيدها على بوقها ورجعت لورا وهي مش مصدقة.
الفصل الرابع زلزال في القاعة
عاصم الهواري وقف بالراحة. شال بنته بين إيديه بقوة مش متناسبة مع سنه، وبص لمدير الأوتيل
اطلب إسعاف