أهان مرانه الحامل

خاص وطاقم طبي كامل للجناح الملكي فوق حالاً! لو بنتي أو حفيدتي حصلهم حاجة، أنا هقفل المستشفيات اللي في البلد كلها!
المدير جرى وهو پيصرخ في اللاسلكي.
عاصم سلم بنته للأخصائية الطبية اللي دايماً مرافقة للحفلات، والټفت ببطء شديد لشريف. نظرة عاصم كانت كفيلة بإنها تدبح.
إنت بقى شريف فتحي؟ الموظف الصغير اللي بنتي تنازلت وعاشت معاه في شقة إيجار عشان فاكرة إنه راجل؟ عاصم قالها بصوت هادي، والهدوء ده كان مرعب أكتر من أي زعيق.
شريف ركبه خانته ووقع على الرخام فعلياً، وبدأ يتلعثم
عاصم بيه... أنا... أنا مكانش عندي فكرة... فرح قالت لي إن عيلتها... أنا كنت فاكر...
كنت فاكر إنها مقطوعة من شجرة فتقدر تدوس عليها؟ عاصم قاطعه بخبطة رجله على الأرض. كنت مستخسر فيها فستان؟ وبتطردها من فندقي؟ وبتركلها في جنبها قدام الناس عشان ترضي بنت مديرك؟
الټفت عاصم لصلاح بيه، رئيس الشركة
صلاح! الشركة دي أنا بملك 80 من أسهمها من خلال مجموعتي الاستثمارية. من اللحظة دي، شريف فتحي مش بس مطرود... شريف فتحي يتمنع من دخول أي شركة مقاولات أو حسابات في مصر. والمدير الإقليمي، والد الأستاذة شيرين اللي واقفة تتباها بفساتينها، يتشال من منصبه ويتحول للتحقيق في ميزانية السنة اللي فاتت، وأنا عارف إن فيه عجز هيوديه في داهية.
شيرين بدأت ټعيط وتصرخ
يا فندم أنا ماليش ذنب! شريف هو اللي كان بيلف ورايا وهو اللي قالي إن مراته...
خدوها برة! عاصم زعق للأمن.
أمن الفندق هجموا على شيرين وشدوها من دراعاتها ورموها برة الفندق بالكامل بفستانها الأحمر وسط نظرات الشماتة من زمايلها.
بص عاصم لشريف اللي كان بيعيط ويمسح جززمة عاصم
عاصم بيه أرجوك! أنا كلب.. أنا غلطان.. ارحمني ومستقبلي ما يضيعش! فرح بتحبني وهي هتسامحني!
عاصم زق إيده برجله باحتقار
مستقبل مين يا روح أمك؟ إنت مش هتشوف الشارع تاني. يا صلاح! بلّغ النيابة فوراً بمحضر شروع في قتل عمد مع سبق الإصرار، والاعتداء على سيدة حامل وتسبب في إجهاض محتمل. والبوليس ياخده من هنا بالكلبشات ببدلته دي!
الفصل الخامس في الجناح الملكي والانتظار المرير
طلع عاصم الجناح الملكي جري. كانت فرح نايمة على السرير الضخم، والدكاترة مركبين لها محاليل وأجهزة لمتابعة نبض الجنين. عاصم كان قاعد جنبها، ماسك إيدها ويدعي ربنا.
بعد ساعة من القلق اللي كان كفيل يهد جبال، خرج الطبيب وهو بيطمنه
الحمد لله يا عاصم بيه.. الكشف أظهر إن الركلة جت في العضلات الجانبية وموصلتش للمشيمة مباشرة بفضل إن المدام كانت حاطة إيدها كدرع. الجنين نبضه مستقر، بس المدام محتاجة راحة تامة لمدة أسبوعين ومفيش أي حركة أو توتر.
عاصم أخد نفس عميق وباس راس بنته
الحمد لله.. الحمد لله يا رب.
فرح فتحت عينيها وبصت لأبوها بكسرة
أنا آسفة يا بابا.. مكانش عندي حق لما مسمعتش كلامك من الأول وعشت في الوهم ده.
شششش.. متقوليش كده يا فرح. إنتِ بنتي، نقية وكنتِ بتدوري على الحب الحقيقي. العيب مش فيكي، العيب في النفوس المړيضة اللي زي شريف. بس خلاص.. الکابوس ده انتهى، وحقك هيتحفر في لحمه.
الفصل السادس خلف القضبان.. السقوط في القاع
شريف لقى نفسه في ليلة واحدة من قاعة فندق 5 نجوم لزنزانة حجز تابعة لقسم الشرطة. البدلة الغالية اتمزقت من شد العساكر ليه، وساعته اتقفلت في الأمانات. قعد في ركن الزنزانة والدموع مش بتوقف. كل طموحه، كل خططه النرجسية عشان يبقى شريك ويقرب من الأغنياء، اتهدت فوق