توبة عاشق بقلم أسامة الهواري حصريا على موقع ايام

توبة عاشق 
انا وانت مش هينفع نكمل مع بعض 
ودي الجملة اللي قالتها توبة ل عاشق ورد عليها وقال 
طيب وعدك ليا فين وكلام الحب برده راح فين واني بقيت اهم واحد في حياتك وان حياتك مش هتكمل غير بيا كل ده كان كدب
توبة اتكلمت بهدوء وقالت 
والله زي ما انا استفدت انت كمان استفدت انا الرساله بتاعتي نجحت وسمعت وانت بقيت حد تاني على الاقل بقيت بني ادم
عاشق اتكلم بنبره كلها حزن وۏجع وقال
معاكي حق يا دكتوره انا فعلا بقيت بني ادم بس بني ادم تاني بني ادم مش هيعرف غير الحقد والكره وبس... اوعدك يا توبة قصدي يا دكتورة توبة اوعدك إني همحيكي من حياتي وللابد
توبة 
الزيارة خلصت يا عاشق وياريت تتفضل تمشي انا معايا مستشفى الصبح بدري
عاشق 
حاضر يا دكتوره همشي بس لسة بدري قوي على نزول الستارة وحياة كل كلمة حب حلوة قلتهالك هندمك وحياه ۏجع قلبي وناره هتندمي يا دكتورة.... و التمثيلية ابلي انتي عملتيها هتدفعي تمنها غالي اوي
توبة 
او لو سمحت اتفضل امشي كفايه فضايح إني ايه مش بتفهم قلتلك مش عايزاك مش عايزاك
حكايتنا لما كانت بنت جميله اسمها توبة عندها 28 سنه وهي بتعدي الشارع بتيجي عربيه بتمشي بسرعه رهيبه وكانت هتخبطها في الوقت ده توبه اتعصبت واتكلمت بصوت عالي وقالت
ما تفتح يا عم ولا انت عشان معاك عربيه هتمشي تدوس بها على خلق الله
العربيه بتوقف بينزل منها شاب اسمه عاشق عنده 35 سنة اول ما اقرب منها اتكلم معاها بصوت كله ڠضب وقالها
انتي مش عارفه انا مين ولا ابن مين عشان تشتميني
توبة 
هو انا كل ما اتكلم مع واحد يقولي مش عارفه انا ابن مين هتكون ابن مين يعني اكيد ابن واحد ما عرفش يربي ابنه ومخليه ماشي كده يخبط في خلق الله
عاشق 
انت عارفه لولا ما انا مستعجل كنت عملت فيك ايه
توبة 
انا بقى عايزة اعرف انت ممكن تعمل فيا ايه وريني بقى ما هو اللي زيك انا ممكن اتوقع منه اي حاجه حتى لو هيمد يده واحده
عاشق 
انا هعرف ازاي اخليك تحترمي نفسك وادفعك تمنك همجيتك دي ولسانك الطويل
توبة 
طيب ما تنساش بقى تبقى تبعت الفاتوره على البيت عشان دلوقتي مش معايا فلوس احاسب بس اهم حاجه يكون التمن معقول ولا اقولك اكيد التمن هيكون رخيص
في الوقت ده بيكون معدي ظابط وراكب العربيه بتاعته واول ما بينزل منها بيتكلم وبيقول
عاشق بيه ازي حضرتك معاك اي مشكلة ولا حاجة
عاشق بس للظابط واتكلم معاه وقاله
مشكله بسيطه بس هعرف ازاي احلها اتفضل انت يا حضره الظابط ولو احتاجت اي حاجه هبقى اتصل بيك
الظابط 
تحت امرك يا عاشق بيه ويا ريت تبقى تسلم لنا على سياده الوزير ...
واول ما بيمشي الظابط عاشق بيبص لتوبه من تحت لفوق وبيقولها
اظن انتي عرفتي انا ابقى مين وابن مين
توبه بلعت ريقها واتكلمت بتوتر وقالت
هو اللي انا سمعته ده بجد الظابط بيقولك سلملنا على سياده الوزير
عاشق 
اهو سياده الوزير ده يبقى بابا والتليفون صغير مني اقدر اعملك واحطك على شريط الذكريات وارميكي جنب اي رصيف لغايه ما يبان ليكي اهل
توبة 
لا انت ولا ابوك تفرق معايا واعلي ما في خيلك اركبه يا ابن الوزير
عاشق 
تمام يبقي أنتي اللي جبتيه لروحك... وبعدها بيركب عاشق العربية بتاعته ويمشءغ
في اليوم التاني في فيلا الوزير جابر اللي كان واقف مع ابنه وعاشق واتكلم معاه بصوت كله توعد وقاله
وانا قلت من بكره يعني من بكره هتروح المصحه وتتعالج
عاشق 
يا بابا حرام
عليك