توبة عاشق بقلم أسامة الهواري حصريا على موقع ايام

هعتبر نفسي ما سمعتش اي حاجه بس اللي حصل ده لو تكرر انا مش هضمن رد فعلي هيكون
عاشق 
انتي ليه مش عايزه تفهميني انا مش قادر اقعد تاني في المصحه هنا انا اتخنقت من اول يوم
توبة 
انت كنت السبب في انك توصل نفسك للمرحله دي وانت الوحيد اللي تقدر تخرج نفسك منها على الاقل هتقدر ترجع بني ادم تاني
عاشق اول ما اسمع كلامها تعصب منها جامد وقرب منها وشدها من ايدها وقالها
انا بني ادم ڠصب عنك وكلمه تانيه هتشوفي تصرفي معاكي هيكون عامل ازاي
توبة 
همجيتك دي واللي انت عملته دلوقتي ده اكبر دليل ان انت مش بني ادم وانا ممكن اتعمل بنفس اسلوبك ده معاك بس انا مش هنزل نفس لمستواك..... اتفضل عشان نبدا اول جلسه
عاشق وقف لحظه وبصي في عيون توبه واللي كانت بتسحره من نظرة وقف مصډوم قدامها ومن جمالها الكلام وقف على لسانه اما توبه فبصت ليه بغرابه واتكلمت وقالت
هو انت هتفضل باصص لعيوني كده كتير هبقى اديلك صوره منهم
عاشق أتوتر وقال
ومين قالك ان انا باصص لعيونك انا كنت سرحان في حاجه الموضوع بعيد عنك خالص...
توبة 
طيب بلاش تركز في عينيا عشان هتتعبك ..
حوالي شهر وفي الشهر ده كان عاشق بدأ يتعلق بتوبة وفي يوم من الايام بتيجي زياره لعاشق من اصحابه ياسر ومصطفى واللي قعدوا تكلموا معاه وقال ياسر 
بقى معقول يا عاشق قلت يومين ويجي ليك شهر هنا حتى ما سألتش بالتليفون
عاشق 
هنا كل حاجة ممنوعة وكل حاجة بمعاد الاكل بمعاد والنوم بمعاد والصحيان بمعاد يعني تقدر تقول ان انا عايش هنا في جيش
ياسر 
وانت ايه اللي يجبرك على كده يا صاحبي ده انت بتليفون صغير منك تقدر تخرج من هنا...
مصطفي
بقا حد يسيب النعنشه والفرفشه ويجي يعيش هنا وسط المرضى والدكاتره دي ريحه المصحه ما تطاقش
ياسر 
المهم انا جايبلك حته اصطباحه ما حصلتش الصنف ده جديد اسمه ما لوش اسم
عاشق 
ايوه يعني اسمه ايه
ياسر 
يا بني اسمه ما لوش اسم
مصطفي 
ايوه بالظبط زي ما قالك كده اسمه وما لوش اسم اصل الصنف ده لقيط
عاشق 
طيب هاتها بقى عشان اخبيها في مكان امين عشان توبه ممكن تشوفها
مصطفي 
هو انت بتحلف توبه على ايه هو انت ناوي تتوب عن الصنف
عاشق 
يا سيدي الدكتوره اللي ماسك العلاج بتاعي ومتولياني اسمها توبه
مصطفى 
مش دي اللي غنالها عبدالحليم حافظ توبة ان كنت احبك تاني توبه
عاشق 
توبه لو كنت قعدت معاكم تاني قوم انت وهو امشي يلا قوم صدعتوني...
اما توبه فكانت واقفة من بعيد وسامعة كل حاجة وقربت من عاشق واتكلمت معاه بكل هدوء وقالتله
هتجيب اللي معاك ولا اتصل بالامن يطلعوها منك ويبقى شكلك مش كويس... ولا اقول لك انا ممكن اتصل بسياده الوزير هو يشوف شغله معاك كويس وجوز المساطير اللي قولك هنا دلوقتي انا ممكن اخلي الامن يوقفهم بره وانت عارف بقى الباقي هتجيب ولا اجيب انا الامن
عاشق بدون اي تفكير حط ايده في جيبه وطلع اللي معاه وقالها
اتفضلي ربنا ما يحكمك عليا تاني اتهدي بقى يا شيخه اتهدي مش عارفه اتنفس
ابتسمت توبه بخجل وقالت
بكره هتعرف قيمه اللي انا بعمله يلا عشان نكمل باقي العلاج
عاشق 
هو مش المفروض ان النهارده اجازه وانا مش هاخد اي جلسات تاني
توبة 
بالظبط كده بس عقاپا ليك وعن اللي كنت هتعمله هيبقى في جلسات النهارده ومش هتاخد اجازه لمده شهر
بعد حوالي شهر كانت داخله الدكتوره توبة عشان تبدأ جلسات مع عاشق لكن بتتفاجئ ان نور الاوضه مطفي واول
ما جت تولع النور كان