توبة عاشق بقلم أسامة الهواري حصريا على موقع ايام

وقال 
وجودي دلوقتي بقا فضايح ليكي مش كنتي بتقولي انك هتبقي فخورة بيا... دلوقتي مش عايزاني طيب ليه... ليه بتطلعيني سابع سما وتخليني احلم واحلم واحلم وفي الاخر الاقي نفسي في سابع ارض ليه بتديني حاجه ما كانتش موجوده في حياتي ولما احبها بتاخديها مني .... ودلوقتي بتقولي ان انا بقيت بني ادم او عملتي مني بني ادم بس انا ما كنتش عاوز ابقى كده مكنتش عايز ابقي ضعيف كنت مدمن بس كنت قوي كان قلبي بايدي محدش يقدر يتحكم فيه لغايه ما ظهرتي في حياتي وبقيتي كل حياتي وخدتي عقلي وقلبي والنتيجه زي ما انتي شايفة واقف قدامك مهزوز هش ... عاشق اللي كان قلبه زي الحجر دلوقتي دموعه نازله على خدوده ولا المطر
بترد عليه توبه وبتقوله
امشي يا عاشق لو سمحت
عاشق بيبص للناس اللي موجوده في الحفله وبيقول
انا همشي بس قبل ما امشي لازم تسقفوا للبطلة اللي قدامكم سقفوا للنجمه اللي كانت بتمثل الحب ولا نجوم هوليود سقفوا لواحده قدرت تحول بني ادم من حجر لهش مش قادر حتى يدافع عن نفسه غير بالكلام... سقف انت هو سقف مستنيين ايه.... الستاره هتنزل يا فنانه والجمهور بتاعك هيسقفلك وانت هتنتصري وتحققي احلامك على حساب انسان كان كل ذنبه أنه حبك بس وحياة القلب اللي حبك ولا حب في الوجود قدك هرجع تاني عاشق اللي ما يعرف غير القسۏة ..
توبة بدموع وقالت 
كفاية بقا حرام عليك كفاية انت ايه مش فاكرلي اي حاجه حلوه عملتها عشانك
عاشق رد عليها بسخريه وقال
ازاي مش فاكرلك ده انا فاكر كل حاجه عملتيها عشاني فاكرلك اول كلمه بحبك وفاكرلك اول رساله مكتوب فيها لما تصحى ابقى طمني عليك عشان وحشتني وفاكر اول حد يقولي كل سنه وانت طيب في عيد ميلادي وفاكر وعد ورا وعد ورا وعد كان بيني وبينك وفي كل وعد كنت بتقسمي انك مش هتكوني غير ليا ... وكمان فاكر الرهان
توبة باستغراب 
رهان رهان أي 
عاشق 
اصل انا كنت متراهن عليكي انك عمرك ما هتخزليني الكل كان بيقول انك هتكسريني ومش هنكمل مع بعض بس انا قلت لا قلت لا وانا واثق وبقول لو الكل كسرني وخذلني توبة لا لو العالم كله وجعني توبة ولما الدنيا كانت بتضحكلي كنتي أنتي بتوجعيني في أغلي حاجه عندي... أنتي وجعتي قلبي يا توبة بس عارفة انتي معاكي حق انا اللي غبي ما انا برده ماكانش المفروض اصدق انك تحبيني اصل اللي زيي انا لا يحب ولا يتحب انا اخري كاس وسجارة وشويه ممنوعات وشلة فاشله كل همها في الحياه ان يومها هو يعدي والسلام..... ومره واحده پيصرخ عاشق ويقول
لييييه اشمعنى انا ما لقيتيش غيري انا تكسريني وما لقيتيش غير اكتر حد حبك وخاف عليكي ده انت الانسان الوحيد اللي كنت بحاول ارضيه انا ما كنتش عامل حساب لاي حد الا أنتي....
انا همشي يا عشق وذنبي مسامح فيه أما ذنب لو بيني وبينك الجنه مش هسامح فيه...
وبعد ما بيمشي عاشق كل اللي كان في الحفلة اتأثر من اللي شافه وكل اللي في الحفلة بيمشي إلا صاحبة عشق مريم واللي قربت منها وقالت 
ليه يا توبه تعملي فيه كده.... بجد حرام عليك انا ماكنتش متوقعه منك كدة.. انتي يا توبه تكسري انسان بالشكل ده
توبة ردت عليها بدموع وقالت 
لو سمحتي يا مريم
انا مش عايزه اي كلام في الموضوع ده الصفحه دي انا قطعتها من حياتي

خالص
مريم 
بسهوله كده ما فكرتيش في البني ادم ده ممكن يحصل له ايه حرام عليكي ده باين عليه انه فعلا بيحبك حاولي تلحقيه وتصلحي اي حاجه من اللي عملتيها
توبة 
انتي بتقولي ايه يا مريم انا ما صدقت اخلص منه تقولي الحقيه
مريم 
عاشق لو حصل له حاجه هيفضل ذنبه في رقبتك ليوم الدين اتحركي الحقيه
توبة 
قلت لا يبقي لا موضوع وانتهي
مريم پصدمة من كلامها 
يا خساره.... يا خساره يا توبه ما كنتش اعرف انك كده... انت ممكن تكوني نجحتي وكسبتي الماجستير بس خسړتي اكتر حد حبك...
بعد حوالي شهر عند توبه كان الباب بيخبط واول ما بتفتح بتلاقي صاحبتها مريم واللي اتكلمت معاها بصوت عالي وقالت
سمعتي باللي حصل
توبة 
اي اللي حصل بالظبط
مريم
عاشق اختفي بقاله اسبوع ومافيش حد يعرف هو فين البلد مقلوبة وكل المواقع الاخباريه ما فيش وراها اي خبر ولا سيره غير خبر اختفاء عاشق
توبة 
انت بتقولي ايه ده مستحيل يحصل اكيد راح هنا ولا هنا او يمكن سافر
مريم 
لو سافر اهله كانوا عرفوا وخصوصا ان باباه وزير وهيبقي بسهولة يعرفوا ان كان سافر بره البلد ولا لا
توبة اتكلمت بدموع وقالت 
انا حاسه ان انا السبب في اللي حصل انا مستحيل اسامح نفسي
مريم 
حاسة ... مش احساس دي فعلا حقيقة يا توبه واحد من اصحابه بيقول انه في الفتره الاخيره كان بيمر باكتئاب وكان بيحاول يخلص من حياته اكتر من مرة
توبة 
اللي انتي بتقوليه ده مستحيل فاهمة يعني اي عاشق مستحيل يفكر في الاڼتحار او يخلص من حياته انا عارفاه كويس قوي...
مريم 
انتي دكتوره وعارفه ان الاكتئاب ممكن يوصل لاي حاجه وكمان عارفه ان الشخص المكتئب بيحس الناس كلها وبيحاول باي طريقه يخلص من الاحساس ده حتى لو كانت الطريقه دي الاڼتحار
توبة 
انت بتخوفيني ليه قصدك يعني ممكن يكون عاشق اڼتحر
مريم 
انا مش بخۏفك ولا حاجه انا بعرفك ان الحاله اللي وصلها عاشق ممكن تخليه يعمل اي حاجه وحطي تحت اي حاجه دي الف خط
توبة 
انا هنزل ادور عليه بنفسي ومش هرجع غير بيه....
ونزلت توبه تدور على عاشق في كل مكان لكن للاسف ما فيش حد قدر يوصل لعاشق
بعد كام شهر كان في واحد فقد عقله وبيمشي في الشارع وبيقول
انا بقيت كويس يا توبه... وخلاص ناوي اتقدم ليكي... احنا هنتجوز يا توبه وهنخلف صبيان وبنات وتبقى حياتنا احسن حياه...
انتي فين يا توبه رحت فين مش كنا متفقين ان انا هبطل ايحاجه اشربها وهتوب على ايدك
ويبقى لينا قصه الناس كلها تقراها عنوانها توبه عاشق
ورا كل باب قصة وحكاية فيها اللي خلص وانتهي وفيها اللي لسة في البداية ولحد هنا وبتكون خلصت الحكايه