رحم حصريا على موقع ايام ( الهواري )
ميرنا وهي بتدخل عند جوزها المكتب
لاء بقى كده كتير يا عم ماجد.
ماجد بإبتسامة
ممكن أعرف أنا عملت إيه علشان المدام بتاعتي تتعصب.
ميرنا بغيظ طفولي
أنت جيت الشركة ليه قبل متصبح عليا
ماجد
أوه لاء فعلا أنا كده غلطت وبعتذر من زوجتي المصونة.
ميرنا
طيب أنا مش قابلة اعتذارك بقى اتصرف وصالحني.
ماجد وهو بيحاطها من وسها
إحنا بقالنا قد إيه متجوزين يا ميرنا
ميرنا
بقالنا خمس سنين ونص وخمس أيام وكام ساعة ليه
ماجد
تعرفي بقى إني من ساعة ما اتجوزتك وأنتي لسه نفس الإسلوب.
ميرنا
إسلوب ايه!
ماجد
طفولي إسلوب طفولي.
ميرنا وهي بتبعده وترفع إيدها الإتنين
نعم يا خويا إسلوب طفولي ليه إن شاء الله شايفني إيه قدامك يا عنيا
ماجد
ېخرب بيتك الشركة هتسمعنا وهتفضحينا قدام الناس.
ميرنا
متتفضح يا أخويا.
ماجد
اخص عليك يا قلبي ياللي حبيتها بقى يرضيك تشوفي سيرة جوزك على كل لسان بعد م كانوا بيخافوا مني
ميرنا وهي بتمسك الكرافتة بتاعه
بقولك إيه يا أخويا محڼ كلابي متعودة عليه زن العصافير ده إللي مش هيدخل دماغي وبعدين يعني أنت تغلط وأنا اسيبك واسامحك كمان! قال على رأي المثل سامح يا إبن أدم بس متفوتش ولا تسيب حقك.
ماجد بضحك
كل المشكلة والحوار ده علشان مصبحتش عليك قبل ما أمشي.
ميرنا بزعل
علشان كمان مفطرناش مع بعض يا ماجد وبعدين شايفني نايمة صحيني عادي مش صعبة.
ماجد
لقيتك نايمة براحة علشان كده مرضتش اصحيك وأقلقك وخصوصا إنك كنتي سهرانة معايا طول الليل.
ميرنا
أسهر الليالي علشانك وبعدين أنا كنت بساعدك في شغلك علشان اخفف عنك شوية وبعدين لو أنا مسهرتش وتعبت معاك مين يعمل كده
ماجد
أنتي أعظم زوجة فعلا ربنا يخليكي ليا تعالي يلا علشان أنا عازمك انهاردة وهنفطر ونتغدا مع بعض.
في المطعم كانوا قاعدين ويفطروا مع بعض ويتكلموا في حاجات كتير.
ماجد
صحيح يا ميرنا والدتك كانت في المستشفى وعاملة عملية في قلبها روحي وشوفيها يا ميرنا.
ميرنا بحزن
أنت عارف ماما عملت معايا إيه يا ماجد ماما مسابتنيش أعيش الحياة إللي نفسي فيها ولا حتى وقفت جنبي زي أي أم وبنتها أكتر يوم كان نفسي ماما تقف جنبي فيه مكنتش موجودة فيه وهو يوم زفافي لما حملت وأجهضت الجنين علشان الرحم مجتليش ولا اتصلت تطمن على صحتي أو إذا كنت محتاجة حاجة مع إني كنت بمۏت ألف مۏتة لما عرفت سبب الإچهاض.
ماجد وهو بيحضنها
متقوليش كده يا ميرنا مهما لو كان دي تبقى أمك حملت وتعبت فيك وربتك لوحدها يا ميرنا ده غير إنها كانت ممكن تسيبك وتعيش حياتها الأم أم يا ميرنا علشان كده بقولك روحي واطمني عليها مش يمكن لما تتقابلوا وتتكلموا مع بعض تعرفوا السبب إللي بعدكم عن بعض
ميرنا
تفتكر! بس لاء يا ماجد ماما مربتنيش لوحدها الوقت هو إللي رباني يا ماجد طول الوقت كانت ماما وبابا بيتخانكوا مع بعض وبابا يسيب البيت ويمشي ويسافر بالتلات سنين وماما عايشة تتظاهر قدام الناس بالفخر وخلاص.
ماجد
طب جربي يا ميرنا أنا جوزك وحبيبك وسندك في الدنيا وأنا إللي بقولك روحي لأمك وجربي أكيد كان في أسباب كتيرة أوي هي إللي عملت كده ولو مكنش في سبب ليه متفتحيش صفحة جديدة وتقضي الباقي مع أمك أصلا مريض القلب يا روحي حياته بتبقى زي الإزاز الخفيف لو حد ضغط عليه يبقى فتافيت.
ميرنا
حاضر يا ماجد هعمل كده بس إيه الحلاوة إللي نزلت عليك فجأة كده.
ماجد
إزاي مش فاهم ميرنا عارفة لو طلعتي بتتكلمي زي كل مرة.
ميرنا
هههههههههههه أه بحبك وأنت بتتكلم معايا بحنية كبيرة وتاخدني في حضنك زي الحصان لما يشوف البحر.
ماجد
ليه الحصان بيعمل إيه لما يشوف البحر.
ميرنا بضحك
بينط فيه على طول علشان يستحمى هههههههههههه أه بطني وجعتي أوي احم ضحكنا كتير وزعلنا كمان.
ماجد
أنتي بتكوني زعلانة والدموع في عينك فجأة ألاقيكي بتضحكي ربنا يهديكي قومي يلا علشان أوصلك الڤيلا وأروح الشركة.
في الڤيلا كان الكل متجمع في الصالون الحاج عمران وعياله كامل وزجته أنهار وراشد وزوجته سامية.
عيال كامل ماجد وفهيمة و عمران.
عيال راشد محمد وتامر و زهرة نفس سن عمران.
دخلت ميرنا عليهم
السلام عليكم ورحمه الله وبركاته إزيكم يا حلوين عاملين إيه
الجد عمران
وأخيرا المدام ميرنا جات ونورتنا فكرناكي مۏتي يا شيخة أمك أنهار طلعتلك الأوضة ملقتكيش فيها وكلنا خوفنا عليك.
ميرنا بعد مقعدت جنبه
يا جدو يا حبيب قلبي كل الحكاية إن ماجد راح شغله ومصبحش عليا وصحاني وبصراحة لما ميعملش كده بيبقى يومي وحش وملوش معنى خالص جوزي بقى ومتعلقة فيه أعمل إيه
تامر
الحب ۏلع في الدرة يا سعدية مالك يا ختي انشفي كده وخليكي تقيلة علشان الراجل يجري وراكي مش علشان مصبحش عليكي تروحيله الشركة وتفطري معاه.
فهيمة
ما أنت مش مرتبط علشان كده مش بتفهم عامل زي المخلل الناشف بوشك الفقري ده.
تامر
لمي لسانك أحسن تعضيه وأنتي بتتكلمي وترجعي ټعيطي وتخبطي في الأرض زي الأطفال.
عمران الصغير
رجعنا للخناقة من أول وجديد متبطلوا بقى أنتم الإتنين عارفة يا ميرنا خليك تتعاملي كده مع أخويا علشان ميبص برا ويخونك.
أنهار
بس يا ولد متتكلمش كده مع مرات أخوك وبعدين ماجد ميقدش يبص لبرا ومعاه زوجة حلوة ومحترمة زي ميرنا حبيبة قلبي.
ميرنا
خدي بوسة.
سامية
بابا متتكلم مع محمد إبني وخليه ينزل مصر بقاله كتير مبينزلش وهو واحشني أوي.
الحاج عمران ما أنتي يا سامية عارفة طريقة إبنك ودماغه الناشفة ياما قولناله ينزل بس هو هناك شايف مزاجه وعايش حياته على هواه مهو لو أبوه رباه كويس أو أمه مكنش وصل للحالة دي.
راشد
بس يا بابا أنا عملت كل إللي أقدر عليه علشان إبني دخلته مدرسة لغات وعلمته أحلى تعليم وسفرته برا مصر أعمل إيه تاني.
الجد عمران
يا فرحتي بيك يا راشد وأنت بتتكلم كده هي التربية إنك تعلم إبنك وتسفره برا مصر يا أستاذ إبنك هناك عايش حياة الغرب كل يوم مع واحدة شكل أنت مش بتشوف مواقع التواصل ولا الجرايد الأجنبية وهي كل يوم بتنزل خبر شكل عن إبنك اخص على التربية.
ميرنا
جدو مفيش داعي للقلق أو العصبية خلاص أنا هكلم ماجد وأخليه يكلم محمد ويحاول معاه علشان ينزل.
فهيمة
ينزل ولا مينزلش بقى عادي هو واحد شايف حياته ومتهني ومش حاطط في دماغه حاجة أصلا.
سامية لاء أنا مستحيل أخلي إبني يفضل طول العمر برا كده أنا هخليه ينزل ويتجوز كمان مستحيل يعيش على مزاجه علشان لو عاش على مزاجه هيضيع في الرجلين.
الجد عمران
قولي لنفسك يا أم العيال كان زمانه دلوقتي متجوز هو وفهيمة بنت عمه مش قاعد مبلط في الخط.
فهيمة وهي بتقوم
بعد إذنكم عندي جامعة دلوقتي سلام عليكم.
جه الليل والكل قاعد على العشا وباين عليهم الزعل.
ماجد
هو في إيه مالكم ساكتين والزعل باين عليكم كده ليه في إيه يا ميرنا
ميرنا
بصراحة كانت مرات عمي سامية بتتكلم عن محمد وإنها عايزاه ينزل من إيطاليا بس محمد مش موافق وجده اتصل بيه وبرضو مش موافق.
ماجد
خلاص مفيش داعي للزعل يا جماعة أنا هكلمه وهحاول معاه وأكيد هينزل.
سامية
بس هو مش بيرد على حد فينا يا إبني وكمان رنينا على الشركة وبرضو مفيش فايدة عامل حجته إن عنده إجتماعات.
راشد
محمد عمره مهيتغير هيفضل طول عمره طايش ومش هامه حاجة في
