رحم حصريا على موقع ايام ( الهواري )

غلطه فهيمة يمكن أكون أنا وماجد قدام الكل مثال لكل اتنين متزوجين بس أنتم متعرفوش المشاكل إللي كانت بتحصل بيني أنا وماجد وقد إيه مرينا بظروف صعبة أوي بس كنا بندي لبعض فرص كتير علشان منفترقش عن بعض يا فهيمة الحياة مليانة بعجايب ومشاكل ولو وقفنا حياتنا علشان مشكلة أو علشان الماضي يبقى كده بنحبس نفسنا في خانة ملهاش آخر ولا حتى بداية اديله فرصة وخليه يثبتلك حبه ليكي ويضحي وقتها تقدري تاخدي قرار.
فهيمة 
بصراحة يا ميرنا خاېفة أضعف قدامه يعني أقصد خاېفة أسامحه على طول وأبدأ معاه من جديد وفي الآخر يكسر قلبي زي كل مرة.
تامر من وراهم
على فكرة بقى لو أخويا ده واحد توكسي كده مكنش سابك السنين دي وكان كل شوية يوجعك يختي سبيها لله وادي للواد فرصة خليني اتجوز يا خلق بقى.
ميرنا 
طب أنا هطلع علشان أرتاح شوية حاسة نفسي تعبانة أوي ومش قادرة.
تامر
ميرنا يا مرات ماجد مالك بقالك اسبوعين مش رايقة كده ودايما يا إما نايمة يا إما تعبانة ليكون في نونو جاي على الطريق.
ميرنا 
مفيش داعي للكلام الفارغ ده علشان مفيش حاجة من دي حاسة بتعب بسيط وبس.
فهيمة لتامر بعد م ميرنا مشت
والله العظيم حاسة إنها حامل علشان قرأت قبل كده إن الحامل بتحس بخمول طول الوقت وتبقى نايمة وتحس بتعب وترجع كتير كمان وده إللي بيحصل مع ميرنا.
في الشركة عند ماجد
ماجد
ېخرب بيتك يا شيخ هو الواحد بيعترف بحبه بالطريقة دي!
محمد بعصبية
بقولك إيه يا ماجد أنا مش ناقصك وبعدين أختك هي إللي باردة ورخمة ده كل أما أحاول اكلمها تبعد وتمشي وبصراحة بقى ملقتش فرصة غير فرصة المطبخ دي علشان اكلمها بس عارف يا ماجد حسيت إن عينها فيها لامعة نفس اللامعة إللي كانت موجودة من ست سنين ونص.
ماجد
ده معناه إن في فرصة ليكم صباح الخير يا صاحبي فوق من الوهم إللي جواك ده علشان أختي لما عرفت بخبر نزولك مشفتش الفرحة في عينيها بالعكس شوفت ۏجع وكسرة كبيرة ده غير لما أنا فتحت معاها الموضوع لقيته مش هاممها ولا حاطة في دماغها حتى.
محمد 
فهيمة ليا ولو مكنتش ليا مش هتبقى لغيري فاهم ولا لاء وبعدين يا ماجد أنت حبيت ميرنا فترة وإللي كان بيقرب منها كنت بتإذيه رغم إنك كنت بتزعقلها وتقولها دايما إنها مش هماك وفي الآخر اتجوزتها.
ماجد بإبتسامة
عملت كده علشان تركز في دراستها وتهتم لمستقبلها.
محمد
طب ليه مشغلتهاش يا ماجد طالما علشان مستقبلها.
ماجد بالعكس خالص يا محمد شغلتها معايا سنة بس من غيرتي عليها خليتها تسيب الشغل وهي فهمتني بس بتساعدني أون لاين.
تامر
الله هبقى عمو وازعق بقى واعمل فيها العم الشديد فرحت أوي بس لو جه ولد هدلعه وأوريه الهنا والسعد.
فهيمة
ده أنت بايخ أوي بالعكس البنت أحسن من الولد بكتير أوي عارف يا تامر هتسرحلها شعرها وتلبسها أشكال وألوان البنت بتبقى رقيقة بس هنتأكد إزاي إنها حامل.
تامر 
بعد الغدا لما تطلع تنام ابقى خدي منها عينة ډم ونعملها تحاليل أو أقولك علشان هتحس بالإبرة اعملي نفسك تعبانة وعايزة تحللي وخليها تحلل معاكي بالمرة.
على الغدا كانوا قاعدين وميرنا باين عليها التعب.
عمران الصغير
مالك يا وردتي أنتي تعبانة برضو
زهرة 
لاء ميرنتي هتبقى عسل وسكرة بس أنت إللي نظرك ضعيف.
الجد عمران
مالك يا بنتي! أنتي مش مظبطة بقالك كام يوم ليه دايما حاسة بتعب وعايزة تنامي.
أنهار
لما أنا كنت حامل في فهيمة كنت زيك كده عايزة أنام كتير وحاسة بتعب ومش عارفة أكل لو كده اعملي إختبار الحمل وإتأكدي يا بنتي مش هتخسري حاجة.
ميرنا بحزن
لاء يا ماما أنا مش حامل ومتأكدة من كلامي أصلا إني أبقى حامل هيبقى صعب أوي.
سامية
أنتي مخبية عننا حاجة يا ميرنا اتكلمي يا بنتي بدل ما أنتي شايلة الزعل جواكي كده الزعل باين على عينيك.
ميرنا
لاء ولا حاجة يا مرات عمي هخبي عنكم إيه يعني بصراحة مليش نفس للأكل هطلع أرتاح شوية.
سابتهم ميرنا وكانت طالعة ترتاح بس وهي طالعة على السلم اتكعبلت ووقعت واغمى عليها الكل قام وجرى عليها وطلعوها الأوضة واتصلوا بالدكتورة وعرفوا ماجد إللي رجع بسرعة من الشركة هو ومحمد.
ماجد وهو بيجري على الأوضة
إيه في إيه! إيه إللي حصل
فهيمة
كنا بنتغدا وهي قالت إنها مش جعانة ونفسها مسدودة وكانت طالعة على السلم بس وقعت واغمى عليها ومفاقتش اتصلنا بالدكتورة وبيك.
محمد 
مين معاها جوه
تامر 
أمي وأمك قصدي ومرات عمك.
دخل ماجد والكل عليهم الأوضة لما الدكتورة خلصت فحصها ماجد جري عليها وحضنها وفضل جنبها وواخدها في حضنه.
ماجد 
أنتي كويسة يا روحي
الجد عمران
حفيدتي فيها إيه يا دكتورة هي بقالها أيام كتير تعبانة وهبطانة وعايزة تنام على طول.
الدكتورة 
أنا دلوقتي شاكة في حاجة كلها خمس دقايق ويتبعتلي التحاليل وقتها أقدر أقول حصل معاها كده ليه بس جسمك يا مدام ميرنا ضعيف حتى باين على وشك إن عندك أنيميا.
ميرنا 
بقالي كتير مش عارفة أكل حاجة ونفسي مسدودة حتى بحس إني عايزة أرجع كتير ده غير الحموضة.
الدكتورة وهي بتفتح التلفون
أحم النتيجة بانت أهي.
ماجد بلهفة
إيه يا دكتورة قلقتينا كلنا بنظرتك التحاليل فيها حاجة ولا إيه
الدكتورة
كنت شاكة في حاجة وشكوكي طلعت في محلها ألف مبروك المدام ميرنا حامل.
ميرنا پصدمة
حامل! إزاي بس لاء شكلك غلطانة يا دكتورة علشان أنا مش هعرف أحمل ولا أكون أم حتى علشان أنا بعاني من مشاكل في الرحم وبعدين أنا حملت يجي أربع مرات أو خمس مرات كمان بس كان الحمل بينزل في الشهر الأول أو التالت يعني مش بيكمل معايا حتى والدكتور قالنا إني فقدت القدرة على الحمل.
ماجد
حتى قولنا للدكتور نزرع أو نعمل أي حاجة بس قالنا إن مفيش نتيجة هتحصل علشان الرحم معدش مستعد وفقد القدرة على حمل جنين.
الدكتورة
مش هقدر أتكلم ولا حتى أخد على كلام الدكتور إللي كنتم متابعين معاه إلا لما أكشف عليها وأعرف المشكلة فين وبعدين الطب اتطور يا أستاذ ماجد معدش زي الأول ولكل مشكلة حل أنا مش عايزاكوا تقلقوا أو تخافوا من حاجة بس طالما الكلام ده سمعته ياريت تيجوا انهاردة باليل العيادة بتاعتي وقولوا للسكرتيرة على إسمك وهي هتدخلك ليا على طول.
ميرنا
متأكدة إني حامل مش كڈب
الدكتورة
هنتأكد من كل حاجة في العيادة مټخافيش تاني حاجة اهتمي بأكلك كويس أوي علشان جسمك ضعيف أفضل ليك من الڤيتامينات الصناعية.
الجد عمران 
وصل الدكتورة يا محمد لبرا.
أنهار بحزن
محدش فيكم عرفنا الكلام ده ليه ولا أنتم مستنين إيه يعني
سامية 
كنت حاسة إنك مخبية علينا حاجة يا ميرنا وخصوصا الحزن والزعل إللي كان باين من عينيكي.
الجد عمران 
أنا مش هكلمك يا ميرنا دلوقتي بس لما تيجوا من عند الدكتورة هيبقى لينا كلام تاني خالص.
فهيمة 
مش قولتلك إني حاسة إنك حامل وهكون عمتو كمان فضلتي تقولي لاء مفيش الكلام ده.
تامر 
طب انزلي هاتي مياة يختي علشان باين عليها ريقها نشف من الخبر الحلو ده.
نزلت فهيمة علشان تجيب مياة وهي طالعة شافت محمد واقف مع الدكتورة.
محمد بمعاكسة
منتحرمش منك أبدا يا دكتورة بصراحة أول مرة أشوف دكتورة واثقة من نفسها كده.
الدكتورة
لازم أكون واثقة من نفسي ومتأكدة