رحم حصريا على موقع ايام ( الهواري )

الدنيا.
كامل 
خلاص يا جماعة بعد العشا ماجد هيكلمه وأنا متأكد إن محمد هيرد عليه وهو يقنعه ينزل مصر.
بعد العشا ماجد كان بيكلم محمد قدامهم 
عامل إيه يا محمد مش ناوي تنزل يا إبني مصر بقى وتبقى معانا ووسطنا........ بس ده مش حل يا محمد احجز على أول طيارة نازلة مصر وتعالى يلا وبعدين الشغل مش هيطير وظف مدير تنفيذي عندك على محد فينا يسافر ويتولى الشغل عندك............. الكل هنا عايزك تنزل وبعدين أنت مش عايز تأسس أسرة وتبني حياة جديدة ولا إيه
فهيمة بعصبية 
مخلاص بقى هو في إيه كل شوية ترنوا عليه علشان ينزل مصر وتتراجوه وهو مش بيسمع لحد فيكم بحاجة عايزين إيه تاني مش بعيد يكون متجوز ومخلف من هناك كمان هو واحد مش عايز ينزل خلاص على راحته محدش هيجبره على حاجة على فكرة لكن إزاي لاء لازم نرن ونفضل نترجى فيه علشان ينزل مصر وقد إيه الكل مشتاق ليه وحاجات كتير ملهاش أي معنى شوف كويس واسمعني كويس يا محمد أنا عارفة إنك سامعني متنزلش مصر محدش مشتاق ليك على فكرة خليك عندك وأسس حياتك أو عيش على هواك ده شيء يخصك أنت وأنت حر في حياتك وأنا أول واحدة مش مشتاقة ليه وكارهة وجودك من الأساس بعدها سابتهم فهيمة وطلعت على أوضتها تجري وهي بټعيط.
على الجهة التانية عند محمد في إيطاليا 
خلاص يا ماجد أول طيارة هكون نازل فيها بس مش علشان حد فيكم علشان أشوف فهيمة بقت عاملة إزاي وكبرت ولا لسه أنا عارف إنها متعصبة مني ومن طريقتي يلا سلام دلوقتي.
طامب صديق محمد 
مالك بتضحك ليه كده يا أخينا.
محمد يا ريتني معلمتك اللغة العربية يا شيخ فهيمة بنت عمي زعلانة ومتعصبة لو تعرف قد إيه هي واحشاني بس خلاص كفاية ست سنين برا مصر جه المعاد علشان أنزل بقى وأشوف العيلة إللي سبتها زعلانة مني زمانها بقت عروسة دلوقتي.
طامب 
هنزل معاك نفسي أشوف مصر واتعرف على عيلتك.
محمد بتريقة
تعالى يا بطة مش هقولك لاء بس جدي لو شافك وأنت وشك أنعم من وش أختي الصغيرة مش بعيد يجوزك للغفير بتاعنا.
عده يومين من غير أحداث في أوضة ماجد كانت ميرنا بتلعب في شعره.
ماجد
مالك يا روحي سرحانة في إيه كده
ميرنا
فهيمة ليه زعلانة كده يا ماجد أول مرة أشوفها في الحالة دي الحزن مالي وشها وقلبها أنا زعلانة علشانها أوي فهيمة أنا بعتبرها زي أختي الصغيرة يا ماجد.
ماجد 
حاولي تقربي من فهيمة وافهمي منها ليه زعلانة مع إني عارف السبب بس هي بتنكر كل حاجة يمكن تحكيلك أنتي يا ميرنا.
ميرنا 
بس محمد إبن عمك لسه مجاش لحد دلوقتي ولا حتى رن أو إدا خبر بأي حاجة.
ماجد وهو بيعقد
محمد ممكن ينزل في أي وقت تستني منه أي حاجة علشان هو محدش أصلا بيعرف تفكيره عامل إزاي وبعدين مش تطمني على جوزك بدل منتي مشغولة بزعل الكل كده.
ميرنا بضحك 
أعمل إيه يعني منا بدلعك وبعمل كل حاجة علشانك.
ماجد
بس لسه هنزور أمك في المستشفى ونطمن عليها مع بعض ونقف جنبها علشان هي محتجالك أكتر من أي وقت هششش فاهم إللي هتقوليه والله بس على الأقل متعمليش زيها وخليكي أحسن منها وزوريها خليكي أنتي الأحسن في كل حاجة يا ميرنا أنا سامع إن أبوكي كمان نازل قريب من السفر خليك جاهزة علشان هتروحي وتجبيه من السفر.
ميرنا بتنهيدة وهي في حضڼ جوزها 
ماجد بجد أنا تعبانة ومش طايقة حتى أكون جنبهم بحس بضيق وخنقة كبيرة أوي يا ماجد وبعدين أنا مش هامة حد فيهم بحاجة يبقى هدور عليهم متتغطش عليا بالله عليك.
ماجد
ميرنا أنتي مراتي وسعادتك تهمني أنتي بتضحكي على نفسك ركلمة إنك مرتاحة وأنتي بعيدة عنهم بس الحقيقة غير كده وأنا هعمل كل إللي أقدر عليه علشان اخليكم تقربوا من بعض أكتر من كده مهما لو حصل ومهما لو كلفني التمن.
نزلت ميرنا وكانت فهيمة في الجنينة بتذاكر قعدت ميرنا قصادها على الكرسي.
ميرنا 
كنت عارفة إني هلاقيكي هنا.
فهيمة
بحب المكان هنا علشان هادي.
ميرنا 
بصراحة معاكي حق حديقة الڤيلا الخلفية بتبقى هادية..........احم احم ماله الجميل بقالو يومين حزين وصوته هادي زي اللعصفور المبلول ليه
فهيمة بحزن
مفيش حاجة مهمة يا ميرنا متشغليش بالك بيا أنتي إللي مش ظاهرة بقالك يومين ليه حتى الأكل بيطلعلك وينزل زي مهو.
ميرنا 
بصراحة يا فيفي بقالي تلات أيام بحس نفسي مش جعانة وعايزة أرجع كتير أوي ده غير النوم إللي مسيطر عليا حاسة كده إني عايزة أنام طول اليوم وطول الليل.
فهيمة بفرحة 
أوه لاء أنا كده فرحت أوي والله بت يا ميرنا متيجي نعمل إختبار حمل حاسة كده إن في نونو جاي قريب الله بجد هبقى عمتو.
ميرنا بضحك 
بس يا هبلة بطلي هبل حامل إيه بس مفيش الكلام ده وبعدين يختي منتي عسل وحلوة اهوه وبتضحكي أومال قالبة وشك لينا بقالك يومين كده ليه
فهيمة 
هحكيلك لما كنت صغيرة فتحت عيني لقيت محمد في وشي لما كان حد يضايقني وأنا صغيرة كان يتعصب عليه علشاني وعلشان أكون مبسوطة كان حنين عليا أوي لما كنت في الإعدادي اعترفتله بحبي وإني لما أكبر هنتجوز بعض وقتها اتعصب عليا وضړبني على وشي بالقلم وقالي إني عيلة صغيرة على الكلام ده والمفروض أتكلم على قد سني وبس وانسى الموضوع ده ظدى الحياة علشان هو بيحبني كأخت وبس وبعدها مقعدش معانا حاجة بس كان واخد جنب مني ومش بيكلمني لحد مسافر إيطاليا وساب البلد عارفة يا ميرنا! حتى لما كنا بنرن عليه ويتكلم أو ميسمع صوتي يقفل المكالمة علشان كده بعدت أنا بقيت أنا إللي بمشي من المكان لما أعرف إنه هيتكلم معاهم حتى لما بقى يتكلم فيديو كول كنت بسيب المكان وامشي.
ميرنا
بس ده مش حل للمشكلة يا فهيمة أنتي لسه بتحبيه مش كده
فهيمة
لاء يا ميرنا خلاص كان موضوع واتقفل ومعدش حد هيفتحه تاني عارفة جدي كذا مرة يقولي إن محمد عايز يكلمني بس أنا كنت برفض على طول هو طلب البعد وأنا لبيت طلبه دلوقتي أنا بدرس ولازم أتعب علشان أوصل وابقى حاجة كبيرة عايزة أفتخر بنفسي وكمان أرفع راس عيلتي.
ميرنا
طب إيه بصي متبصيش البصة إللي بجنب دي شكل عيلتكم كلها عندها نفس البصة المهم إيه رأيك لو غيرنا هدومنا وطلعنا مع بعض على دار الأيتام.
فهيمة بإبتسامة
عارفة يا ميرنا قبل م ماجد أخويا يتجوز كنت ببقى زهقانة ومش عارفة إزاي أقضي يومي لكن أول معرفناكي وأنتي مالية علينا وقتنا ودايما حبانا وحابة لينا الخير وډخلتي علينا السعادة والفرحة كمان ده غير إنك بتخليني دايما مبسوطة وبعدها حضنو بعض ودخلوا الڤيلا.
وهما داخلين سمعوا أصوات كتير جاية من الصالون دخلوا عند جدهم بس ميرنا مسكت فهيمة لما كانت هتقع.
الجد عمران
وحشتنا أوي والله يا محمد ست سنين ونص وأنت بعيد عننا ومش بتسأل حتى فينا بس شكل مكالمة ماجد ليك غيرت وجهة نظرك ورجعتك بلدك علشان تبقى وسط عيلتك.
سامية وهي بتحضنه 
حاسة إن روحي إتردت ليا من