رحم حصريا على موقع ايام ( الهواري )

أول وجديد مش بس كده لاء حاسة إني شايفة لون للدنيا.
أنهار
أهم حاجة تكون نازل مستقر مش يومين وترجع تاني.
محمد
لاء مټخافيش يا مرات عمي نازل فترة حلوة علشان أقدر أقضي وقت معاكم ووسط عيلتي كمان.
راشد وكامل حضنوه مع ابتسامة.
الجد عمران أها كويس إنكم جيتوا حظك حلو يا محمد تعالى أعرفك على ميرنا مرات أخوك ماجد أطيب واحدة وأجمل واحدة دخلت عيلتنا ومش بس كده جابت الفرحة معاها كمان ودخلت السعادة.
محمد وهو بيمد ايده 
أهلا بيكي أنا محمد يمكن محصلش الفرصة علشان نتعرف على بعض بسبب غيابي بس أنا جيت.
ميرنا
أهلا وسهلا حمدالله على السلامه نورت البيت بعد غياب.
محمد بسرحان في فهيمة
مين دي يا جدي
كامل 
فهيمة بنتي طبيعي متعرفهاش يا محمد ما أنت بقالك فترة طويلة بعيد عننا.
فهيمة
بعد إذنكم عندي مشوار ضروري لازم أروحه ميرنا غيري هدومك علشان منتأخرش متنسيش إننا لازم نشتري هدايا للأطفال قبل منروح علشان نفرحهم.
أنهار 
والله يا بنات أنتم الإتنين مش بتزهقوا من المشاوير بتاعكم دي كل شوية مشوار شكل لحد مهتخلوني انجلط منكم.
فهيمة 
متزعلونيش وخليكم هاديين معايا وأنا وقتها مش هكلفكم كتير وبعدين فيها إيه يعني وسابتهم وطلعت.
في بيت بسيط وهادي كان ماجد نايم وفي حضنه واحدة.
سمر 
ماجد هتعرف العيلة امتى عليا واننا متجوزين أنا زهقت من كتر منا مستخبية كده.
ماجد
الأوضاع عندنا دلوقتي مش سامحة ليا بحاجة يروحي أعمل إيه يعني مفيش في إيدي حاجة أعملها سبيها لوقتها بقى.
سمر 
ماجد إحنا بقالنا سنة ونص متجوزين ولو كان ابننا ليه عمر كان زمانه عنده خمس شهور تقريبا بس للأسف ماټ في يوم ولادته يعني لو حصل حمل تاني أكيد هعوزك جنبي.
ماجد
طب سبيني وأنا هتصرف سبيها لله يمكن يحصل حاجة ويبقى وجودك إجباري وڠصب عن الكل هتكوني موجودة معانا.
سمر
أتمنى بقى ماجد أنت بتحبني أكتر ولا ميرنا
ماجد بعصبية
يووه بقى يا سمر أنتي مش بتزهقي أسئلة وبعدين متقارنيش ميرنا بيكي تمام ميرنا حبي الأول وزوجتي الأولي أنا غلطان إني جيت هنا أصلا سلام.
عده إسبوع من غير أحداث وكل ما محمد يحاول يتكلم مع فهيمة تسيبه وتمشي و ميرنا بدأت تتعب أكتر من الأول وتحس بهبوط في أغلب الأوقات والكل بيساعد محمد علشان يقرب من فهيمة وماجد بيفكر إزاي يفتح موضوع جوازه السري لميرنا وخصوصا إنه عارف ميرنا تصرفها هيكون إزاي وهو بيحبها ومش عايز يخسرها علشان تبقى حب حياته.
محمد دخل المطبخ لقى فهيمة واقفة تطبخ
عاملة إيه يا فهيمة.
فهيمة 
الحمدلله بخير الغدا هيتحط لما الأكل يخلص بعد إذنك إطلع برا واستنى.
محمد 
شكلك أتغير أوي يا فهيمة أنا لسه فاكر آخر مرة شوفتك فيها كنتي لسه عيلة طولك مكملش الشبر.
فهيمة سابته ولسه هتمشي بس محمد مسكها من دراعها.
محمد 
أنتي ليه بتتعاملي معايا كده يا فهيمة ليه كل أما أحاول أكلمك تسبيني وتمشي.
فهيمة
أنت عايز مني إيه بالظبط يا محمد ها رد عليا فاكر آخر مرة كنا بنتكلم فيها قولتلي إيه! قولتلي أبعد عنك وإني لسه عيلة ولا روحت ولا جيت كمان بعدت عني وسافرت ست سنين ونص مكنتش بتكلمني ولا حتى تشوفني ست سنين ونص كفيلين يغيروا شكلي وملامحي وشخصيتي كمان أنا معدتش البنت إللي تجري وراك وتقولك بكرا نتجوز ونكبر ونجيب عيال معدتش البنت إللي ينضحك عليها من أي حد كمان أه أنا اتغيرت وكبرت وبان عليا الأنوثة كبرت وبقيت طالبة جماعية وفهمت الحياة كبرت وطولي زاد يا محمد بيه.
محمد 
بس وقتها يا فهيمة كانت كل حاجة مختلفة كنتي لسه عيلة صغيرة يا فهيمة كنتي في الإعدادي وكان لازم أعمل كده علشان تركزي في تعليمك.
فهيمة 
والله ليه لما روحت إيطاليا ممشتش مع بنات وكل يوم تسهر مع بنت شكل مش كنت بتقرب منهم كمان وسايب عيلتك هنا تقابل الكلام من كل الناس وأصحاب الشركات مكنتش بتشرب وتسكر وتترنح وتروح البيت آخر الليل مكنتش عايش على هواك وبمزاجك ومش هامك حاجة في الدنيا.
محمد 
مش هنكر فعلا كنت كده بس بس والله العظيم يا فهيمة نزلت علشانك أنتي وبس خلاص كبرتي وبقيتي أنسة قد الدنيا أهو.
فهيمة 
يااه يا محمد تصدق فعلا صدقتك أنت آخر واحد ممكن أصدقه في يوم من الأيام ده لو صدقت أصلا عارف يا محمد الفرق بيني وبينك إيه
إني واحدة عايزة أكون عايشة مبسوطة مع واحد أكون أنا أول واحدة في حياته وأخر واحدة برضو ميكونش عامل علاقات كتير أو كان عارف بنات كتير قبلي يكون محترم وقد المسؤلية وميقدرش يستغنى عني ثانية واحدة الفرق إني بسيطة واحلامي بسيطة جدا وكمان إني بحب أكون متميزة شوية واطور من نفسي على عكسك تماما.
محمد
قولتلك كان ڠصب عني دي حاجة ڠصب عني لما كنت بقفل التلفون لما أسمع صوتك وسط العيلة علشان مضعفش قدام حد واكلمك كتير.
فهيمة 
غلطان يا محمد أنت كنت بتقفل علشان بتستكتر عليا إنك تعتذر مني على غلطك أنت يا محمد إنسان أناني بس اسمعني كويس وحطها حلقة في ودانك أنا يا محمد مش قابلة إن يكون في علاقة ما بينا وغير كده كمان أنا مش عايزة أكون قريبة منك حتى كل إللي يربطني بيك علاقة إخوة وبس.
محمد 
اسمعيني كويس بقى أنا مستحيل أكون اخوكي فاهمة ولا لاء واعملي حسابك كمان يا هانم علشان ببساطة هتجوزك ولو هيكون ڠصب عنك ولو مكنتيش ليا يا فهيمة مش هتكوني لغيري فاهمة.
فهيمة
أووووووف بقى أنت واحد رخم ومعندكش ريحة الډم حتي.
محمد 
اشتمي على راحتك يا روحي وأفأفي كتير كمان علشان تاخدي ذنوب قد الدنيا.
سابته فهيمة وهي طالعة لقت أمها ومرات عمها كانوا بيسمعوا ليهم ويضحكوا.
سامية
ربنا يجعل نصيبك من نصيب إبني يارب يا فهيمة يا بنت أنهار.
أنهار
أسمع العلاقات إللي بتبدأ بالمشاكل تبقى مبشرة بالخير وفيها سعادة لا توصف.
فهيمة
والله أنتم دماغكم فاضية أوف منكم بجد أنتم هتجننوني معاكم وسابتهم ونزلت الجنينة في المكان إللي بتحب تقعد فيه.
فهيمة 
المفروض ده مكاني وأنا إللي باجي فيه على طول لما أتعب وأزهق بس انهاردة أنتي إللي موجودة فيه لاء وكمان مزاجك مش رايق إتاخري كده خديني جنبك على المرجيحة.
ميرنا
مش عارفة أقول إيه بس عليك يا فهيمة مهو لو تفتحيلي قلبك وتعرفيني على إللي جواه كل اما محمد يقرب منك أو يحاول يكلمك تبعدي عنه تماما حتى الأكل معدتيش بتاكلي معانا زي الأول لتكوني يا بت.
فهيمة 
أيوة يا ميرنا بحبه لسه هفضل أحبه ست سنين ونص وأنا بحاول أنساه وبرضو منستهوش يا ميرنا ڠصب عني أعمل إيه وكلامه دلوقتي بيوجعني أكتر بكتير يا ميرنا الۏجع موجود في قلبي ومحدش حاسس بيا الكل عايز يشوفني بالابيض.
ميرنا 
إيه إللي حصل يا فهيمة! قالك إيه علشان تيجي هنا وعيونك تبقى مليانة بالدموع.
فهيمة
بيقول إنه سافر علشان يبعد عني وأكمل دراستي وأكون ناجحة ومكانش بيكلمني ويقفل لما يسمع صوتي علشان ميضعفشي قدام حد ويكلمني كتير بيقول إنه بيحبني أوي يا ميرنا وإني لو مكنتش ليه مش هبقى لغيره مهما لو كلفه التمن.
ميرنا 
أنا من رأيي إنك تديله فرصة يا فهيمة كل واحد فينا يستحق إنه ياخد فرصة ويصحح