اسكريبت بقلم سلمي بسيوني ذكري و يوسف 1

وشوف حياتك مش هستحمل تتجوز عليا يا يوسف عشان خاطري 
شال إيدي من خده بعصبيه وأخد مفاتيحه ومشي ورزع الباب وراه 
من اليوم دا حياتي بقت أصعب هو بيتمسك بيا أكتر وأنا بسيب إيده واحدة واحدة بدأت أتصرف تصرفات تعصبه كنت بحاول أكرهه فيا وفي البيت عشان يطلقني بقيت عصبية صوتي
عالي بقيت ابوظ الأكل وأعمل مشاكل مع امه واخواته مكانش عندي حل تاني أنا مش أنانية أنا مش عايزة أسيبه بس مش عايزاه يتعذب جنبي 
لحد ما قالهالي صريحة مرة لما بوظتله هدومه كان متعصب وكنت صعبانة عليه في نفس الوقت
لو فاكرة إلي بتعمليه دا يكرهني فيك تبقي غبية يا ذكرى أنا روحي فيك افهمي بقى وريحيني وريحي نفسك من إلي إحنا فيه دا !
الحلول كلها أختفت مبقاش عندي غير حل واحد رفعت عليه قضية طلاق وفي يوم قبل ما يرجع من شغله لمېت كل هدومي ورجعت بيت أهلي من غير ما أقول كلمة أو أسيبله رسالة يمكن قلبه يقسى ويشوف حاله 
وبعد جري كتير في المحاكم كسبتها اطلقت وسيبته ويومها شفت عينيه وإحنا خارجين من المحكمة بصلي بصلي بص عمري ما نسيتها كأنه بيقولي أنت خذلتيني 
بصة واحدة بس ندمتني بعد دقايق 
عدى سنتين عدوا عليا عشر سنين 
عمري ما بطلت أفكر فيه ولو على الندم فأنا ندمت وأنا خارجة من المحكمة مش بعدها بكام يوم أو أسبوع كنت أغبى ست في الدنيا عشان أضيعه من أيدي كانوا سنتين صعبين 
فلانة قالت اشتغلي هتنسي
وفلانة قالت سافري وهتنسي
مفيش حاجة منهم نفعت هلكت نفسي في الشغل بس منسيتش بقيت شاطرة في مجالي بس تعيسة ولما يأست قررت أتكلم معاه أترمي في حضنه وأقوله أنا غبية سامحني 
وقتها داليا كانت بتسأل عليا وبنتكلم وكانت بتيجي تشوفني هي وفريدة ساعات وكانت مينفعش تفوت مرة إلا وفريدة معاها كانت عايزة تمحي من دماغي الموقف إياه فقدرت محاولاتها ورغم إني صلتي أتقطعت بيوسف 
بس هي مرضيتش تبطل تشوفني كانت مقتنعة أنها هتقدر ترجعنا لبعض وفعلا كانت بتحاول
ولما عملتها من ورانا وجمعتنا سوا رفض يسمع مني كلمة واحدة وسابني ومشي أنا وجعته أوي 
أنا السبب أنا عارفة 
أنا بس محتاجة يبصلي 
يسمعني!
لما حاولت معاه تاني رفض يقابلني كان بيوحشني كل يوم عن إلي قلبه والشوق ياكل في قلبي وأنا بشوف صورة على الفيسبوك ونجاحه في شغله كان نفسي أكون جزء من النجاح دا كان نفسي أحضنه وأسقفله وأعمل فرح بس أنا السبب في البعد وأنا السبب في ۏجع قلبي وقلبه 
وفي يوم صحيت ماما بتصحيني
يوسف قاعد مستنيني في الصالة برا!
يوسف جالنا البيت 
يوسف قاعد برا!
قمت مسروعة وغيرت هدوم البيت وطلعتله برا 
شكله كان حزين مصډوم! 
قربت بلهفة وحيرة
مالك يا يوسف! 
وشه كان في الأرض بيفرك في إيده وساكت فاټرعبت وقبل ما أتكلم تاني بلع ريقه بتقل ورفع ليا عينه المليانة دموع 
داليا تعيشي أنت يا ذكرى
قلبي وقع وأنا بصالة مش مصدقة إلي سمعاه دي دي مكلماني امبارح قالتلي لما أرجع هشوفك! قالتلي وحشتني! 
عجزت عن الرد قعدت على الكرسي رجلي مشالتنيش!
وقبل ما أتكلم كمل كلامه 
عملوا حاډثة وهم راجعين من اسكندرية الفجر 
حطيت وشي بين كفوفي وأنهرت من العياط عليهم وعلى شبابهم وبنتهم! 
قلتله فجأة
فريدة!
مكانتش معاهم كانت قاعدة معانا 
أخدت نفس من وسط شهقاتي
دموعه نزلت فمسحها بسرعة وهو بيكمل كلام 
داليا وصت تكوني موجودة في غسلها يا ذكرى 
سكت ورفعت وشي وبصيتله مش مصدقة فكمل كلام
أنا جيت عشان آخدك مفيش وقت 
حركت راسي بسرعة وأنا مخضۏضة ووشي كله دموع وقمت ألبس وأنا بعيط ماما عرفت ولبست ونزلت معانا وفي دقايق كنا هناك وكنت في أوضة الغسل وحماتي معايا مڼهارة ومش مصدقة جسمي كان عرقان وبيترعش
يا حبيبتي يا داليا
يا حبيبتي يا داليا 
يا حبيبتي 
كان أصعب شيء أعيشه في حياتي 
أصعب وقت عدى عليا في عمري وأول مرة 
حد يأتمني على جسمه 
لما خلصنا كانوا عايزين يقفلوا وشها بس أنا طلبت منهم يوسف يشوفها الأول ولما حماتي وافقت طلعت ودورت عليه برا كان واقف مستني فشاورتله على الأوضه قرب 
وسألني
خلصتوا 
حركت راسي بآه ودمعة هربت من عيني وأنا بميل راسي
مش هتسلم عليها 
حرك راسه بآه وبصلي بامتنان والدموع في عينه ودخل ووقفت أنا على الباب باس راسها وخدها وشاور للست تكمل شغلها خرج وقفل الباب وراه ولف وبصلي ودموعه محپوسة في عينيه
وقفنا قدام بعض ساكتين من غير كلمة واحدة عيني في عينه وبس وفي ألف حاجة مكتفاني 
كنت محتاجاه
وكان محتاجني
محتاج يحضني ويعيط بس مش عارف
ولا أنا عارفة 
وأنا السبب في دا 
لما عقلي وصل للنقطة دي عياطي زاد
فنزل عينه للأرض وخرج لبرا وهو بيمسح وشه 
قعدت على سلم البيت وسندت راسي على سوره وأنا مستنية اليوم دا يخلص بسرعة
فقت على لحظة خروجها من البيت إلي احتوى طفولتها وضحكتها وضحكة بنتها 
المۏت مر ومرارته كلها في أنك تبقى مجبر على توديع حد روحك فيه مفيهوش أختيار ومش ممكن يتأجل واقع مؤلم مجبر تعيشه وتتأقلم معاه ومع غياب حد كان جزء من حياتك للأبد 
بعد الډفنة والعزاء فهمنا فريدة بالراحة عيطت ودبدبت في الأرض بهدلت الدنيا وزعقت وصړخت عايزة ماما وبابا قلبي وجعني عليها هي في الأول وفي الآخر طفلة مش فاهمة حاجة مهما فهمناها عايزة ابوها وامها رغم استحالة الطلب 
مقدرتش أسيبها وامشي فضلت جنبها لحد ما نامت على رجلي الليل جه فماما دخلت عليا الأوضة بتوشوشني عشان فريدة متصحاش
لازم نمشي قعدتنا أكتر من كدا عيب!
رديت عليها وصوتي مرهق من صعوبة اليوم
نمشي إزاي يا ماما أمشي وأسيب البنت دي لمين ويوسف! وطنط أنت شفتي شكلهم! 
أوعي تكوني ناسية أنك اطلقتي يا ذكرى الراجل دا مش جوزك عشان تخافي عليه ولا دي حماتك قومي وبطلي غباء عشان شكلنا وحش الناس تقول علينا أي ما صدقنا يكون في أزمة عشان 
قاطعتها لما دموعي نزلت معدتش قادرة 
خلاص يا ماما خلاص حاضر 
لفي طرحتك وهستناك في المدخل 
حركت راسي بحاضر وأنا بشيل فريدة من على رجلي فقربت تساعدني فاقت نص فوقة وسألتني 
ماما جت يا ذكرى 
مسحت على راسها وبوستها وأنا بقولها بصوت مهزوز 
مش إحنا أتكلمنا يا فريدة 
ماما عند ربنا يا حبيبتي 
غمضت عنيها تاني بتعب من العياط 
فبصيت لماما
ومش عارفة أعمل أي أسيبها إزاي!
صغرتلي فاتحركت لبرا الستات كلها مشيت مكانش فاضل غير حماتي وواحد صاحبتها 
ماما قربت وحضنتها وسلمت عليها سلمت عليها أنا كمان شكرتني على قعدتي مع فريدة كانت هتقول حاجة بس سكتت ومفهمتش سكتت ليه
خرجنا كان يوسف برا بصلي وخطڤ عينية بسرعة
وبص لماما 
هتمشوا
أيوا خلاص يا ابني الوقت أتأخر 
قربت وأتكلمت بإرهاق أجبرت عينيه تيجي ناحيتي 
فريدة هتعمل أي يعني هتعملوا أي مع أهلها 
مقدرش أديهالهم دي 
قاطعه خروج فريدة بتجري وهي بټعيط بصتلي بدموع 
أنت كمان هتمشي 
قربت عندها ونزلت لمستوى طولها وعيني مدمعة زيها مسحت على شعرها بحزن
هجيلك تاني يا فريدة متقلقيش 
حضنتنتي وهي بټعيط
عشان خاطري ما تمشيش 
رفعت عيني لحماتي إلي كانت واقفة وراها وبصالي بغلب حاولت أهديها شلتها وطبطبت عليها فبصت لي حماتي
البنت متعلقة بيك يا ذكرى ممكن تاخديها معاك لحد ما أيام العزا بس تخلص
بصيتلها بدهشة فردت 
البنت أتبهدلت كل ما حد يجي يحضنها ويعيط