اسكريبت بقلم سلمي بسيوني ذكري و يوسف 1

راجل ماسك فيها بإيده وسنانه بالشكل دا وتفرط فيه 
غمضت عيني بندم الدنيا كله 
غبية واحدة غبية 
فتحتهم بسرعة تاني لما كملت كلام
بس بيبني وبينك قلت وماله أهو تسيبه يشوف حاله ويتجوز وهو ولا شاف حاله ولا رضي يتجوز ابني أتوجع بسببك بالقوي 
هربت من عنيا دمعة فمسحتها بسرعة وهي بتكمل كلام
وحالا فات بتاع سنة ونص ولا سنتين وهو لوحده وأنت لوحدك 
سكتت وهي بصة في عنيا وبعدها قالت 
أنا عارفة أنك بتحبيه وندمانة داليا الله يرحمها قالتلي أنا شيفاه في عينك يا ذكرى ارجعوا يا بنتي وربوا البنت سوا 
بصيت لها پصدمة فكملت كلام 
متبصيليش كدا أنا عارفة تصرفاتنا مع بعض مش دايما كويسة وكان في حاجات كتير بتدايقني منك بس وقفتك إلي وقفتيها لسناء حسستني أنك تستاهلي تربي البنت أنت هتحافظي عليها وتربيها زي بنتك بتحبيها وهي بتحبك وأنا
مش دايمة ليكوا يا ذكرى عايزة أطمن عليها 
ربنا يبارك في عمرك يا حاجة!
العمر بإيد ربنا أنت محتاجاهم وهم محتاجينك حاولي معاه يمكن يسامحك!
هو ممكن يسامحني بعد إلي عملته 
ممكن يبقى ليا مكان في قلبه تاني 
لما خلصت الواجب مع فريدة أخدت شنطتي عشان أقوم
أنت هتمشي 
أيوا أنت لازم تنامي بقى 
أنا عايزة أحكيلك حاجة 
قولي يا حبيبتي 
جنى صاحبتي صاحبت بنت تانية بعد ما رجعت المدرسة 
يمكن عشان أنت غبتي كتير وهي كانت لوحدها 
لا أنا سألتها 
قالتلك أي
قالتلي إن صاحبتها الجديدة قالتلها إني معدش عندي بابا وماما وأني هبقى بليدة وفاشلة وهخليها فاشلة فهي خاڤت وصاحبت البنت التانية 
أخدتها في حضڼي وطبطبت عليها
بس أنت مش فاشلة يا فيرو أنت أشطر بنت في الدنيا متصدقيش حد يقولك كدا! 
أنا زعلانة عشان بحبها أوي يا ذكرى 
يا قلب ذكرى هي عملت كدا عشان هي فاهمة غلط صاحبتها دي أثرت عليها وقالتلها كلام غلط 
طب أفهمها
لا مينفعش سيبيها هي تفهم لوحدها 
يعني هتفهم 
طمنتها وأنا بهز راسي
هتفهم 
حضنتني تاني قبل ما أمشي
ولما خرجت برا وقبل ما أوقف تاكسي شفته راجع نزل من العربية فابتسمت بحذر وأنا بسلم عليه 
عامل أي 
أنا بخير إزيك أنت 
أنا تمام الحمدلله كنت عايزة أستأذنك أروح لفريدة بكرا المدرسة 
خير
في مشكلة عندها هحلهالها 
ابتسم بسخرية 
وتحليها ليه بقى ما أنا موجود ولا هو عشان سيبناك تقربي منها هتفكري نفسك ولية أمرها 
بصيتله باستغراب أي كلام وحش قبل كدا قاله عشاني أنا إذا كانت محاولة لرجوعنا أو كلام بيرميه في وشي عشان يوجعني أول مرة يرد عليا في حاجة تخص فريدة! كنت مستغربة ومش فاهمة ليه كدا !
لا أنا بس 
قاطعني وهو بيقول 
ولا تكوني بتعوضي بيها نقص عندك
أتصدمت وسكت عنيا أتملت دموع في ثانية 
بصيت لعنيه الكلمة دي خرجت منه يوسف 
شفت الندم في عينيه في لحظتها مسحت دمعة نزلت من
نزلت مني وقلت بمرارة وشفايفي بتترعش 
لا أنا مش بعوض بيها نقص ولا حاجة أنا بس مش عيزاها تحس إنها لوحدها 
الندم ظهر واضح على وشه مش في عينه بس عينه إلي دمعت وكان بيحاول يتكلم بس قاطعته 
ودموعي نزلت من غير ما أحس
وعشان داليا كانت أقرب حد ليا وبنتها غالية زيها مهانش عليا يبقى في إيدي حاجة أساعدها بيها ومعملش كدا 
بلعت ريقي ومسحت وشي 
أنا تقبلت النقص وحمدت ربنا عليه فمتقلقش أنا كنت وحشة معاك بس مش لدرجة أني أستغل طفلة وألعب بمشاعرها عشان أرضي نفسي 
مكنتش شايفة قدامي سيبته ومشيت كنت بعيط ومش قادرة أبطل لحد ما وصلت لرصيف عالي في منطقة هادية قعدت عليه وصوت عياطي علي وشي بين إيدي وجسمي كله بيتهز 
كلامه المرة دي وحش أوي أوي
حسيت بيه قعد جنبي مرة واحدة سكت ومسحت دموعي بسرعة بس وشي لسه أحمر 
ربعت إيدي وبصيت في الفراغ كأنه مش موجود لحد ما قال 
بعد ما أطلقنا مكنتش بقدر أشوفك في حتة كنت بتجنب يجمعني بيك مكان واحد كنت خاېف مشاعري تغلبني وتجري عليك وبعدي وتجنبي ليك ضمن إن دا ميحصلش
بس من بعد مۏت داليا بقيتي موجودة وبقى في فرصة أشوفك أحن تاني أو أنسى إلي عملتيه وأتعامل عادي لقيت نفسي كل ما أشوفك لازم أقول حاجة تقفلك مني حاجة تبعدك كل مرة كنت برمي دبش يزعلك عشان تكرهيني وأبطل أشوفك بس كنت بتستحمليني المرة دي قلت حاجة متستحمليهاش عشان متجيش تسلمي عليا تاني حتى 
سكت وأخد نفس طويل وبعدها قال ووشه في الأرض 
بس شكلي أنا إلي مستحملتش يا ذكرى 
أنا آسف 
مسحت دموعي إلي نزلت وقولتله نفس الكلمة إلي قالهالي قبل كدا بس بصوت مرهق 
لو فاكر إن إلي بتعمله دا هيكرهني فيك تبقى غبي 
افتكر وابتسم بحسرة ومسح دمعة نزلت على خده
كان ليه دا كله يا ذكرى! عملتي فينا كدا ليه! 
دموعي خانتني تاني
وصوت عياطي علي وأنا بصاله بتكلم من بين شهقاتي 
كنت غبية كنت غبية وحسبت كل حاجة غلط مكنتش عيزاك تحس الۏجع إلي أنا حساه كنت عيزاك تعمل عيلة وتخلف وتبقى أب مكنتش أعرف أني كدا بوجعك أكتر وبكسر قلبك كنت غبية فكرت هستحمل 
حاولت أهدى و أنا بضحك بحسرة 
بس طلعت عيلة صغيرة أنا حتى مستحملتش بعادك عني بس كنت بواسي نفسي إن دا الصح وإن حرام تبقي أنانية وتحرميه من حاجة حلم بيها سنين 
صوتي علي تاني وأنا بعيط حطيت وشي بين إيدي ووطيت أنا بعيط وقولت بصوت مرهق 
وجعت قلبك وقلبي وبهدلتنا إحنا الأتنين 
مد إيده وطبطب على كتفي وقال 
أهدي يا ذكرى وخدي نفسك أهدي 
قام مرة واحدة وراح لكشك قريب جاب منه إزازة ماية فتحها وناولهاني
أشربي وخدي نفسك 
خدت إزازة الماية ولفيت وإديته ضهري شربت وغسلت وشي إلي بقى أحمر شبه الطماطم أخدت كام نفس وهديت لفيت ناحيته وسيبت إزازة
الماية على الرصيف وأخدت شنطتي وأنا بقوله وبداري شكلي إلي أتبهدل قدامه 
أنا هروح يدوب مسافة السكة 
طب استني أوصلك بالعربية 
لا أنا عايزة أشم شوي هوا 
خلاص همشي معاك 
بصيتله فرد عليا
الوقت أتأخر أكيد مش هسيبك تروحي لوحدك 
مشي جنبي فترة ساكتين إحنا الأتنين
لحد ما أتكلم وقال 
في أي عندها في المدرسة
صاحبتها بعدت عنها عشان معدش عندها بابا وماما فأكيد هتبقى فاشلة وهتفشلها معاها 
وشه كشړ وأتضايق
أي الغباء دا
دا مش غباء البنت حد قالها الكلام دا ففهمت غلط الموضوع مزعل فريدة جدا 
وأنت هتعملي أي 
هحاول أفهمها الصح 
عايز أجي معاك 
قلتله وأنا ببتسم بسخرية 
أكيد أنت في الأول وفي الآخر خالها أنا إلي غريبة 
سكت ومعرفش يرد وفضلنا ماشيين ساكتين لحد ما وصلت البيت وقدام العمارة سلم ومشي لما إداني ضهره ندهت عليه تاني فلف ليا تاني قربت المسافة إلي مشيها ووقفت قصاده
هو أنت ممكن تسامحني في يوم 
ممكن قلبك يحن عليا تاني ونرجع 
قال بحيرة حقيقية 
مش عارف أنا لسه موجوع ودا مش سهل يعدي يا ذكرى سيبيها للوقت يمكن ربنا رايد نرجع يمكن قلبي يهدى وېضمك تاني 
حركت راسي وأنا بقوله 
وأنا هستنى تصبح على خير يا يوسف 
ابتسملي لأول مرة من قلبه
وأنت من أهل الخير يا ذكرى 
يا مس متقلقيش أنا بس كلمتك عشان أتكلم معاها قدامك عشان لو قلت حاجة غلط تصلحيلي 
قلت الكلام دا للأخصائية النفسية إلي في المدرسة فحركت راسها بابتسامة ووافقت ولما البنت نزلت سلمت عليها أنا ويوسف إلي قاعد على الكرسي إلي قدامي
إزيك يا جنى
ردت عليا وهي