عشق بالتبادل بقلم اسراء ابراهيم حصريآ علي موقع ايام

اسكربت 
عشق بالتبادل
وهو انت يعني مجبر تتجوز اخت الزفتة دي يا فريد انت ايه اللي بتقوله ده
فريد بضيق يا ماما عشان خاطري بقي حاولي اتقبلي مريم مرات اخويا دي بقالها تلات سنين معانا ومعاملتك ليها برضه مش حلوة وبعدين مين قالك اني مجبر اتجوز نغم اختها انا اللي اخترتها بنفسي
شادية پغضب كداب يا فريد انت بتعمل كدة عشان تقهرني فاكر انك كدة بتساعد اخوك بس انت عاوز تقهرني
فريد بنفاد صبر يا امي لو سمحتي ارحميني بقي انتي كنتي عاوزاني اعمل ايه بعد ما خليتي العيلة كلها متجمعة واتكلمتي علي مريم مرات اخويا وانها بتداري علي اختها اللي مش كويسة انا بجد مش فاهم انتي كنتي عاوزاني اعمل ايه اسيب بيت اخويا يتخرب بسبب كلامك انتي عارفة اصلا حما يوسف اخويا لما عرف كان عامل ازاي انتي ازاي كدة بس
شادية بانفعال وهو انا قولت
حاجة غلط مش اختها دي اللي علطول مخبية وشها ومدارياه تحت النقاب وعاملة فيها شيخة بس بتشتغل لحد نص الليل ياعالم بتروح فين
فريد بيأس انتي زي ما انتي مش هتتغيري خربتي بيت يوسف وكنتي هتخليه يطلق مراته واهو اجبرتيني اتجوز واحدة مبحبهاش انا مش عارف انتي عاوزة تعملي ايه فينا تاني انا ماشي يا امي علي شغلي ومتنسيش ان اخر الاسبوع فرحي علي نغم اخت مريم وابقي اعملي اي حاجة من تصرفاتك عشان وقتها هتخسريني للابد
مشي فريد بعد ما قال كلامه ووقفت شادية متابعاه بغيظ وهي بتخبط بايديها علي صدرها لان خطتها باظت وبعد ما كانت عاوزة تخلي يوسف ابنها يطلق مريم بتصرفاتها هتخلي ابنها التاني يتجوز اختها
......................................
في بيت مريم كانت داخلة اوضة اختها نغم اللي كانت قاعدة سرحانة
مريم بابتسامة عروستنا قاعدة لوحدها يعني وسايبانا برة كدة كلنا
نغم بحزن عروسة انتي مصدقة نفسك يا مريم فاكرة انها جوازة بجد ولا ايه اومال لو مكنتش حماتك منها لله هي السبب
مريم بهدوء يا نغم انتي متعرفيش ربنا مدبرلك ايه مش يمكن دي بداية سعادتك مع فريد انا عارفة اني انا السبب وانك ملكيش ذنب في اللي حصل بس انا والله لو مش عارفة فريد كويس مكنتش وافقت اصلا علي اقتراحه ده هو عمل كدة عشان ينقذ سمعتك وسمعتي انا كمان
نغم بانفعال طب وانا ذنبي ايه هي حماتك وبتكرهك طول عمرها ليه تتكلم عني هي تعرف عني ايه اصلا بصي يا مريم انتي لازم تقنعي بابا اني مش موافقة عالجوازة دي انتي فاهمة انا يا ستي مش عاوزة اتجوز
مريم بحزن عندك حق انتي فعلا ملكيش ذنب بس انا كمان مليش ذنب اتجوزت يوسف عشان بحبه ويمكن دي الحاجة الوحيدة اللي مصبراني عالست دي معاملة يوسف ليا بس انتي ايه اللي يجبرك فعلا حاضر يا نغم هتكلم مع بابا واحاول اقنعه
نغم بندم متزعليش مني يا مريم انا مقصدش اجرحك انا بس مش عاوزة اتجوز اخو جوزك ده انا مليش ذنب في اي حاجة حصلت
مريم بابتسامة باهتة انا عمري ما ازعل منك يا نغم متقلقيش هتكلم مع بابا وان شاء الله خير
نغم بتردد وانتي عملتي ايه مع يوسف انتي لسة زعلانة منه هو ملوش ذنب يا مريم في اللي عملته امه وكفايا انك بعيدة عنه اهو وقاعدة معانا من وقت اللي حصل وكمان بيكلمك مبترديش عليه انتي بتعاقبيه ولا بتعاقبي نفسك
مريم بتنهيدة والله مبقتش عارفة حاجة انا يمكن بس كنت مستنية منه رد فعل اقوي من كدة هو اه مسكتش ووقفها عند حدها بس مش كفايا لازم يبقالي كرامة بقي انا تعبت
نغم بتكشيرة وهو كان هيعمل ايه بس يا مريم دي مهما كان امه تصرفاتها دي اكيد مضايقاه قبليكي وانتي خلاص عاقبتيه بما فيه الكفايا حرام عليكي بقي الراجل اكيد قلقان عليكي
مريم بتنهيدة هشوف يا نغم يلا اسيبك بقي واخرج اشوف بابا وماما
خرجت مريم ونغم بصت بعيد بتوتر وقلق وهي بتكلم نفسها وبتقول بصوت مسموع مش لازم الجوازة دي تكمل هتبقي مصېبة لو اتكشفت لا مش لازم يحصل ابدا
..........................................
تاني يوم كانت واقفة مريم ام الباب بعد ما فتحته واتفاجأت بيوسف قدامها
مريم بحزن ايه اللي جابك يا يوسف
يوسف بلهفة اخس عليكي يا مريم دي مقابلة تقابلي بيها جوزك حبيبك بعد تلات شهور بزمتك موحشتكيش
مريم بجمود وبعد ما اقولك وحشتني يا يوسف هتقولي نرجع طب وبعدين برضه ارجع تاني للذل والمرمطة ارجع للكلام اللي زي السم اللي بسمعه من امك في الرايحة والجاية
يوسف بخزلان هو ده اتفاقنا يا مريم منا قايلك من اول يوم ان امي صعبة مكدبت عليكي طلبت منك تستحمليها عشاني دي اخرتها
مريم پغضب لا استني هنا متكلمنيش بعتاب كأني اتخليت عنك انا لو مش بحبك وشارياك مش هستحمل امك تلات سنين وانت عارف كانت بتعمل ايه معايا كويس بس لحد امتي ولحد ايه يا يوسف لحد سمعتي وسمعة اختي لا معلش كفايا بقي اوي كدة
يوسف بحزن يعني ايه يا مريم انتي عاوزة تطلقي وتسيبيني
مريم بجدية لا يا يوسف انا مش هطلب الطلاق عشان لسة بحبك وشارياك بس مش هرجع بيت امك تاني لو عاوزني هخرج من هنا علي شقة برة والقرار في ايدك
يوسف بتردد ايوة يا مريم بس انتي عارفة اني مينفعش اخرج واسيب امي لوحدها في البيت وخصوصا ان فريد هيتجوز برة
مريم بتلقائية يبقي نخرج زيهم وامك تروح تشوفها وقت ما تحب وتبات كمان معاها لكن انا مش هدخل البيت ده تاني يوسف وبراحتك بقي القرار في ايدك
يوسف بص لمريم شوية بحيرة ومشي وهو بيكلم نفسه لانه عارف ان امه مش هتوافق ابدا علي حاجة زي دي ومريم كانت متابعة يوسف بحزن وقلق لانها عارفة انه قرار صعب بس هيحدد مصيرها مع يوسف وطريقة نظرتها ليه
......................................
نغم باندفاع انت اټجننت انا لا يمكن هعمل كدة انا لو صممت اكتر من كدة علي رفضي هيشكو فيا اقولك اعمل اللي انت عاوزه انا خلاص مبقاش يهمني حاجة وانا كمان اللي هروح اقولهم
كانت بتتكلم نغم بانفعال في الفون وكانت ايديها بتترعش من الخۏف والتوتر والقلق وكل شوية تبص حواليها پخوف
زين بسخرية ما بلاش الشجاعة المزيفة دي انا عارف انك مړعوپة وعموما براحتك بس زي ما قولتلك حمات اختك ما هتصدق تعرف عنك حاجة ولو روحت قولتلها ان الاشعات صحيحة وانك فعلا مش تمام ووريتها الصور ساعتها قولي علي نفسك وعلي اختك يا رحمن يا رحيم وابقي وريني بقي شجعاتك دي هتعملك ايه
نغم بخنقة انت عاوز مني ايه ايه مصلحتك في انك تدمر حياتي وحياه اختي وخصوصا انك متأكد ان الصور دي مزورة
زين بثقة ايوة هو ده السؤال الصح ايه مصلحتي اقولك انا بقي مصلحتي يا حلوة انك تكوني ليا مش بعد حب اربع سنين من بعيد لبعيد يجي هو ياخدك مني كدة بالساهل مش هيحصل يا نغم 
نغم بكره حب ايه اللي بتتكلم عنه هو في