عشق بالتبادل بقلم اسراء ابراهيم حصريآ علي موقع ايام

والله كويس بس يا تري اخدت رأي مامتك قبل ما تيجي وتقولي كدةولا جاي من وراها
يوسف بتكشيرةملوش لازمة الكلام ده يا مريم انتي للدرجادي شايفاني مش راجل ولا ايه 
مريم بحزن انا فعلا كنت هبلة وعامية عن حجات كتير يا يوسف وكل ده عشان بحبك اتنازلت عن حجات انا نفسي كنت بدأت اصدق انها مش من حقي وانت كنت شايف وعارف كل حاجة وللاسف ساكت بس خلاص يا يوسف انا مش هعمل عامية تاني وامك انا عمري ما هسامحها علي كل حاجة وحشة عملتها معايا وانت كمان مش هسامحك علي كل احساس وحش عشته بسببك
يوسف بلهفة مريم انتي ليه بتقولي كدة انتي عارفة اني بحبك
مريم پغضب والحب مش كل حاجة طب منا بحبك بس ده معناه اني اجي عليك اني معملش واجبي ناحيتك كزوجة انا قدمت كل حاجة انت بقي قدمت ايه انت كنت عارف ان امك بتيجي عليا وساكت كنت بعدي واقول مش مهم بس خلاص مش هعدي تاني يا يوسف وبالنسبة لورقة طلاقي ف زي ما قولت لمامتك انا عاوزاها بسرعة
يوسف پصدمة طلاق ايه مريم انتي بتهزري اكيد امي مقالتليش حاجة 
مريم بسخرية غريبة ده انا كنت فاكراها هي كمان بتحكيلك علي كل حاجة زي ما انت بتعمل معاها يا خسارة
يوسف بضيق من غير تريقة يا مريم ماما قالتلك ايه وامتي
مريم بجمود قالتلي انك حكتلها علي شرطي بخصوص الشقة عشان ارجع وانك مش بتخبي حاجة عليها واني مش هعرف اخليك تخرج عن طوعها وعشان كدة مجتش يوم فرح اخوك وانا قولتلها تبلغك اني عاوزة اطلق منك لاني كنت عارفة انك هتعمل كدة يا يوسف بس كنت بتأكد عشان اكرهك اوي واقدر ابعد عنك عرفت قد ايه انت قليل يا يوسف وانا فعلا ندمانة اني حبيتك واتجوزتك
يوسف بخزلان للدرجادي شايفاني مش راجل يا مريم طب علي فكرة انا مقولتش لامي هي سمعتني وانا بتكلم مع فريد وتقدري تسأليه اما بقي بالنسبة لاني مجتش يوم فرح فريد فده لاني كنت مضطر اطبق ومكنش ينفع اسيب الشغل اليوم ده وبخصوص نظرتك ليا فدي مش هقدر اغيرها واعتقد انتي عندك حق احنا فعلا لازم نطلق 
٤
خلص يوسف كلامه وساب مريم ومشي ووقتها مريم دموعها نزلت بحزن وحيرة
.........................................
فتحت نغم عنيها وفاقت ولما استنبهت انها في اوضتها اتحرجت لانها فهمت ان فريد هو اللي شالها وډخلها اوضتها فقامت غيرت هدومها ولبست بيجاما بيتي وخرجت فكانت قمر اوي كانت بتدعي ربنا ان فريد يكون مشي لانها مش عاوزة تختلط بيه ويسمعها كلام زي اللي قاله ليها امبارح وفعلا دخلت المطبخ وبدأت تعمل فطار لانها كانت جعانة اوي وشوية و سمعت صوت فريد من وراها
فريد بهدوء صباح الخير
نغم مردتش علي فريد واتجاهلته فاضايق فقرب منها وهو بيسمكها من دراعها بضيق وهو بيلفها ليه هو انا مش بكلمك
نغم كانت باصة لفريد بحزن وردت بضيق انا مش عاوزة ارد انا حرة وانت ملكش دعوة بيا انت فاهم
فريد بتوتر وهو مركز في عيون نغم انا غلطان اني بعاملك كويس انتي فعلا تستاهلي انك
نغم بمقاطعة وفر علي نفسك الكلام اللي بتقوله يا فريد ولو سمحت كفايا كدة انا مش هسمحلك تهيني تاني وم مجبرة ابررلك اني مش وحشة ولو انت واخد عني فكرة بروزها مش يهمني حاجة واقولك اعتبرني مش موجودة اصلا في البيت
فريد نفخ پغضب وكان هيرد بس تليفونه رن فرد اهلا يا طنط نبيلة
نغم ابتسمت بفرحة ماما هات التليفون بسرعة
شدت نغم الفون من ايد فريد واتكلمت بفرحة وكان متابعها فريد پصدمة ايوة يا ماما وحشتيني اوي بجد انتي جاية في الطريق ده اجمل خبر ومريم كمان معاكي طب هستناكو يلا سلام
قفلت نغم الفون واديته لفريد اللي كان بيبصلها پغضب انتي ازاي تاخدي الفون من ايدي كدة 
نغم ببرود عشان دي مامتي انا اللي بتتصل وبعدين متزعلش هبقي اخليها ترن علي تليفوني انا بعد كدة يلا ممكن تهويني بقي عشان الحق اعملهم اكل
فريد پصدمة اهويكي انتي واعية للي بتقوليه 
نغم بسخرية ليه حد قالك اني مغيبة ايوة واعية ومتفتكرش ان كلامك اللي قولته امبارح ده هيأثر عليا طالما انا عارفة انا ايه واخلاقي مش هيهمني رأي واحد زيك وانت مسيرك تعرف الحقيقة لكن انا مش مجبرة ابررلك واشرحلك ممكن بقي تخرج عشان اعرغ اشتغل
فريد بض لنغم بڠصب وسابها وخرج من المطبخ ووقتها اتنهدت نغم بحزن وبدأت تعمل الاكل
...............................................
كانت قاعدة نغم مع اهلها بيضحكو كلهم وكانت نبيلة سعيدة انها اطمنت علي نغم لانخا كانت خاېفة ان فريد يعاملها وحش بس الحقيقة انه انسان كويس بس كانت قلقانة شوية لان فريد يعتبر مكنش بيتعامل مع نغم خالص وكان بيتكلم معاهم هما بس وفريد لاحظ نظراتها ليه ولنغم فقام قرب من نغم اللي اټصدمت لما لقته بيحاوطها بايديه
فريد بابتسامة ايه يا حبيبتي مش هتعمليلنا اي حاجة نشربها بعد الاكل الحلو اللي اكلناه ده
نغم بخجل وتوتر ااه حاضر هروح اعمل حالا اهو
قامت نغم من مكانها بس في نفس الوقت الجرس ضړب فكانت هتروح تفتح بس اتفجأت بفريد بيمسكها من ايديها
فريد باندفاع استني رايحة فين 
نغم بتلقائية انا هشوف الباب 
فريد بغيرة انتي هتفتحي الباب كدة افرضي راجل ولا حاجة وبعدين حتي لو واحدة برضه متفتحيش كدة
ابتسمت نبيلة براحة جوزك عنده حق يا نغم انتي ناسية انك منقبة كمان لا ايه
نغم باحراج انا مجاش في بالي عموما انا هروح اعمل العصير وانت افتح يا فريد
فريد بابتسامة واسعة تمام 
دخلت نغم المطبخ وراح فريد يفتح بس اتفاجأ بامه هي اللي بترن الجرس
شادية بصوت عالي ايه كل ده عشان تفتحو الباب ولا قاصدين تسيبوني عالباب يا سي فريد
فريد بتنهيدة ليه بتقولي كدة يا امي بس وبعدين منا فتحت علطول
شادية بسخرية ايه ده الحبايب كلهم هنا اهو
نبيلة بضيق اهلا يا ام فريد اتفضلي ياختي
شادية ببرود وهي بتقعد طب منا هتفضل من غير ما تقولي يا حبيبتي ده بيت ابني يعني اقعد براحتي
نبيلة اضايقت ومريم كمان بس اتفاجأو برد فريد وده بيت بنتهم برضه يا امي فيجو اي وقت ويباتو كمان ولا ايه يا ام فريد
ابتسمت نغم بتلقائية من رد فريد وهي واقفة وراه وشايلة صنية العصير
شادية بغيظ ايوة طبعا
نبيلة بابتسامة يسلم زوقك يا فريد يا ابني انا بقول نقوم احنا بقي
نغم بلهفة لا يا ماما رايحة فين العصير انا عملته اهو
شادية بسخريةيظهر انك معلمتيش بنتك الاصول يا نبيلة عشان تشوف حماتها ومتسلمش عليها
نغم ببرود بالعكس انا امي مربياني كويس يا حماتي عشان لو هي مش مربياني كويس انا كنت رديت عليكي وقت ما قولتي كلام افترا عليا
نبيلة بجدية خلاص يا نغم يا بنتي الصفحة دي اتقفلت وانتي اهو متجوزة راجل زي الفل
شادية پغضب لا والنبي سيبيها تيجي تاخدني قلمين ماهو لو جوزها مسيطر مكنتش قدرت تقول كدة لامه