اسكريبت كامل حواديت بقلم مريم وأدهم

في الكافية
متشكرة.
كمل ببساطة
أنا اللي بشكرك.
على إيه!
ضحك بهدوء
على إني أخدت من بعدك لقب عريس الغفلة.
شهقت پصدمة وقمت وقفت.. كنت ناوية أمشي مرة تانية بس وقفني صوته
هتهربي تروحي فين وأحنا مفيش غيرنا يا مريم! متقلقيش ولا هرجعها ولا هرجعك أنا مش عيل.
بصيت له بهدوء
أنا مكنتش أعرفك صدقني مكنتش عارفة أي حاجة عنك غير إنك الشخص اللي هيسحب مني روحي.
غمض عيونه وابتسم بهدوء
عندك حق كان عندك حق.. امشي.
بصيت له بعدم فهم فكمل
لو اتمشيت هتخفي شوية تعالي نتمشى.
حركت راسي بهدوء فمشيت ومشي جنبي.
أنا مبكرهش الليلة دي أنا بحبها..
كملت بهدوء
خلصت من زن طفلة كانت هتدخل بيتك هتشيلك فوق طاقتك.
حرك راسه بهدوء
دي وجهة نظر بس الطفلة دي فوقتني.. 
بصيت له بإستغراب
فوقتك لأيه!
لأن الدنيا فيها حاجات تتعاش تستاهل نحاول وننجح فيها في الوقت اللي وقفت فيه عند الثانوية وكنت هتجوز بنت لسه مدخلتش أولى ثانوي واستسلمت للأمر الواقع البنت دي هربت من بيتها وقلبت الدنيا وسابتني وسابت كل حاجة علشان تعليمها.
أبويا وأمي كويسين يا أدهم
أتنهد وكمل
كويسين بس أبوكي جاله أزمة يومها وتعب.
بصيت له بقلق
تعب ازاي
جاله سكتة قلبية بس قام منها.. بس قلبه تعبان.
غمضت عيوني وأنا بدمع
أنا أسفة إني شقلبت حياتكم.
قاطعني ببساطة
أنت شقلبتيها فعلا أبوكي مش زعلان منك بس نفسه يشوفك وحشاه يا مريم.. وأنت مشيت ومرجعتيش من وقتها بس لو مكنتيش مشيت مكنش زمانك فاتحة أكبر شركة عمارة وديكور في اسكندرية وليك مشاريع اونلاين كمان.. ومكنش زماني فتحت كافية ليه اربع فروع في مصر.
ابتسمت بإعجاب
كملت دراستك
حرك راسه بهدوء وكمل
دخلت تجارة واتخصصت إدارة أعمال يا ست الكل.. وأديني زي ما أنت شايفة فتحته في بلدنا عادي واتوسعت وفتحت هنا كنت جاي زيارة زي ما بروح باقي الفروع.
أول مرة
حرك راسه بلأ
أسكندرية متتزارش مرة يا مريم أغلب وقتي في الشتا هنا.. في الصيف زحمة أوڤر بصراحة.
حركت راسي بضحك
عندك حق.. 
تحبي أعزمك على كوباية هوت شوكليت في الجو ده
مش قادرة سايبة المكتب كمان.. فمضطرة أمشي عن إذنك.
كمل ببساطة وهو بيمدلي الكارت بتاعه
ده كارتي لو أحتاجت حاجة أنا معاك.
بصيت للكارت ببساطة وكملت
مش باسم عيلتنا ليه
كمل ببساطة
وشركتك مش باسمها ليه
كنت عايزة يبقالي اسم ليا بتاعي أنا..
كمل ببساطة وهو ماشي
بالضبط كده.
كنت ساندة راسي على المكتب وحضرتها زي النحلة بتلف حواليا نحلة زنانة جدا!
يعني دلوقتي أول حد لاقاكي هو اللي كنت هربانة منه
رفعت راسي وكملت
نسيب مشاريعنا وأشغالنا يا رحمة ونقعد نفكر في حل
كملت بتوتر
طيب أفرضي طلع بيكدب عليك وبيجرجرك وهيروح يجيبهم ويجوا بالتبنجات هنا ويته..
قاطعتها وأنا بحاول متعصبش
بس يا رحمة هم مش مجر مين! أنا قلتلك مكنوش على علم كافي بس! أهدي بقى وارحميني.
قعدت وكملت
أنا هادية بس خاېفة عليك يعني..
ضحكت بهدوء
رحمة أنت خاېفة منهم بجد
مش عايزاكي تمشي يا مريم أحنا كملنا سوا بدأنا كل حاجة سوا كملناها سوا.. بدأنا من تحت الصفر وكملنا مع بعض للنهارده هو 13 سنة قليلين يا مريم ده من وأحنا في اولى ثانوي وأحنا ناويين نبدأها جد علشان نوصل لهندسة ولولا إن خالتك وافقت تساعدك وتخبي على الكل مكنش زمانك بعدت كل ده!
قمت وقفت پصدمة
طيب صحيح هقولها ازاي إن أدهم عرف مكاني
غمضت عيونها بزهق
مش عارفة بس ممكن تعرفيها اللي حصل.. هي كده