اسكريبت كامل حواديت بقلم مريم وأدهم

بشك بسيط
بابا تعبان فعلا
حرك راسه بآه بزعل بسيط كمل بهدوء
كلهم عارفين إنك رايحة أنا اديتهم خبر.
حركت راسي بتفهم حوالي عشر دقايق ووصلنا لباب البيت كان الكل واقف مستني معرفش الحقيقة مستنين مين! ولا مستنين ليه.. بصيت لهم پخوف ورجعت خطوتين لورا فمسك إيدي بهدوء واتحرك بيا.
وسعوا الطريق يا جماعة!
خبط خبطتين على الباب كنت حاطة راسي في الأرض وشديت إيدي من إيده.. فلقيت حد حوالي 15 سنة خارج على الباب كانت بنت زي القمر! وشبهي
خالتي! ياما.. ياما خالتي رجعت.
بصيت لها پصدمة وعيوني دمعت فلقيتها دخلت لحضني
أنا بحبك أوي كان نفسي أشوفك أنت قدوتي في الحياة.. في النجاح.
ابتسمت وشددت على حضنها
كبرت أوي يا رهف! كبرت مۏت.
ضحكت بخفة
وأنس كبر وأمي كبرت وستي وجدي.. كلنا كبرنا وأنت كمان كبرت عن الصور وبقيت زي القمر.
ضحكت بخفة فلقيت رنا قدامي بصتلي وعيطت فأترميت في حضنها
يا قلبي عليك يا مريم! كبرت يا نن عيني كبرت وبقيت زي القمر كبرت يا حبيبة أختي.
كنت بعيط في حضنها عياط عيلة عندها 15 سنة بتهرب من الجواز وخاېفة تروح من حضڼ أهلها ومضطرة.. مضطرة تروح.
حقكم عليا والله حقكم عليا مكنش قدامي حل تاني.. أنا آسفة!
باستني في خدي وكملت
عارفة إنك أسفة أدخليله يا حبيبتي.. هو مستنيك.
إحساس إنك ترجع وطنك سكنك ومسكنك بعد غياب سنين كأن كل الهوا كان رايح وفجأة بتلمس الزرع بتلمس الهوا كأنك طير وخرج من عشه كنت بقدم رجل وبأخر التانية دقات قلبي سريعة.. خاېفة! وزعلانة مكنش ينفع مكنش ينفع أغضبهم عليا سنين!
بابا ماما..
كانت قاعدة جنبه وماسكة إيده متحركتش من مكانها.. فضلت ساكتة وثابتة كنت شايفة دموعها نازلة على إيده قربت وحطيت إيدي على كتفها فصوت عياطها زاد.. قربت منه وقعدت جنبه حطيت إيدي على إيده وأنا بعيط كأني بتمنى من قلبي يصحى وبس يقولي إنه مسامحني! يقولي إنه بيحبني وكان مستنيني لمست خده بأشتياق ففاجئتني عيوني ودموعي نزلت بغزارة غزارة متوقعتهاش في يوم!
حقك عليا يا روح قلبي! حقك عليا سامحني.
اترميت في حضنه كأني تايهه من سنين تايهه ويدوب وصلت محطتي الأخيرة هنا.. زي ما بدأتها هنا نهيتها هنا.. نزلت على إيدي دمعة من عيونه كان بيهمس همس سمعته
سامحيني يا بنتي.. مكنش ينفع أغصبكم على حاجة سامحيني.
كان بينطقها بصعوبة كل حرف بياخد دقيقة شددت على ضمته وكملت
سامحني أنت يا حبيبي سامحني أنت.. والله أسفة حقك عليا يا بابا عارفة إني مشيت وقطعت بيكم بس صدقني غيابكم كان فارق كان دايس على قلبي لا يوم عدا بخير ولا عيوني شافت نوم أنا غلطت.. كنت خرجت وقفت الجوازة ولا إني مشيت حقك عليا يا روح قلبي.
فضل حاضنني كتير ثواني ولقيت ماما ماسكة إيدي وبتحضنني يارب! يارب الزمن يقف وأفضل في حضنهم هفضل العمر كله أصلي وأدعي يسامحوني وتسامحني على وجعهم! بس يقف وميمشيش يارب أبويا يخف.. يارب أعيش معاه اللي فات واللي جاي واللي راح.
البقاء لله!
صوت صريخهم وجعني يمكن لأن كلهم عرفوا يصرخوا وأنا صړخة قلبي كانت جواه.. حتى وقت ما لاقوني راح مكتوب على قلبي نعيش ناقصين دايما! يارب.. يارب يسامحني.
كنت بعيط في صلاتي بتمنى ربنا يتقبل بتمنى تعدي وأطلع بحلم بتمنى يطلع كابوس.. يمكن العيب فيا ومني!
مريم أنت بخير يا حبيبتي!
كنت واقفة في الشباك باصة للسما يمكن تتكلم وتشرحلي ليه كل ده حصل