سيطرة المشاعر بقلم زهرة الربيع من الفصل الأول حتي التاسع

بنت السواق
مشاعر بصتلو پصدمه كانت دي اول مره يكلمها كده وقالت پغضب وحده...السواق ده انضف منك وعيشته اكرم من عيشتك...على الاقل عمره ما كان ينكر الجميل....ومتنساش يا سليم بيه طلعت ولا نزلت هيفضل كرمه دين في رقبتك...ابويا انا السواق ماټ علشان يحمي حضرتك ياباشا..ماټ وهو واقف قدامك وفداك بروحه ولا نسيت
سليم حاول ميبينش تأثره بكلامها ودموعها وقال...منسيتش طبعا..بس كل اللي قولتيه ده ميغيرش حقيقة انو سواق..انا مقولتش حاجه غلط..هو عمل موقف شهم معانا وكان يستاهل عليه مكافاه كويسه ...ولانك بنتو الوحيده وعلشان اردله الدين اتجوزتك كده خالصين وذياده
مشاعر نزلت دموعها وقالت...ياريتك كنت قولتلي كده من الاول.... لكن لعبت عليا دور العاشق وانا الهبله صدقتك
سليم ابتسم بسخريه وقال..قولتيها بنفسك..هبله ...ده مش ذنبي ...المهم انا مش جاي علشان اتساير معاكي .. جيت

اسألك سؤال واحد.... كتبتي ابني ازاي على اسمي من غير وجودي...حاليا مفيش طفل بيتكتب من غير علم ابوه او حد من اهله ..كتبتيه ازاي
مشاعر بصتلو بتوتر وفضلت ساكته
سليم ابتسم بسخريه وقال..هو السؤال صعب للدرجه دي
مشاعر قالت بضيق..لا مش صعب... اتصرفت...مش انت ديما تقول اللي يدفع ميتوهش
ضحك بسخريه وقال...وانتي حيلتك ايه تدفعيه يا مقشفه ...وبصلها من فوق لتحت بوقاحه وقال...محلتكش غير جسمك ومعتقدش العمله دي تنفع في موضوع زي ده...المهلبيه مبتمشيش في الاوراق الحكوميه
بصتلو پغضب وغيظ من وقاحته وقالت بنفاذ صبر..اطلع بره..اطلع بره متعليش صوتي مش عايزه افزع الولد.. يلا اطلع
سليم اتنهد وقال...على العموم كنت متاكد مش هاخد منك اي اجابه ...بس كل اسألتي هعرف اجابتها بنفسي... اسيبك انا لخصوصيتك ..بس خدي بالك متناميش على السرير لاحسن يفكرك بخصوصيتنا سوا
ولسه هيطلع مشاعر قالت بسرعه...هو انت ...انت ليه مسألتنيش هربت ليه
سليم حط اديه في جيوبه وقال من غير ما يبصلها ...لو سالت هتجاوبي
كټفت اديها وقالت پغضب..لا طبعا
ابتسم بسخريه وقال...يبقى ملوش لزوم اسأل..انتي عارفه بصدع بسرعه....و زي ما قولتلك اسالتي هعرف اجيب اجابتها بنفسي
قال كده وخرج وهي قعدت على السرير پغضب وغيظ شديد
سليم كان هيروح ينام شويه بس افتكر شغل مهم لازم يعمله نزل ونادى على واحده من الخدم وقالها شوية تعليمات ولسه هيخرج كان فيه شاب في العشرينات بينضف في البيت
سليم اول ما شافه اتخنق قرب منه وقال بضيق....انت ايه الي جابك تاني
الشاب بصلو وابتسم ببرود وقال....سمعت ان اختي رجعت البيت وجيت اشوفها.... وطلبت من نادر بيه ارجع الشغل وقالي مفيش مشكله
سليم بصلو پغضب شديد وقال بټهديد ...نادر بيه اه...طيب للمره الالف ياحبيبي بلاش انا...بلاش انا بذات نابي ازرق وهيوجعك ماشي يا حلو
الشاب ابتسم ببرود وقال....والله يا سليم باشا محدش عارف ..وقت الجد الكل بيطلع عندو انياب ويمكن نابي يطلع بيوجع اكتر مين عارف
سليم بهتت ملامحه وحاول يسيطر على غضبه بالعافيه وخرج وهو متعصب جدا
فوق عند مشاعر كانت شايله ابنها و بتبصلو بدموع وبتبوسه بحنيه لما سمعت الباب بيخبط
قامت فتحت وكانت الخدامه قالت بتوتر...مشاعر هانم بستأذنك تسيبي الاوضه دي معلش وتروحي الاوضه الصغيره اللي جمبها
مشاعر بصتلها باستغراب وقالت..ليه ...هتعملو تجديد يعني ولا ايه
الخدامه بلعت ريقها وقالت بتوتر.....لا حضرتك خدي كل حاجتك لانك هتنقلي.... سليم باشا قال انضف الاوضه دي لان المدام الجديده عايزها وقال حضرتك تروحي الاوضه التانيه دلوقتي لانها هتيجي معاه بالليل بعد ما يتعشو تشوفها وتصورها علشان الديكور
مشاعر اټصدمت باللي بتسمعه واحتدت عنيها پغضب ميتوصفش ووووووو
سليم بيه بيقولك تفضي الاوضه لمراته الجديده هي عايزاها واختارتها...ولازم حضرتك تروحي الاوضه الثانيه
مشاعر بصت لها بذهول وقالت بانفعال... نعم.... هو قالك كده
الخدامه بلعت ريقها وقالت بتوتر .... اه والله يا هانم ....معلش طاوعيه دي شكلها عين و صابتكم والله ..بكره يعرف قيمتك ويرجعلك
مشاعر كانت هتتجنن من وقاحة سليم معاها ومتأكده انه قاصد يزلها وبس قالت پغضب...طب اسمعي يا ابتسام لما يجي الباشا قولي له اني مش هسيب اوضتي لاي حد...والهانم بتاعته تشوف لها اي اوضه تانيه وقوليلو يتقي شړي هو عارفني كويس
ابتسام اتوترت قوي و لسه هتتكلم مشاعر قالت بسرعه..... ما تخافيش... انتي ملكيش دخل بكل ده... انتي وصليلو الرساله وبس
ابتسام قالت بتوتر.... اصل يا هانم هو...احم هو هيجيبها معاه علشان تشوف الاوضه...ينفع يعني اقوله كده قدامها 
مشاعر ابتسمت بخبث وقالت.... وده المطلوب قولي له عادي ....و قولي له كمان كل واحده تقعد في الاوضه اللي تليق بيها والاوضه الصغيره كتيره قوي على مراته الجديده
الخدامه هزت راسها بيأس ومشيت
ومشاعر قفلت الباب بغيظ وقالت.... ماشي يا سليم ....بسيطه ومسكت التليفون عملت مكالمه وقالت...خالد عامل ايه ياحبييي ... انا مشاعر.... اخبارك ايه وحشتني قوي
وسمعتو شويه وقالت.... ايه ده بجد انت تحت
وكملت باستغراب وقالت ....وسليم شافك .....يعني هو موافق انك تفضل هنا في الفيلا
وسمعتو شويه وقالت.....طب بقولك ايه ..انت وحشتني مۏت اطلع عايزاك ضروري 
وقفلت التليفون وابتسمت بخبث
عند ادهم بلع ريقه بتوتر من زعيق رحمه في التليفون
اول ما عرفت انو هو اللي بيكلمها بقت تزعق وټشتم ومش قادر يهديها قال بتوتر شديد.....يا انسه اهدي شويه هنتفاهم.... اقسم بالله انتي فاهمه غلط ....انا بس كنت.....
لكن للاسف ما استنتوش يكمل وقالت پغضب شديد....عارف لو اتصلت هنا تاني ياحيوان هعملك محضر ازعاج وامرمطك ....متفتكرش اننا علشان سكتنا مره هنسكت كتير...عالم وسخه
قالت كده بمنتهى الانفعال ...وقفلت السكه في وشه
ادهم داس على اسنانه بغيظ شديد وقال لنفسه.... انا الغلطان ...عيل رخيص اصلا ....هو مين يتصل على مين 
وحط التليفون في جيبه وطلع بضيق شديد ساب البيت كلو وخرج و لسه هيركب عربيته اتفاجئ بعربيه ميرا ..ونفخ بضيق شديد
ميرا نزلت واتقدمت عليه بسرعه وقالت .....كويس اني لحقتك محتاجه اتكلم معاك و.. يا خبر ايه اللي في وشك ده مين بهدلك كده
ادهم اتنهد وقال ...عادي حاډث بسيط
ميرا شهقت پخوف وقالت ...حاډث...ومقولتليش ليه يا ادهم
ادهم اتنهد وقال پخنقه....جايه ليه يا ميرا
ميرا حمحمت بحرج وقالت...تمام....ممكن نروح اي كافيه نتكلم
ادهم قال بضيق.....بس انا قولتلك مفيش حاجه بينا تتقال لو سمحتي كفايه كده
ولسه هيركب عربيته مسكت ايده وقالت بسرعه ودموع ....يا ادهم ارجوك خلينا نتكلم مره واحده .... لو سمحت
ادهم مسح على وشو پخنقه وتعب وقال.... طيب اتفضلي نتكلم جوه
ميرا قالت بسرعه.... لا فيه كافيه قريب حلوه قوي تعالي نقعد فيه علشان ناخد راحتنا
ادهم هز راسو بالموافقه وقال....تمام ... بس بسرعه علشان انا متاخر اصلا
ميرا ابتسمت بحماس وسعاده وطلعو هما الاثنين في العربيه
عند سليم كان في الشركه بيكلم طه وقال بجديه .. تغطس وتقب وتعرفلي مين اللي كان بيساعد مشاعر ومين كتبلها الولد ....عايز كل اخبارها من لما اختفت لحد ما لقناها فاهم
طه قال بسرعه...تحت امرك
سليم قال وهو بيخلص الورق اللي قدامه...ها قولي خدت سلفه ليه
طه قال بتوتر...اصل يعني ...
وشاور بايده على بطنه علامة قوس
سليم بصلو بسخريه وقال..ايه ده عندك انتفاخ
طه قال بسرعه..لا ياباشا ... حامل
سليم قال بتريقه..ايه ده بجد.... طب جيت الشغل ليه

مش كنت ترتاح الفتره دي
طه قال بسرعه...لاياباشا مش انا... دي المدام..حامل هيجيلنا سليم صغير
سليم ضحك بخفه وقال...طيب ربنا يقومها بالسلامه ياسيدي..وبطل هطل ولما تحتاج فلوس تيجي تقولي وتاخد اللي عايزه كله ....بلاش شغل الرسميات ده
طه قال بحرج...مهو الواحد محرج منك ياباشا ....خيرك مغرقنا
سليم قال بسخريتو المعتاده..معلش تعالى على نفسك واشتريلك عوامه...يلا خد الورق ده خلص وعدي على الخزنه خد اللي تحتاجه
طه ابتسم بامتنان وقال...ربنا يخليك لينا 
ولسه هيخرج افتكر حاجه ورجع وقال بتوتر...اه صحيح حازم بيه بره
سليم نفخ بضيق وقال. ... خليه يدخل
طه خرج وسليم ابتسم بسخريه وحزن.... اللي قاله طه فكره بوقت ما عرف ان مشاعر حامل ...كان اسعد ايام حياته ...فكر وخطط ورتب ازاي هيوثق كل دقيقه من حملها.... ويعيش مع ابنه كل لحظه حتى قبل ولادته..... بس كل ده اتبخر فجأه في نفس الاسبوع اللي عرف فيه بحملها صحي ملقهاش
فاق من شروده على دخول راجل في ال 50 سلم عليه پخنقه وقال ...مبروك رجوع المدام..و مبروك عليك البيبي كمان
سليم ابتسم بسخريه وقال... الله يبارك فيك يا حازم بيه... لو جاي علشان الموضوع ده فانا وضحت لبنت حضرتك اللي حصل ...
بس حازم قاطعه وقال بمكر ...لا انا مش جاي علشان الموضوع ده انا جاي اراجع الاوراق والحسابات واشوف شركتي.. هو انا مش ليا النسبه الاكبر هنا في الشركه ولا ايه ...ولا علشان انا سايبك تتصرف زي ما انت عايز براحتك وبقول نسيبي وجوز بنتي وما تفرقش يبقى مليش الحق اجي افتش
سليم ضحك وقال... اكيد ليك الحق... وكل الحق ...حالا نخلي الشباب يجيبولك كل الاوراق ....ولو اني شايف ان الكلام ده ملوش لزوم بينا لان كل واحد فاهم قصد التاني كويس
حازم قال بسرعه .......عليك نور كل واحد فاهم التاني كويس.....والكلام اللي انت قولتو لغاده ما يدخلش زمتي بمليم .....كل الدنيا عارفه حضرتك كنت بتحب مراتك القديمه ازاي ما توهمنيش انك هتقعد معاها في بيت واحد بس علشان ابنك ومش هيبقى في بينكم اي حاجه تانيه
سليم رجع على الكرسي لورا وابتسم بسخريه وقال.... وافرض كان فيه..... ايه المانع ان الواحد يبقى متجوز اتنين او ثلاثه مدام هيعدل بينهم وهيبقى قد المسؤوليه ايه المشكله
حازم ابتسم بسخريه وقال.... المشكله انه مش هيبقي في اي عدل ....متحاولش تفهمني انك هتعامل غاده بنتي زي ما هتعامل مراتك الاولى .... وهفترض ان كلامك صح ايه اللي يجبر بنتي تتحمل واحد متجوز قبل كده ومخلف اديني سبب واحد
سليم ابتسم وقال بثقه...بنتك هتتجوز سليم النمس...... السبب ده مش كفايه
حازم ضحك وواقف قفل بدلته وقال بجديه....هديلك اخر فرصه يا ابن النمس....و ما تنساش ان كروتك الصفرا خلصت معايا..... هسيب الجوازه تتم علشان بنتي مصره عليها لانها للاسف بتحبك...... بس مش محتاج اقولك لو اتاذت منها شعره واحده في الجوازه دي انا هعمل ايه
سليم كتم غيظه بالعافيه وقال..... ما تقلقش يا حازم باشا ان شاء الله بنتك هتبقى مرتاحه.... انا ومشاعر مبقاش في بينا اي حاجه.... وبنتك هتكون الاولى والاخيره حتى لو كنت متجوز 10 غيرها
حازم ابتسم بسخريه وقال .....هنشوف ....الايام هتكشف كل حاجه
قال كده ومشي و سليم دفع كوبايه القهوه من قدامه وقعها على الارض كسرها پغضب شديد وغيظ من تهديداته الواضحه اللي ما قدرش يرد عليها
عند مشاعر كانت رايحه جايه في الاوضه پغضب والباب خبط جريت فتحت وكان خالد
حضنته وقالت بسرعه ودموع .....وحشتني يا حبيبي.... وحشتني قوي
خالد بقى

يحضنها بقوه وقال... انتي وحشتيني اكتر يا اغلى اخت في الدنيا
مشاعر ابتسمت و لسه هتبعد من بين