سيطرة المشاعر بقلم زهرة الربيع من الفصل الأول حتي التاسع

بص لمشاعر پغضب وعند وقال ....بس انتي اخترتي الاوضه دي وهتاخديها
غاده قالت بسرعه علشان تلم الموقف ....انا اخترتها لما كانت فاضيه...بس دلوقتي صاحبتها رجعت خلاص... مش مشكله ناخد غيرها
سليم بص لمشاعر بتحذير وقال..... لا يا عمري هي هتخرج.... مشاعر عاقله وعارفه ان الافضل ليها انها تسمع الكلام... اهو على الاقل تفضل مع ابنها ولا ايه يا شوشو
مشاعر بصتلو پغضب وعند اكبر وقالت..... اعلى ما في خيلك اركبه..... ومش هخرج
ولسه هتقعد على السرير مسكها من معصم ايدها پغضب وقال .....شكلك مصره اطلعك بايدي ....اقول ايه عمرك ما اتعودتي على الذوق
وشدها بقوه من ايدها عايز يطلعها بره الاوضه
غاده اټصدمت جدا باللي بيعمله وحاولت توقفه بس مكانش بيسمع منها 
ومشاعر بقت تحاول تفلت من ايده بس طبعا كان اقوى بكتير منها فضل يجرجرها لحد ماوصلها عند الباب فقالت بسرعه... طيب خلاص..... سيب ايدي.... سيبني هاخد هدومي وابني وامشي
سليم قال بضيق...خدي الولد وغوري ... وهبقى اخلي الخدامه تجيبلك هدومك
مشاعر قالت بدموع .....لا انا عايزه اخدلي لبس.... مش معايا اي حاجه البسها..... معلش تعالى لنفسك انت والسنيوره واستنوني بره خمس دقائق اخد حاجتي
سليم لسه هيتكلم غاده

قالت بسرعه.... طيب.... بسيطه يلا يا سليم.... يلا علشان خاطري
واخذته وطلعوا بره بالعافيه
مشاعر ما صدقت انهم طلعوا ونزلت دموعها بحسره مش مصدقه ابدا المعامله اللي بيعملها بيها.... حاجه صعبه ومش متعوده عليها ابدا منه 
جابت شنطه صغيره وخدت شويه هدوم 
ومسحت دموعها بقوه وابتسمت بخبث وهي بتبص على صندوق خشب حطاه جنب الدولاب
اما عند رحمه كانت مش مصدقه عيونها اټصدمت جدا بوجود ادهم ...دفعتو و بعدت عنو بسرعه وهي بتبصلو بذهول شديد
ادهم بلع ريقه بتوتر وقال ....طبعا انا لو قولتلك اني ما قصدتش ....مش هتصدقي
رحمه بقت تبص له پغضب شديد وقالت..... لا هصدق...و متوقعه منك اي حاجه ....طبيعي طالما ما اخذتش عقابك على اللي عملته الاول ...اكيد هتتجرا تاني وتالت
ادهم اتنهد وقال...... يا انسه اقسم لك بالله اني في المرتين كان قصدي اسندك مش اكتر
رحمه هزت راسها وقالت بسرعه....... اه طبعا واخده بالي.... انت وكل الرجاله معروفه شغلتكم تحمونا وتاخدوا بالكوا علينا امال ايه .......تعرف انا مش جديد عليا وقاحتك.... عدى عليا من عينتك كتير قوي
وكملت بزعيق وقالت ....بس اللي جديد عليا و مش مصدقاه انك قادر تيجي تقف قدامي تاني يا بارد يا تلم ياللي ما عندكش ريحة الډم
ادهم اتوتر قوي ......لما لقى صوتها ابتدى يعلى تاني وقال بسرعه.... طيب ....طيب اهدي.... اديني بس فرصه اوضحلك اللي حصل و.....
رحمه قاطعتو وقالت پغضب شديد.....لا استنى عليا انا اللي هوضحلك 
واټصدم لما بقت تنادي على الامن پغضب وقالت.....السكيورتي فين ...منعم انت يا زفت
دخلو اتنين شباب بسرعه ورحمه بصتلهم پغضب وقالت.....ازاي تسمحوا لاي حد يدخل بالشكل ده...... البني ادم ده قليل الذوق واتعدي عليا خرجوه بره
ادهم قال بقلق.....ياجماعه والله في سوء تفاهم
بس رحمه قالت بسرعه وڠضب........ لا مفيش سوء تفاهم ....ده بني ادم قليل الادب وممنوع يدخل هنا تاني ..يلا طلعو يا منعم مستني ايه
منعم قال بجديه..... اتفضل معانا حضرتك.... اتفضل لو سمحت من غير مشاكل
ادهم لسه هيتكلم منعم ميل عليه وقال بهمس..... اتفضل معانا يا بيه...و صدقني احسنلك ما تتعاملش معاها خالص انت شكلك ابن ناس متجبش لنفسك البلاوي
ادهم مستغرب اكتر واتنهد ومشي معاه و عند الباب قبل ما يطلع بصلها وقال بمعاكسه..... طب على فكره بقى انتي جامده من الاخر ....وزي القمر ....ومزه كمان ايه رايك بقى..... ويلا بينا يا منعم 
وخرج بسرعه هو والامن اللي كانوا بيضحكوا على كلامه
رحمه بصت لطيفه بدهشه وذهول من الكلام اللي قاله وظهرت ابتسامه على شفايفها ڠصب عنها وقالت....مچنون ده ولا ايه
في البيت كانو هدى ونادر قاعدين سوا وهدى قالت بحزن.....شايف اللي بيعملوا ابنك في الغلبانه مراته..عاجبك كده ...ماشي صحيح هي غلطت ...وغلطت قوي بس مش لدرجه المعامله دي....معقوله بعد كل الحب اللي كان بينهم يزلها كده..... حبكت الاوضه اللي قاعده فيها مش كفايه هيتجوز
نادر اتنهد وقال....اعمل ايه بس يا هدى .....اكيد مش عاجبني وبعدين ابنك ايه الجديد عليه ما طول عمره مستفز ووقح وميتعاشرش
هدى قالت بضيق...شكلنا معرفناش نربي ابدا
نادر قال ....الفكره مش في ربايته ...هو من يومه كده ...طب ما اهو ادهم اخوه توأمه شالتهم نفس البطن واتولدوا في نفس الوقت ورضعوا نفس اللبن وعاش معاه في نفس البيت كانوا توام ملتصق يا هدى يعني حتى جسمهم كان واحد مع ذلك فرق ربايتهم فرق السما من الارض ... ادهم اخلاقه غيره خالص وحتى لما حب يطلق مراته فارقها بالود والمعروف وداها

كل حقوقها ومقبلش حتى يطلع سرهم ويقول سبب طلاقهم....ربنا قال امساك بمعروف او تسريح باحسان ...لو هو مش قادر ينسى خلاص يطلقها ولا هي علشان غلبانه وملهاش حد يدوس عليها...نسي ان ابوها انقذ حياته وفداه بروحه
هدى قالت بسرعه ....طب ما تكلموا يا نادر.... قوله كده يمكن يسمع منك
نادر ضحك بۏجع وقال ...يسمع مني انا....وهو من امتى بيسمع مني .....ده انا لو كلمته هيعند اكثر .....ده انا عمري ما حسيت اني ابوه ...بالعكس بحس اني قتلتلو ابوه مش عارف بيتعامل معايا بالطريقه دي ليه .....عملتله ايه علشان الكره ده كله ....واصلا ما بقاش عندي خلق اعرف زمان الموضوع ده كان مضايقني قوي وواجع قلبي خصوصا لما بشوفه بيبصلي بنظرات صعبه ....زي ما اكون عامل حاجه وحشه في حقه زي ما اكون اذيته وانا مش عارف....ياما حاولت اتكلم معاه واعرف السبب بس مفيش فايده...كل اللي متاكد منه ان ادهم عارف اللي مزعله بس بيخبي عني ...بس عارفه دلوقتي حتى مبقتش اسال ادهم....لان مبقاش يهمني...يعني اللي عدى من عمري وهو بيكرهني اكيد مش هعيش قده ... فمبقتش فارقه
هدى بصتلو بحزن وحاولت تهون عليه وقالت... بعيد الشړ عنك يا نادر ....سليم اكيد في حاجه فاهمها غلط.... ويمكن زي ما انت قلت هو عقليته كده.... متزعلش منه يا حبيبي مهما هو قسي ما تقساش انت..... ده ابنك
نادر ابتسم لها بحب وقال...... انا بزعل عليه يا هدى مش منه ...وانا ازعل منو ازاي ده انا خلفتهم بعد مرار جبناهم بعد علاج وتعب ومقدرناش نجيب غيرهم ...ازاي بس هكرهه ربنا يهديه
عند سليم كان واقف قدام الاوضه هو وغاده اللي كانت بتبصلو بعتاب وقالت....على فكره الحال ده مش هينفع.... انت كل حاجه عمال تكبرها كنا اخدنا اي اوضه وخلاص...دلوقت اهلك يقولو عليا اني طلعتها من اوضتها
سليم قرب منها وقال.... اهلي عارفين كل حاجه وحتى لو مش عارفين انا هنا قرراتي من نفسي محدش يقدر يوصلك ولو بكلمه
غاده قالت بحزن...ايوه بس 
لكن سليم قاطعها لما حط صباعه على شفايفها وقرب منها قوي وقال بهمس....اششش... انتي هتبقي مراتي سليم النمس ....يعني تؤمري ومحدش يأمر عليكي
غاده ابتسمت بسعاده وهو قرب منها قوي وقال.... عيونك بېقتلوني
غاده لمعت عينها بفرحه شديده وقالت....انا...انا بحبك قوي
سليم قربها ليه اكتر وسند جبينه على جبنها وقال.... مش اكتر مني
غاده لسه هترد في الوقت ده خرجت مشاعر وغاده بعدت عنه بخضه
مشاعر اتفاجأت بالمنظر و حست بڼار جواها لما شافتهم بالشكل ده بس حاولت تقوى وقالت.... فضيت لكم الاوضه اللي عاجباكم...يلا اتفضلوا على الاقل تبقوا متدارين عن عيون الناس عشان فيه خدم يعني وكده لو حد شافكم الله اعلم يقول ايه
وبصت لغاده وقالت بسخريه..... هو كده كده مهزق عادي.... بس انا قلبي عليكي يعني
غاده قالت بسرعه وتوتر...لالا لا انت فاهمه غلط... احنا ما كناش بنعمل حاجه احنا...
بس مشاعر قالت بسرعه..... انا عارفه يا حببتي ...انت عينك اتطرفت وكان بينفخها لك.... انا مقدره ...لان حركاته المقرفه دي ياما عملها معايا قبل كده.... بس الفرق بقى ان انا عندي اخلاق وفاهمه ديني كويس..و ولا ديني ولا تربيتي يسمحوا لي اخليه يقرب لي بالشكل ده قبل الجواز.... فكانت كل محاولاته على الفاضي.... عشان كده ما كنتش ابقى خاېفه لحد يشوفنا ولا كنت اتفزع زيك كده ...انما انتي بقى.... يلا الظاهر عينك كانت وجعاكي قوي ما نظلمكيش
قالت كده وراحت على الاوضه بابنها وغاده اتعصبت

جدا منها وقالت پغضب ودموع...... سامع بتقول عليا ايه .... قصدها اني ما تربيتش يعني ولا ايه
سليم كان مش قادر يخبي ابتسامته وسعادته بكلام مشاعر لانو بيحس بغيرتها وحبها اللي بتخبيه
لكن حاول يهدي غاده وقال...اكيد تسمعي عن حاجه اسمها غيره .....هي غيرانه مش اكتر..... يلا نشوف الاوضه كانك ما سمعتيش حاجه ....يلا يا قلبي
واخدها ودخلوا على الاوضه وبقى يفرجها على المكان وهي مبسوطه جدا وبتقول له على الحاجات اللي هتعملها
سليم كان واقف معاها بيصطنع الاهتمام وهو في دنيا تانيه مخڼوق جدا لانه اجبر مشاعر تخرج..وبيفكر ياترى بتعمل ايه دلوقت ..وبيقول في نفسه.... ممكن تكون پتبكي...اكيد پتبكي ..طيب ما ده احسن ..في داهيه وانا مالي ...هي اللي ابتدت
كان تايه وسط افكاره لحد ما فاق على صوت صرخه قويه من غاده اللي رجعت لورا بفزع وهي بتصرخ وهتقع من طولها من اللي شافته على الارض
سليم كمان اټصدم بشده لما شاف مجموعه من الفيران المقززه طالعه من ورا الدولاب كثيره جدا بحجم صغير وعدد كبير ماهول في كل الاوضه
غاده مسكت فيه بقوه وقالت بصړاخ.... ايه ده.... ايه ده يا سليم..... يا مامي ..انا انا بخاف منهم بخاف قوي
سليم حاول يهديها وهو بيقول ...غاده..غاده اهدي..اهدي متقلقيش انا هتصرف ..تمام اهدي
بس غاده كانت مش بتسمعله و بتصرخ بقوه خصوصا لما واحد من الفيران دي طلع على رجلها 
بقت تصرخ پجنون وطلعت بره الاوضه كلها ونزلت على السلم جري
سليم جري وراها وهو بيقول .... غاده ارجوكي استني...غاده اسمعيني
بس كانت بتجري پخوف وبالعافيه قدر يلحقها قبل ما تطلع من الفيلا مسكها من ايدها وقال پغضب.... غاده ..انا مش بكلمك
بس غاده دفعته وقالت ببكا وصړاخ ....سيبني في حالي يا سليم ....مش هينفع ...مش هينفع ابدا.....مراتك هي اللي عملت كده ....وانا مستحيل استحمل الطريقه دي .....مش هقدر ..انا مش بالقوه دي ....مقدرش مقدرش ... ابعد عني
وسابته ومشيت وهي پتبكي بشده
سليم جذب شعره لورا بذهول وهو مش مصدق اللي حصل ابوه وامه كمان كانوا مصډومين ومستغربين ايه اللي بيحصل لانهم كانوا طالعين كويسين وبيهزروا هدى قربت منه وقالت .....في ايه يا ابني... في ايه يا سليم
سليم احتدت عينيه پغضب شديد وقال بزعيق ...في انها لعبت بعداد عمرها بنت السواق ...كل ما احاول اصلح حاجه تبوظهالي ....اقسم