سر الطفلة الصغيرة

بنته وبس.
يمكن لأنه كان حاسس إنه فشل يحميها.
وفي نفس الليلة، قررت تروح لمروة وتوريها كل حاجة.
مروة لما قرت الجواب سكتت وقت طويل.
وبعدين قالت
يعني إيه؟ بعد العمر ده كله هنفتح قبور الماضي؟
لكن خديجة ردت بحزم
الحقيقة عمرها ما بتتقفل عليها قبور.
ومن هنا بدأت رحلة جديدة.
رحلة البحث عن أسرار مدفونة من عشرات السنين.
سألوا كبار العيلة.
دوروا في الورق القديم.
فتشوا في الذكريات اللي الناس كانت بتهرب منها.
ومع كل خطوة، كانوا بيكتشفوا إن حياة عبد الجليل كانت مليانة أسرار أكتر بكتير مما تخيلوا.
أسرار عن خلافات عائلية.
وميراث اتسرق.
وعداوات قديمة.
وأشخاص اختفوا من حياة العيلة فجأة وكأنهم عمرهم ما كانوا موجودين.
لكن أخطر حاجة اكتشفوها كانت إن فيه شخص واحد بالذات كان موجود في كل الحكايات.
اسم بيتكرر في كل رواية.
وفي كل مشكلة.
وفي كل ذكرى مؤلمة.
اسم راجل ماټ من سنين طويلة.
ومع ذلك...
كل ما يقربوا من حقيقته كانوا يحسوا إنهم بيفتحوا باب ما كانش لازم يتفتح.
وفي ليلة مطرية، وبعد ساعات من البحث بين الأوراق القديمة، لقت مروة ظرف أصفر متآكل مخبي جوه تجويف سري في الدولاب.
ولما فتحته...
شهقت بقوة.
لأن اللي كان جواه ما كانش مجرد ورق.
كان دليل.
دليل قادر يقلب تاريخ العيلة كلها.
ودليل لو اتكشف للناس...
هيثبت إن الكذبة اللي عاشوا عليها أربعين سنة كاملة كانت أكبر بكتير من مجرد قصة طفلة ماټت بالمړض.
وكانت دي اللحظة اللي خلت مروة تبص لأمها بعينين مرعوبتين وتقول
يا نهار أسود... لو اللي مكتوب هنا طلع حقيقي... إحنا عمرنا ما كنا نعرف عبد الجليل أصلًا...
وتجمدت الحاجة خديجة مكانها وهي شايفة الظرف بين إيد بنتها.
لأنها لأول مرة من بداية الحكاية كلها...
حست إن الړعب الحقيقي لسه ما بدأش. 
في الليلة دي، محدش نام. لا مروة، ولا الحاجة خديجة، ولا حتى فاطمة اللي كانت نايمة في أوضتها وهي حاضنة الدبدوب القديم. الظرف الأصفر كان مرمي فوق الترابيزة كأنه قنبلة موقوتة مستنية اللحظة المناسبة عشان ټنفجر. مروة كانت قاعدة قدامه وعينيها معلقة على الورق اللي جواه، بينما خديجة كانت ماشية رايحة جاية في الصالة وقلبها مش مطمن. وأخيرًا، مدّت مروة إيديها وطلعت الورقة الأخيرة من الظرف.
كانت عبارة عن صورة قديمة جدًا، متصورة بالأبيض والأسود. الصورة فيها عبد الجليل وهو شاب، واقف جنب راجل تاني ضخم الچثة وملامحه حادة بشكل مخيف. وورا الصورة بخط اليد مكتوب أنا وحسن يوم الاتفاق.
اتفاق إيه؟ تمتمت خديجة وهي بتقرب الصورة من عينها.
لكن الصدمة كانت في الورقة اللي وراها.
عقد بيع.
أرض كبيرة كانت مملوكة لعيلة عبد الجليل.
لكن اسم البائع ما كانش عبد الجليل.
كان اسم أخوه الأكبر... محمود.
الرجل اللي كانت العيلة كلها بتقول إنه سافر الخليج واختفى هناك من أكتر من أربعين سنة.
مروة رفعت عينيها ببطء وقالت
إحنا طول عمرنا متقالنا إن محمود سافر وما رجعش.
خديجة بلعت ريقها وقالت
أيوة... وكلنا صدقنا.
لكن الورق كان بيقول حاجة تانية.
كان فيه إفادات وشهادات تثبت إن محمود كان لسه موجود بعد التاريخ اللي قالوا إنه سافر فيه بسنين.
وإنه كان داخل في ڼزاع كبير على الميراث.
وإن فجأة... اختفى.
من غير أثر.
ومن غير بلاغ.
ومن غير تفسير.
ومع كل ورقة كانوا بيقروها، كانت صورة عبد الجليل المثالية بتتهز أكتر.
مش لأنه كان مچرم.
لكن لأنه كان مخبي أسرار ضخمة جدًا.
وفي آخر الملف، لقت مروة جواب قديم مكتوب بخط عبد الجليل نفسه.
ولما فتحته، كان أول سطر فيه
أنا تعبت من حمل الذنب...
سكتوا.
وقرأت مروة بصوت مرتعش.
عبد الجليل كان كاتب إنه طول عمره ساكت.
وإنه وافق على رواية كاذبة اتفقت عليها العيلة بعد اختفاء محمود.
وإنه فضل أربعين سنة عايش وهو