همسة حياتي بقلم نجلاء ذكي

وتنهى همسه عامها الدارسي الثالث بنجاح وتفوق لتطلق خالتها الزغاريد وهي سعيدة بنجاحها وبداخلها تتمنى ان تجمع بين اغلى اثنين الى قلبها لتجد الباب يدق لتفتح لتجد جارتها ام سعد لترحب بها سميرة 
ازيك يا حبيبتى 
ازيك يا غالية الا الزغاريد اللى سمعتها دي لايه 
اه اصل ما شاء الله همسة نجحت بامتياز 
مبروك ياختي دا انا قولت جالها عريس ولا حاجة 
هو فيه يا ام سعد احسن من النجاح بكرة لما تخلص ربنا يبعت لها ابن الحلال اللي يسعدها .
اه ياختى البنت ملهاش الا بيتها وجوزها ويعنى بنت اختك جميلة وصغيرة وشباب الحارة يتمنوا بس ينولوا الرضا ويتقدموا ليها قولت اسبقهم واخطبها لاسمالله عليه ابنى سعد اهو مكانيكى وكسيب وشاطر في شغله وان شاء الله اللى تطلبوه هينفذه هو هيلاقى احسن من نسبكم لتحاول سميرة التهرب 
سعد ده ابنى التاني واى ام تتمناه لبنتها بس انتي عارفة همسة لسه مخلصتش دراستها وهي مش هتفكر ترتبط الا لما تخلص جامعة
ليه ياختى وهى هتعمل ايه بالشهادة دا انا ابنى هيستتها وميخليهاش محتاجة حاجة 
عارفة يا حبيبتى بس اصل لتقطعها 
لا اصل ولا فصل هو سعد يتعيب ولا مش عجبك 
لا يا ام سعد عمري ما اقدر اقول كده بس البنت عايزة تخلص جامعتها لتحاول ام سعد ان تقنعها بطريقة اخرى
يعني انا قولت ان سعد يتجوزها احسن من كلام الناس لترد سميرة باستنكار
كلام ايه يا ام سعد 
يعني متاخذنيش اصل البنت حلوة وابنك يعني اعزب وقاعد معاكم فى البيت يعنى انتى عارفة الناس مبترحمش 
اه طب يا ام سعد طلبك مرفوض واه ابنى محترم وبنت اختى مفيش بنت فى ادبها بدليل انك عايزها لابنك
وق طع لسان اي حد يجيب سيرتهم وشكرا على الزيارة 
متزعليش منى يا سميرة 
مفيش زعل ياام سعد لتنصرف وهى تجر ازيال الخيبة فهى بدل ان تقنعها بزواج ابنها من همس لم تكسب الا الرفض التام لتدخل سميرة حجرتها وبداخلها اتخذت قرار ويجب ان تقنع به مازن وهمسة 
وبالفعل عندما عاد مازن من عمله دخل الى حجرتها ليعلم ما بها وخصوصا ان همسة ابلغته انها منذ العصر وهي بحجرتها لم تخرج منها 
مساء الفل يا ست الكل قاعدة لوحدك ليه 
مفيش يابني بركت لهمسة ما شاء الله نجحت بامتياز 
الف مبروك لا هطلع ابارك لها دلوقتى انتى مالك يا امي حزينة وقلقانة ليه 
لتقوم سميرة باخبار مازن بزيارة ام سعد وما دار بها ليتحدث مازن بعصبية
نعم عايز يتجوز مين ومين اللى يقدر يفتح بقه بكلمة عليا وعلى همسة لتقطعه والدته 
عايز الصراحة يابنى هي عندها حق سوء كان كلمها صح او غلط انا محسبتهاش صح 
طب تحبي يا امي ارجع تاني شقتي 
مبقاش ينفع يابني الكلام اتقال وطلع لو عملت كده هتاكد كلام الناس انا شايفة ان مفيش الا حل واحد 
ايه هو يا امي 
انك تتجوز همسة 
ايه اتجوز همسة انتي عارفة انا اكبر منها بكام سنة همسة صغيرة واكيد تتمنى حد في سنها لتقطعه والدته مرة اخرى
طب هنعمل ايه انت ترضى اننا نجوزها لسعد ليرد سريعا 
لا طبعا سعد ايه همسة تستحق احسن من كده بكتير لترد بخبث
وهو فيه احسن منك يا مازن انت ابن خالتها وهتخلي بالك من امانة خالتك ليصمت قليلا ثم يرد بتردد 
خلاص شوفي رايها ايه وانا موافق 
تمام يا بنى لتحدث نفسها شكلك ميلت ليها يا مازن بس خاېف تحب تاني وتتكسر وهى كمان شكلها بتحبك بس هي كمان خاېفة تخسرك لا بس انا مش هرتاح الا

بجوزكم واشوف ولادكم لتنتبه على صوت مازن 
امي انتى روحتي فين 
هه لا يابنى بس سرحت شويه خلاص هاخد رايها وبكرة وارد عليك نشوف هنعمل ايه 
تمام يا ست الكل بصي انا هلكان النهاردة هدخل انام 
طب مش هتتعشى 
لا ياحبيبتى هنام لانى ورايا بكرة شغل كتير عايز تركيز تصبحي على خير 
تصبح على جنة يا حبيبي ربنا يسعد قلبك 
ليذهب الى حجرته وتتعجب همسه انه عندما رأها دخل سريعا غرفته لتدخل الى خالتها 
خالتى مازن دخل على اوضته ومقالش ان كنت احضر ليه يتعشى 
لا يا بنتى مازن هينام 
منغير ما ياكل كده يتعب 
قلبك عليه يا همسه لترد بتلجلج
طبعا يا خالتى ما هو ابن خالتي وزى اخويا قالت الاخيرة وهي يبدو عليها الحزن لترد خالتها باستفهام
انتى شايفة مازن اخوكي يا همسة لتسرع همسة بالرد وهي تهرب من عيون خالتها
طبعا مازن اخويا الكبير لكن صوتها خاڼها وظهر الحزن فيه لتسرع خالتها
بقولك يا همسة في عريس اتقدم ليكى النهاردة لتتعجب همسة 
مين ده وبعدين انا مش بفكر في الموضوع ده 
والله يا همسة هما اتنين مش واحد 
ليه يا خالتي هو ايه اللى حصل مرة واحدة كدة اتنين 
انتى جميلة وان كان على العرسان ففى كتير بس انا اللى كنت باجل اكلمك في الموضوع ده 
طب اشمعنا المرة دى 
مش تعرفي العرسان مين الاول 
طب مين يا خالتي 
الاول سعد 
ايه سعد 
اه ايه رايك 
لا يا خالتى انا عاوزة اكمل تعليمي الاول والحمد لله انا تقديراتى حلوة ولو كمان السنة اللى جاية ربنا وفقنى هتعين معيدة باذن الله 
يا رب يا حبيبتى طب مش عايزة تعرفي التانى 
لا ما هو باين اذا كان الاول سعد يبقى التانى هيكون مين وبعدين انتى عايزة تخلصي مني ولا ايه 
ابدا يا نور عيونى عايزة اطمن عليكي وكمان ام سعد نبهتني لحاجة مكنتش واخدة بالي منها 
ايه هي لترد بتتردد وهي تشعر انها اسهبت بالكلام 
لا ولا حاجة يا ستي العريس التانى مازن لتقف همسة وقد وقف الزمن حولها لا ترد ولا تصدر اي رد فعل كانها اصبحت صنم 
مالك يا همسه مش عجبك ابن خالتك 
انتى قصدك مازن مازن ابنك لتضحك سميرة وقد تاكدت ان همسة تعشق مازن
اه يا ستى مازن ابني 
طب ليه كانت تسال ويدور بخلدها الف سؤال كما جاء كلمة خالتها عن ام سعد لكنها لحبها لمازن كانت تتمنى رد واحد من خالتها وهو انه يحبها لترد خالتها بعقلانية 
ليه علشان مازن ابن خالتك واولى بيكى من الغريب وهو اللى هيحافظ عليكى ويخلينى اطمن عليكى لو قابلت وجه كريم لتجزع همسة 
بعد الشړ عليكى يا خالتى 
ياحبيبتي ده مش شړ دي سنة الحياة وانا عايزة وطمن عليكى ومش هلاقى احسن من مازن وربنا يسعدكم ويرزقكم الزرية الصالحة لتشرد همس قليلا فهو لا يحبها بل ينفذ وصية امه له فهي من عرضتها عليه لتطمن عليها لكنه لا يشعر نحوها بشئ تشعر بوجزات بقلبها للمرة الثانية لم يشعر مازن بحبها للمرة الثانية لم يختارها بارادته ماذا تفعل هل ترفض وتخسره الى الابد اما تقبل ويبقى لديها امل انه يشعر بحبها يوما لتعود من شرودها على سؤال خالتها 
ها يا حبيبتى قولتى ايه لتسالها بامل واهي
طب مازن رايه ايه 
طلب منى اسالك تقبلي تكوني مراته لترد بشرود 
اللى تشوفيه يا خالتى اكيد مش هلاقى احسن من مازن لترد بسعادة 
على بركة الله ربنا يتمم لكم على خير 
وبالفعل في صباح ابلغت مازن بموافقة همسة كان بداخله يشعر بالسعادة والقلق ان تكون همسة وافقت عليه حتى تراضي خالتها ولانها مجبرة على