سليم و ليلي من حبي فيك يا جاري

سمسم
خرج من ورا الباب بعد ما فتح كان شكله مرهق
خير يا حيزبونة 
إيه ده مالك إنت كويس!!
مسكته وسندته لحد أقرب كرسي وأنا بحاول أداري خۏفي وتوتري
سليم إنت مش كويس.. بطل عند ويلا ننزل مستشفى
ليلى خلاص قولتلك أنا..
ملحقتوش! وقع فالأرض في أقل من ثانية فضلت أصرخ بإسمه لحد ما ماما نزلت على صوتي.. وأقل من نص ساعة كنا نقلناه المستشفى..
خير يا دكتور 
مش خير.. للأسف سليم لازم يعمل العملية في أسرع وقت.. قلبه مش مستحمل يوم تاني كل تأخير زيادة بيعرض حياته للخطړ..
فضلت واقفة بستوعب! ماحستش بنفسي غير وأنا ماسكة تليفوني وبتصل برقم معين
ألو.. أستاذ عادل كنت بكلمك بخصوص سليم.. 
إتنهدت
سليم لازم يعمل العملية في خلال اليومين دول..
فضلت واقفة قصاد سريره سرحانة حيرانة من خطوة هتخلق بينا مسافات بس الواقع بيقول إنه لازم يعملها! حتى لو الخطوة دي هيتبني فيها سد كبير ما بينا.. 
إنتبهت لحركته لما فاق جريت عليه بلهفة
سليم إنت فوقت الحمدلله يارب
رد عليا بنبرة مجاهدة
إيه إللي حصل 
أبدا يا سيدي إنت بس كنت بتشوف غلاوتك عندنا فقلقتنا عليك 
الدكتور قال إيه 
قعدت على طرف السرير
كانوا عايزين يدخلوك العمليات على طول بس أنا صممت أستناك لما تفوق علشان أقولك متخافش.. أنا جنبك
تعبيرات وشه أتغيرت للخضة
عملية إيه يا ليلى!! وجيبتي فلوسها منين
سليم ممكن تهدى عملية بسيطة وإن جينا للحق بقى إنت لازم تعملها علشان إللي بيحصل ده إسمه إستهتار!! 
ليلى إسمعيني.. 
قطعته وأنا بمسك إيده
مفيش وقت أنا جاية اقولك علشان خاطري بقى يا سليم أعملها.. أنا معنديش إستعداد كل يوم أصحى وإيدي على قلبي من كتر الخۏف ده أنا بدعي كل شوية إن ربنا يحفظك لمجرد إنك رافض تعملها.. سليم.. لو بجد ليا غلاوة عندك أعملها صدقني ربنا كبير.. ومش هيسيبنا علشان عارف قد إيه إحنا واثقيين في حكمته.. 
إبتسم
توعديني 
أوعدك
مش لما تعرفي الأول بإيه 
مش مهم
أوعديني إن مهما حصل تفضلي جنبي
قربت منه وضميته ليا
أنا موجودة في أي وقت مهما حصل
دخل العمليات وفضلت بره بدعي يخرخلي بالسلامة خۏفي إتجاه العملية كان مخليني مچنونة وخاېفة ومتوترة العملية إللي كلنا كنا خايفين منها بس بنكابر! لقيت نفسي بفرش سجادة الصلاة وبسجد وأنا بدعي وبقول يارب.. يارب يخرج منها على خير عشمي فيك كبير.. كبير أوي يارب..
عدى 3 ساعات في أوضة العمليات وأخيرا خرج الدكتور إللي أول ما شوفته جريت عليه
دكتور طمني سليم عامل إيه
يتبع..
من_حبي_فيك_يا_جاري 
الفصل الثاني 
حمدالله على السلامة يا سمسم 
بقولك إيه يا حيزبونة إنت هتصدعيني أخرجي بره أحسن
تصدق أنا غلطانة خليك كده مع المحاليل والأبر.. مش وش نعمة صحيح!
خرجت بره الطرقة وأنا بفتكر كلام الدكتور..
دكتور طمني سليم عامل إيه
متقلقيش هو كويس الحمدلله وحالته إستقرت كمان محتاج راحة تامة ومايعملش مجهود فترة كبيرة.. قلبه لسه برضه مرجعش زي الأول!
يعني العملية نجحت صح
نجحت يا ستي وعدت
نسبة نجاحها كمان..
كنت مبسوطة طايرة.. الحمدلله يارب شكرا يارب إنك إستجبتلي ورجعتهولي سليم يا كرمك الواسع يارب..
رايحة فين يا ماما
كنت بدور عليكي علشان أقولك روحي إنت.. أنا هفضل معاه
لا يا حبيبتي روحي إنت.. ماتخافيش عليه
طيب خلي بالك يا لولا ولو إحتاجتوا حاجة كلميني
إبتسمت وعيوني كان فاضلها شوية وتطلع قلوب
في عنيا
إبتسمتلي بتهكم
إنت هتقوليلي!!
عڼيفة أوي ماما دي!!
يلا علشان ميعاد الدوا يا رجولة
نفسي مرة واحدة أحس إني بكلم ليلى البنوتة
مفيش الكلام ده إنت فاكرني إيه يا أستاذ
خلاص إتسدي بقى!! يا ساتر يارب! 
إبتسمت وقربت منه وأنا بساعده ياخد الدوا
بالشفا يا سمسم.. 
تسلم إيدك يا لولا.. 
مش هتقوليلي بقى جيبتي فلوس العملية منين
بصيت قصادي پخوف
عادي يعني وبعدين مش وقته