سليم و ليلي من حبي فيك يا جاري

الكلام ده.. إنت لسه خارج من عملية نسيت ولا إي..
قطعني
جيبتي فلوس العملية منين يا ليلى 
بصيت بعيد عن نظره
إتصرفت! 
إتنهد بملل لما لاحظ هروبي المبالغ فيه
ما تقولي جيبتيها منين 
توعدني إنك مش هتزعل مني 
صوته إبتدى يعلى بنسبة بسيطة
بلاش تختبري صبري أكتر من كده
أخدت نفس ولقيت نفسي بقول من غير ما أحس
باباك..
نعم!!
كان مصډوم! مش عارف يعبر عن إحساسه إتجاهي بسبب حاجة أنا عملتها عواقبها هتبقى كبيرة علينا!
حصل إزاي
هو جالي الشغل ومعرفش منين عرف موضوع العملية.. 
وإيه إللي حصل
بصيت قصادي وإبتديت أرجع بدماغي لكام يوم فاتوا..
قالولي إن حضرتك طلبتني
مش حضرتك آنسة ليلى سالم
ايوة!
كنت عايز حضرتك في موضوع خاص..
خاص! إزاي حضرتك
سليم دويدار
ضربات قلبي زادت لما سمعت إسمه
ماله سليم..
إبتسم وهو بيحاول يهديني
إهدي يا بنتي كل الحكاية إن أنا عايز سليم يعمل العملية في أسرع وقت أنا لما بعت تحاليله لدكتور كبير قالي إن مفيش وقت!
ثانية واحدة معلش!! تحاليل إيه ودكتور إيه هو مين حضرتك بالظبط
عادل دويدار
هو حضرتك تبقى..
قطعني
بالظبط أنا والده
يعني حضرتك عارف عملية سليم إيه
عارف أنا عارف من وقت ما ظهرله مشكلة القلب أول مرة من خمس سنين لحد ما الموضوع كبر عمري ما غفلت عنه لحظة..
أيوة بس سليم لو عرف حاجة زي دي إستحالة يوافق
علشان كده أنا جيتلك إنت إنت الوحيدة يا ليلى إللي هتقدري تقنعي سليم يعملها..
بس حضرتك كده بتشيلني حمل كبير أنا مش قده!
هتبقي مبسوطة لما يضيع مننا
لأول مرة أسكت ومعرفش أرد! فكرة عدم وجود سليم مرهقة للزهن مرهقة لدرجة بتخليني مش قادرة أتنفس! 
علشان كده مكانش قصادي حل تاني..
فوقت على صوته وهو بيقول
أطلعي بره
أيوه يا سليم بس إحن..
قطعني بحدة
قولت بره ومن النهاردة يا ليلى تنسيني علشان ندمان على كل حاجة حلوة عملتهالك
حاولت أكتم دموعي ولكن فشلت
إنت بتقولي أنا الكلام ده يا سليم إنت جرى لمخك إيه
أنا إللي مش قادر أفهم إنت إزاي قدرتي تعملي كده!! 
عملت إيه مأجرمتش يعنى.. يا سليم أنا عملت كل ده علشانك! علشان تبقى وسطنا..
إبتسم بتهكم 
أمشي يا ليلى لو سمحتي أمشي بجد وماتجيش تاني
مشيت فضلت ماشية فالشوارع تايهه.. عاملة زي الغريق إللي رمى نفسه في البحر قصد علشان مايحسش پألم الدنيا وقسۏتها عليه!
قفلت باب الشقة ورايا في نفس اللحظة إللي سمعت فيها صوت ماما 
جيتي يا لولا
إتنهدت بهم قبل ما أدخل أقعد جنبها بدون صوت كانت باصة على التليفزيون ولما شافتني إبتسمت
حمدالله على السلامة يا حبيبتي
إكتفيت بهز راسي
قربت مني أكتر
مالك يا حبيبتي
إبتسمت بۏجع وأنا بسند راسي على كتفها
ماما هو إنت ليه بطلتي تحضنيني زي زمان
أنا يا ليلى!
مش قصدي الحضن العادي إللي هو مابينا ده أنا أقصد حضڼ زمان.. لما كان بيحصلي حاجة من غير ما أحكيلك ألاقيك قربتي عليا وضماني ليك عارفة ساعتها كنت بحس بإيه حنان العالم كله حواليا.. خليك أماني يا ماما خليني في حضنك دايما
ضمتني ليها بعد ما شافت دموعي
مالك يا ليلى بس فيكي إيه
إتمسكت في حضنها أكتر
العالم إللي بره ده مؤذي أوي أنا مش عايزة أشوف بشړ تاني.. كفاية بالنسبة لي إني أبقى في عالم لوحدي
طيب إهدي يا حبيبتي إهدي خلاص أنا جنبك..
فضلت طول الليل في حضنها وهي بتقرالي قرآن أخيرا إحساس الدفى رجعلي من تاني..
عدى يومين ومعرفش عنه حاجة! بس ماما قالتلي إنه خرج من المستشفى وصحته بقت أحسن لقيت نفسي بخرج صورة لينا وإحنا صغيرين كان هو ماسكني فيها علشان ماقعش كان خاېف عليا وقتها! الصورة بتقول معاني كتير أوي خصوصا إنه أكبر مني بست سنين يعني