سليم و ليلي من حبي فيك يا جاري

كان واعي عني.. 
إبتديت أرجع بذاكرتي لنفس اليوم..
يلا يا ليلى مش عايزة تلعبي على العجلة 
إبتسمت وقربت منه مسكت فيه
هتمسكني علشان ماقعش
ماتخافيش يلا أركبي
إبتديت أركب وأنا ماسكة فيه كنت باصة عليه من خۏفي 
لو سيبتني هقول لبابا 
لسه خاېفة 
إبتسمتي وسعت وأنا لسه ماسكة إيده
لا مش إنت موجود
أه..
يبقى مش خاېفة يا سمسم!
فوقت من أحلى ذكرى مرت عليا وأنا مبتسمة بس دموعي لسه زي ما هي!
سليم
خير!
كان نازل على السلم بعد ما قفل باب شقته نزلت سلمتين ووقفت قصاده
والله العظيم ما كان قصدي كل إللي شغل بالي وقتها إنت! مكانش عندي إستعداد أشوفك پتتوجع كل يوم وأقف ساكتة! 
المشكلة إني عارف يا ليلى بس إنت إختارتي طريق جيه على چرح قديم چرح بحاول أنساه سنين! إنت أكتر واحدة عارفة هو عمل إيه زمان.. سابني ولا كأني إبنه وراح شاف مصلحته فين!! ساب إبنه من غير أم ولا أب يتيم عايش بين أربع حيطان لوحدي وأبويا على وش الدنيا تفتكري ده مش ظلم! وأنا كنت خلاص بعيش حياتي مرتاح من غيره عملتي إيه بقى إنت جيتي هديتي كل ده بحركة مچنونة من حركتك..
إحنا فيها يلا ننسى كل ده ونبدأ من جديد ولا كأن حصل حاجة!
ضحك ضحك لدرجة خليتني أستغرب بصلي وهو بيحاول يهدي ضحك
بالسهولة دي أنسى! 
ليه بتعمل كده بس!
أطلعي يا ليلى مفيش فايدة لكل إللي بيحصل ده إنت ماعطتنيش فرصة الإختيار حتى.. كان ليا الحق إني أقرر على فكرة دي حياتي برضه! أمشي يا ليلى..
مشي خطوتين ووقف على صوتي
سليم..
فضل واقف مالفش مابصليش! إتنهدت بيأس وأنا بقول أخر حاجة كان ممكن أقولها في موقف زي ده
أنا بحبك يا سليم!
يتبع..
من_حبي_فيك_يا_جاري 
الفصل الأخير 
أنا بحبك يا سليم!
ودي بقى إشتغالة جديدة 
إشتغالة!! 
لف بجسمه وبصلي 
أنا مش عيل يا ليلى مش كل شوية هسمع كلامك وأنا مغمض المرة إللي فاتت لما سمعت كلامك إستفدت بإيه غير الۏجع!
كان هيقول حاجة لكن سكت مشي من قصادي وسابني واقفة بلعڼ الحظ إللي خلاني واقفة الواقفة دي!
ليلى كنتي فين يا بنتي
كنت تحت
لسه برضه زعلان
أعمله إيه يعني
بټعيطي يا لولا!
مسحت دموعي وقعدت جنبها
سليم مش هيسامحني يا فوفا! 
ماتقوليش كده إنتوا دايما
ناقر ونقير
المرة دي غير
ما إنت برضه كان لازم تقوليلوه 
حتى إنت يا ماما! على العموم أنا مقتنعة بإللي عملته.. مش عاجبه بقى يتفلق ويخبط راسه في الحيط
ضحكت على طريقتي وقالت 
طب بس بالرحة لاتنفجري! صح كنت عايزة أتكلم معاك في موضوع 
موضوع إيه 
آدم
ماله
بصراحة بقى الولد طلب إيدك مني 
نعم! 
أنا عمري ما جبرتك على حاجة وإنت حره
دخلت أوضتي وأنا مشتتة آدم زميلي في الشغل وعلاقته بينا كويسة.. بشوفه دايما صاحبي الجدع!
دماغي رجعت لذكرى معينة وأنا سرحانة..
مين ده بقى
في إيه يا سمسم بس ده دومتي صاحبنا في الشغل
صاحبكوا بيكلم أمك كل شوية
بيطمن عليها علشان عرف إنها تعبانة!!
والله 
إنت مضايق ليه بس 
علشان الواد ده أنا مش مرتاحله إهتمامه بيكي غريب..
عادي الصحاب لبعضيها يا سمسم
صحاب إيه إللي لبعضيها يا شبر ونص إنت! 
إيه ده بقى!! هنخيب ولا إيه!
خلاصة الكلام يا ليلى الواد ده تخفي معاه كلام وطريقتك تتظبط علشان مزعلكيش
سليم أنا مبحبش الطريقة دي وأنا معملتش حاجة غلط! 
قومت وقفت
عن إذنك علشان متأخرش على شغلي!
صباح الخير يا آدم
صبا النور يا لولا
قولي خلصت البريزنتشن ولا هنتسوح كالعادة 
عيب عليك
الله ينور يسطا
بس مالك قمر إنهارده كده ليه يا بت يا ليلى
يا عمنا ماتكسفناش بقى والله ما بصيت في المراية حتى! 
بس شكلك حلو
اللهي ربنا يسترك
عادي يا جماعة مبعرفش أرد على الكلام الحلو!
وعارفة كمان شعرك لذيذ كده
أه ما أنا غسلته وسيبته