اسكريبات ديزني قصيرة بقلم شيماء يسري زهران

كفاية رعشة قلبك يتعب كده يابنتي.
بقولك مش قادرة اتحرك من التلج حاسة بفريزر في دماغي.
اومال انا اعمل ايه اللي من صباحية ربنا في الشغل لحد ما بقيت كيس اوتة في التلاجة.
اوتة آخرة اللي يتجوز حد من القاهرة.
قسما بالله يا مرام لو فتحتي السيرة دي قولتلك مليون مرة مبحبش الهزار في كده.
قصدك انهي سيرة سيرة الواد الاسكندراني اللي كان بيغازلني في الرايحة وفي الجاية وهو بيناديني يا طماطم
طب اوعي بقى ايدك دي بدل ما اعملها عصير طماطم يا ماما كنتي اتجوزتيه يا حبيبتي متجوزتيهوش ليه
طبعا بدأت اغير صوتي لصوت عيلة مستفزة وانا بمسك شعره واقول
انت بتغير يا لولو..انت نونو بتغي...
خلاص عشان مبحبش الرزالة واوعي ايدك مالها اوتة
ماهو مفيش حاجة اسمها أوتة يعني!
اه لكن فيه حاجة اسمها طماطم مش كده اوعي ايدك.
يا مراد بلاش برود الدنيا تلج خليني مدفية كده وبعدين انت عارف اني مبحبش فيلم عمر وسلمى ده غيره.
فيه حد ميحبش عمر وسلمى ولا إنت شاكة اني عمر في نفسي
عمر في نفسك اه وانت مفكرني كنت هبقى سلمى في نفسي والجو ده دي مغفلة فضلت طول الفيلم تسامحه.
وفيها ايه يعني لما تسامحيني دي هي كانت مرة.
يا مراد هو انت حلو ليك ټحرق دمي لكن أنا لاء
طب ما اه اومال إنت كل ده فاكرة ايه
مسكت الريموت وانا متعصبة وغيرت الفيلم.
يا مرام هو انا مينفعش اهزر معاكي ليه كل هزار تقلبيه جد
إنت قلاب ترابيزة مفيش تقدير لمشاعري بربع جنيه.
وإنت مبتقدريش مشاعري ليه كل شوية وإنت بتفكريني بالواد المستفز بتاع اسكندرية وإنت عارفة اني بغير عليكي من نفسي.
بحب اشوف غيرتك دي..كل ما بتكون غيران بحس اني مبسوطة.
مبسوطة اني مضايق
مبسوطة انك بتحبني يا غبي.
سكت وبص للتليفزيون وهو بيحاول يداري ابتسامته مني.
عايزة تتفرجي على أيه طيب
على ملامحك.
ساب الريموت وبص ليا بيضحك وهو بيقول
هو انت عارفة انك بتبقي عسل لما تتروشني وتقوليلي كلام حلو
طب بمناسبة اني عسل وكده ينفع تودي العسل زيارة لمامتها في اسكندرية مش دلوقتي يعني لو مشغول كمان اسبوع..يومين كده..يوم يعني..ينفع بكرة
يا مرام عيوني والله بس الدنيا هنا بصي عاملة ازاي تخيلي اسكندرية بقى.
دي الدنيا هنا عاملة عمايل بعيونها والله.
ده بيضحك بصوت عالي وشكل كده كلامي مجاش معاه سكة.
هو إنت كده بترشيني عشان نسافر مش عشان قولتلك بنتروشن وبنبقى عسل هتظيطي.
يوه يا مراد مش هتوديني يعني
هوديكي حاضر بس بعد بكرة عشان بكرة ورايا شغل.
قومت حضنته وانا بقول
احلى مراد في الدنيا والله يابني مانا عارفة ازاي اتخبطت في عقلي ووافقت اعيش معاك في